SƖPAALAARAA 11:26 - WƖA TENIŊ

²⁶ Jɩsɩŋ zɔɔ-batori nɛ Iziral tɩŋŋaa hɔŋ Hɛsɩbɔŋ lɛ, arɩ Arʋa, arɩ tabiisi-la sɩ gollo chu arɩ tabala-la kala sɩ chɩŋ ŋɩɩ a kaa mʋ yi Anɔŋ fuo-la. Bɛɛ nɛ tɩɩ ŋ bɩ tintee-la laa bʋa-la lɛ?

SƖPAALAARAA 11:26 ပူးပေါင်းရင်းမြစ်များ

JƐRƖMAAYA 48:19

Má chɩŋ wombiiŋ sɛmɛ a bibeŋ, ma nɩalɩŋ sɩ hɛ Arʋa lɛ. Má pɩɛsɛ baala-la sɩɩ fá arɩ haala-la sɩ foro fɩfá, má pɩɛsɛba, ‘Wʋbɛɛ nɛ ŋaa?’

Tɩntɩŋŋaa 13:19

Ʋ leŋe ba yuo dii tinteyee balɩpɛ nɛ Kɛnaŋ tinteeŋ lɛ a laa tintee-la tɩɩ.

MOSIS BƖRA WULLI WƖA WOMBIIŊ 2:24

La sɩ kieli Mʋab tinteeŋ, ŋɩɩ nɛ La TƖƖNA bʋla pɩla, “Má sii a chol Anɔŋ fuo-la cholo, mɩ joŋ Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ arɩ ʋ tinteeŋ kala a hɛ ma nɩsɩŋ lɛ nɛ. Má kɛŋ ma tɩtɩa a yuo laa tintee-la.

MOSIS BƖRA WULLI WƖA WOMBIIŊ 2:36

A chɩŋ taŋ-la ba sɩɩ yɩrɛ Arʋa sɩ hɛ Anɔŋ fuo-la fuonaaŋ niiŋ a kaa mʋ yi Gɩlɩad, taŋ kala fa tuo a wuola. La TƖƖNA Wɩa leŋe la yuo dii ba kala nɛ.

MOSIS BƖRA WULLI WƖA WOMBIIŊ 3:2

Ŋɩɩ nɛ La TƖƖNA bʋla pɩmɛ, “Sɩ́ leŋe dɩ ŋ bɔyɛ joŋ a tɩŋ kuoro Ɔgɩ wɩaa. Mɩ joŋ ʋ dɩ ʋ nɩaa arɩ ba tinteeŋ kala hɛ ŋ nɩsɩŋ lɛ nɛ. Wɩɩ-la ŋ fa sɩ joŋo ŋaa Amɔrɩ tɩŋŋaa kuoro Sɩhɔŋ fa sɩ hɛ Hɛsɩbɔŋ lɛ, joŋ ŋɩɩ tɩtɩa ŋaa Basaŋ tɩŋŋaa kuoro Ɔgɩ ma lɛ.”

MOSIS BƖRA WULLI WƖA WOMBIIŊ 3:6

La chei ba tasɩŋ kala nɛ a kpʋ baalaa, haalaa arɩ hambiisiŋ, arɩ la sɩ ŋaa ŋɩɩ Amɔrɩ tɩŋŋaa kuoro Sɩhɔŋ lɛ.

JOSUA 11:18

Josua fa yuo kuoroo deemba a dieni nɛ woruŋ.

JOSUA 12:2

Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ nɛ faa beŋ tintee-la kala sɩ chɩŋ Arʋa sɩ hɛ Anɔŋ fuonaa-la niiŋ, a kaa mʋ fuonaa-la tʋtʋɔbaanɩŋ a kɛŋ ŋɩɩ mʋ yi Jabɔk fuo-la. Ba dɩ Amɔŋ tɩŋŋaa bʋa nɛ ŋɩɩ a kɛŋ Gɩlɩad tinteeŋ kpaa magɛ dɔŋɔ pɛ.

JOSUA 12:5

Ʋ nɛ faa beŋ Hɛmɔŋ peel-la, Salɛka arɩ Basaŋ tinteeŋ kala a kaa mʋ yi Gesu tɩŋŋaa arɩ Maaka tinteeŋ bʋa, a saa pɛ Gɩlɩad tinteeŋ kpaa magɛ dɔŋɔ lɛ a kaa mʋ yi Hɛsɩbɔŋ kuoro Sɩhɔŋ tinteeŋ bʋa.

JOSUA 13:10

arɩ tasɩ-la kala Amɔrɩ tɩŋŋaa kuoro Sɩhɔŋ fa sɩ hɛ Hɛsɩbɔŋ lɛ sɩɩ beŋ, a kɛŋ ŋɩɩ kaa mʋ yi ʋ dɩ Amɔŋ tɩŋŋaa tinteeŋ bʋa,

JOSUA 13:16

Ba tinteeŋ bʋa nɛ, a chɩŋ Arʋa sɩ hɛ Anɔŋ fuonaa-la niiŋ, a bɩra chɩŋ taŋ-la sɩ hɛ fuonaa-la tʋtʋɔbaanɩŋ, arɩ tintee-taalɩsɩ-la kala ŋɩɩ a kaa mʋ yi taŋ-la ba sɩɩ yɩrɛ Mediba,

JOSUA 13:17

a to ŋɩɩ mʋ Hɛsɩbɔŋ tasɩ-la kala sɩ hɛ tintee-taalɩsɩ-la lɛ a kɛŋ Dɩbɔŋ, Bamɔf Baal, Bɛf Baal Mioŋ,

JOSUA 23:1

Wɩaa deemba kala sɩ ŋaa bal harɩŋ, La TƖƖNA laa Iziral tɩŋŋaa ta ba dʋndɔmɔ-la sɩ golliba nɩsɩŋ lɛ ba wiesi. Bʋa-la lɛ dɩ Josua fa hɩɛsa nɛ woruŋ.

SƖPAALAARAA 10:8

Jɩsɩŋ fii arɩ chori, ba dɔgɩsɛ Iziral tɩmma-la kala sɩ hɛ Jɔdaŋ fuo-la wɩɩpɔsʋŋ dɩɩrɩŋ Gɩlɩad tinteeŋ lɛ. Gɩlɩad fa ŋaa Amɔrɩ tɩŋŋaa tinteeŋ nɛ.

SƖPAALAARAA 3:11

Ŋɩɩ nɛ tintee-la fɩɛlɛ yuosuŋ lɛ jɩsɩŋ mahɩŋ balɩa a mʋ yi bʋa-la lɛ Ofiniel sɩ sʋba.

SƖPAALAARAA 3:30

Tapʋlɩɩ-la Iziral tɩŋŋaa yuo dii Mʋab tɩŋŋaa nɛ, ŋɩɩ nɛ tintee-la fɩɛlɛ laalɩŋ lɛ jɩsɩŋ mahɩŋ banɛsɛ.

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.

SƖPAALAARAA 8:28

Iziral tɩŋŋaa yuo dii Midiaŋ tɩŋŋaa, ba bɩra bɩ doluŋ kɛnɛ. Gɩdɩɔŋ sɩ hɛ ʋ mɩɩsɩŋ lɛ, Iziral nɩaa fa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa nɛ.

SƖPAALAARAA 9:22

Abɩmɛlɛk sɩ beŋ Iziral nɩaa jɩsɩŋ batori,