SƖPAALAARAA 11:2 - WƖA TENIŊ

² Gɩlɩad haala tɩtɩa ma fa lʋl hambolibiisiŋ nɛ a pʋ. Ba sɩ waa, ba kiri Jɛfɩta ta, aŋ bʋla pʋ, “Ŋ bɩ maga dɩ ŋ pɛ dii la dɩa dʋa, bɛɛ wɩaa ŋ ŋaa ha-wogo bii nɛ.”

SƖPAALAARAA 11:2 ပူးပေါင်းရင်းမြစ်များ

WƖAA DƖ-SUOMUŊ 12:10

Bʋa-la lɛ losuŋ fa jʋʋ Kɛnaŋ tinteeŋ nɛ. Losuŋ sɩ faasa jʋʋ ŋɩɩ, Abɩram arɩ ʋ haala lɩɩ nɩmɛ a mʋ Ijipiti tinteeŋ dɩ ba hɔŋ nɩmɛ.

WƖAA DƖ-SUOMUŊ 21:10

Ŋɩɩ nɛ Sara bʋla pɩ Abɩraham, “Kiri yomo-la arɩ ʋ bie ta, mɩ bɩ chɛ dɩ yomo-la bie pɛ mɩ bie Aɩzɩk lɛ dii dɩa.”

NAMAGABA 2:16

Wʋjɩmɩŋ jaŋ lɩɩsɩŋ halɩɩla nɩsɩŋ lɛ, a lɩɩsɩŋ hachɔrʋmʋŋ sɩɩ chɛ ʋ nyɩsa kɛnɩŋ,

NAMAGABA 5:20

Mɩ bii, bɛɛ nɛ tɩɩ ŋ leŋ haal dɔŋ chonuŋ vɔgʋŋ? Bɛɛ nɛ tɩɩ ŋ dɩ nʋʋ haal pɛ bɔsɔ?

NAMAGABA 5:3

Hachɔrʋmʋŋ niiŋ wʋbʋlaa sɩma nagɛ tʋʋŋ nɛ, aŋ mʋllɛ a nagɛ ŋ sɩ kɛŋ nʋʋŋ tɩsɛ kʋa.

Galiisia Nɩaa 4:30

Bɛɛ nɛ ba bʋl Wɩa teniŋ tʋɔŋ? Ba sɩ, “Kiri yoŋ-la arɩ ʋ bie ta, bɛɛ wɩaa haal-la sɩ ŋaa yomo bie bɩ jaŋ wuo pɛ haal-la sɩ tɩɩ ʋ tɩtɩa bie lɛ dɩ ba dii ba nyɩmma dʋa.”

MOSIS BƖRA WULLI WƖA WOMBIIŊ 23:2

Dɩ nʋʋ nɛ ŋaa mɛŋgaa-bii, ʋ bɩ maga dɩ ʋ guoli La TƖƖNA nɩaa tʋɔŋ, a chɩŋ ʋ tɩtɩa lɛ a kaa mʋ ʋ doho doho fii sɩ jaŋ to ʋ harɩŋ kɔ.

SƖPAALAARAA 11:1

Gɩlɩad tɩɩna kʋbala ma nɛ fa hɛ nɩmɛ, baa yɩrɛ Jɛfɩta. Ʋ fa ŋaa laalɩyuori-babiibal nɛ. Ʋ nyɩmma yɩrɩŋ nɛ Gɩlɩad, ʋ naaŋ fa ŋaa hachɔrʋŋ nɛ.

SƖPAALAARAA 11:3

Ŋɩɩ nɛ Jɛfɩta lɩɩ ʋ naambiiri-la leriŋ a mʋ hɔŋ Tob tinteeŋ. Nɩmɛ nɛ nɩtɔɔnʋŋ kʋ hɛ dɔŋɔ a ŋaa ʋ harɩ-tooroo.