SƖPAALAARAA 11:39 - WƖA TENIŊ

³⁹ Chɛnsɩ-la balɩa sɩ bala, ʋ mɩɩra kɔ ʋ nyɩmma teeŋ ʋ kɛnʋ ŋaa ŋɩɩ ʋ sɩ ta nii-la a bʋl, dɩ ʋ ha ŋaa hapuŋ. A chɩŋ ŋɩɩ lɛ nɛ wɩɩ-la ŋaa Iziral tɩŋŋaa naaba wɩɩ.

SƖPAALAARAA 11:39 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 35:25

Ŋɩɩ nɛ Jɛrɩmaaya ta jeŋ-biiŋ a pɩ Josaaya. Arɩ jɩnɩŋ kala gɔgʋ-baalaa arɩ haalaa ha yie ta jeŋ-bii-la nɛ a liliisi Josaaya wɩaa. Ba ŋmʋnsɛ jeŋ-biiŋ deeŋ hɛ ba jeŋ-biee tʋɔŋ nɛ.

AZAAYA 66:3

Ama nɩalɩŋ sɩɩ to ba tʋɔtɔrɛ wɩaa harɩŋ, a cho wɩalɩŋ sɩɩ kɩsʋ mɩ teeŋ, dɩ ba kʋŋ nɛ kpʋ nɛ-bele a ŋaa Wɩɩsʋlʋŋ, ʋ nagɛ nʋʋ sɩ kpʋ nuhuobiine nɛ. Koo dɩ ʋ nɛ kpʋ pie-pɔrʋŋ a ŋaa Wɩɩsʋlʋŋ, ʋ nagɛ vaha baŋŋaa ʋ sɩ boro nɛ. Ba kʋŋ nɛ ŋaa mɩaa Wɩɩsʋlʋŋ ma, ʋ nagɛ nʋʋ sɩ kɛŋ tooŋ chalɩŋ ŋaa Wɩɩsʋlʋŋ nɛ. Dɩ ʋ nɛ nyɩgɛ kʋsʋɔrʋsʋŋ ma, ʋ nagɛ nʋʋ sɩ kpaarɛ vʋɩŋ nɛ.

MOSIS BƖRA WULLI WƖA WOMBIIŊ 12:31

Má bɩ maga dɩ má zil ma TƖƖNA Wɩa ŋɩɩ nɩalɩŋ sɩɩ zil ba vesiŋ. Dɩ ba nɩɩ kpaarɛ ba vesiŋ, ba yie ŋaa wɩalɩŋ sɩ bɩ bana kɛnɛ a kɩkɩsɛ nɛ La TƖƖNA teeŋ. Ba yie wuo joŋ ba biiriŋ a nyɩga pɩ ba vesiŋ.

SƖPAALAARAA 11:31

kʋŋ na-kala sɩ laa sɩpaaŋ lɩɩ mɩ dɩa lɛ a kʋ lɩɩ chemmi, ʋ jaŋ ŋaa ŋ-na La TƖƖNA kʋŋ, mɩ sɩ jaŋ kpʋ a kaa sʋl kʋnyɩgaa Wɩɩsʋlʋŋ a pɩŋ.”

SƖPAALAARAA 11:38

Ʋ nyɩmma bʋl, “Ŋ jaŋ wuo mʋ,” aŋ pʋ chɛnsɩ-la balɩa. Ʋ dɩ ʋ tanlɔsʋ-la gɔllɛ peelee nyuŋ a yel, a tɩŋ ʋ sɩ bɩ jaŋ jaa bala wɩaa.

SƖPAALAARAA 11:40

Jɩna na-kala Iziral tɩŋŋaa hantolibiisiŋ yie lɩɩ gɔllɔ yel tapʋlaa banɛsɛ, a liliisi Gɩlɩad tɩŋŋaa Jɛfɩta tolo-la wɩaa.

1 SAMƲƐL 1:11

Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”

1 SAMƲƐL 1:22

Ama Hana-na bɩ mʋa. Ʋ bʋla pɩ ʋ bala, “Dɩ bile nɛ waa dɩ mɩ kɛrʋ yɩlɩŋ lɛ, ŋɩɩ harɩŋ nɛ mɩ jaŋ kɛnʋ kaa mʋ pɩ La TƖƖNA, dɩ ʋ hɛ nɩmɛ ʋ mɩɩsɩŋ kala lɛ.”

1 SAMƲƐL 1:24

Ʋ sɩ kʋ kɛrɛ bile yɩlɩŋ lɛ, bʋa-la sɩ maga dɩ ba bɩra mʋ Sɩlɔ kʋ yi, ʋ sii kɛnʋ arɩ ʋ ha sɩ muuro ma kala, a kɛŋ jɩsɩŋ batori nɛ-bele, a ŋaa munuŋ kuokuo gbansɩŋ banɔŋ arɩ tɩɩnɛnɛɛ sɩnɩŋ puruŋ sɩɩ, a kaa mʋ La TƖƖNA dɩa Sɩlɔ lɛ.

1 SAMƲƐL 1:28

ŋɩɩ wɩaa mɩ joŋu hɩhɛ La TƖƖNA nɩsɩŋ lɛ nɛ ʋ mɩɩsɩŋ kala lɛ, La TƖƖNA nɛ jaŋ tɩɩʋ.” Ŋɩɩ nɛ ba dɛnnɛ La TƖƖNA lee-la.

1 SAMƲƐL 2:18

Ama Samʋɛl-na fa hɛ La TƖƖNA teeŋ nɛ a tɩma pʋpʋ bʋa na-kala. Ʋ fa ŋaa bii-bie nɛ a laalɛ gɛrɩpɛ fʋfʋlʋŋ gɛrɩ-laala-daŋɩŋ.