SƖPAALAARAA 10:16 - WƖA TENIŊ

¹⁶ Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.

SƖPAALAARAA 10:16 ပူးပေါင်းရင်းမြစ်များ

WƖAA DƖ-SUOMUŊ 6:6

Ʋ tʋɔŋ chei arɩ ʋ sɩ ŋaa nuhuobiine ʋ hɛ dʋnɩa lɛ a ŋɩŋaa wʋbɔŋŋɔɔ. Wɩɩ-la wɩɩʋ woruŋ.

2 KUOROO 13:23

Ama La TƖƖNA fa fá Iziral tɩŋŋaa nenige, a tɩŋ nii-la sɩ hɛ ʋ dɩ Iziral tɩŋŋaa naabalɩmaba, Abɩraham, Aɩzɩk arɩ Jekɔb pɛgɛ wɩaa. Ʋ ha maachie bɩ leŋe ba cheiba, ʋ ha bɩ chaasa vɩaba ta ma.

2 IZIRAL TƖŊŊAA NAABARƖŊ 15:8

Asa sɩ nɩɩ wɩaa deemba Ɔdɛd nanʋala Azarɩa Wɩa wʋlaabʋllʋ-la sɩ bʋla, ʋ nyuŋ nyaasɛ. Ʋ chei tɔmɔ-la kala sɩ hɛ Juda arɩ Bɛnjamɩŋ tinteeŋ arɩ tasɩ-la kala ʋ sɩ yuo laa Efirem tintee-la peelee sɩ yʋga lɛ. Ʋ wasa bɩrɩmɛ La TƖƖNA koru-la sɩ hɛ La TƖƖNA dɩɩ-bal-la zawʋra sɩpaaŋ.

2 IZIRAL TƖŊŊAA NAABARƖŊ 33:15

Manasɛ paa vesi-la kala ʋ sɩ joŋo bil La TƖƖNA dɩɩ-bal-la tʋɔŋ, arɩ tɔmɔ-la ʋ sɩ kɛŋ daaŋ saa, a giri vʋɩyaa korunu-la ma kala ʋ sɩ saa Wɩa dɩɩ-bal-la dundolo nyuŋ arɩ Jerusalɛm lɛ, a kɛŋ ba kala lɩɩ ta tabal-la harɩŋ.

2 IZIRAL TƖŊŊAA NAABARƖŊ 7:14

dɩ mɩ nɩaa nɛ jaŋ kɛŋ ba tɩtɩa muuri a sʋla chɩchɛmɛ, aŋ bɩrɩma lɩɩ ba wʋbɔŋŋɔɔ lɛ, mɩ hɛ mɩ jaŋ lɛ nɛ, mɩ jaŋ nɩɩ ba sʋla a joŋ ba wʋbɔŋŋɔɔ chɛba aŋ leŋ dɩ ba tinteeŋ fɩɛlɛ.

WƖA YƖƖLAA 73:21

Wɩaa fa sɩɩ wɩɩmɛ, mɩ tʋɔŋ faasa chei nɛ,

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

HOSIA 14:8

Efirem, ŋ dɩ ŋ tɔŋŋɔɔ bɩra bɩ wɩɩ pɛ. Mɩ jaŋ laa ŋ sʋla aŋ beŋ ŋ nyuŋ woruŋ. Mɩ nagɛ bʋtʋma pɩpaarɩŋ sɩ bire woruŋ nɛ, ŋ wʋzɔŋ kala lɩɩ mɩ teeŋ nɛ.”

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

Luuk 15:20

Ʋ sɩ kɔ ʋ nyɩmma teeŋ, ʋ fa ha hɛ dɩ-bolii nɛ, ka ʋ nyɩmma naʋ. Nenige kɛnʋ woruŋ. Ʋ fá mʋ a guoru.

Luuk 19:41

Yesu sɩɩ mʋ ŋɩɩ, ʋ kʋ kpagɛ Jerusalɛm a na taŋ-la. Ʋ yel a tɩŋ taŋ-la nɩaa wɩaa aŋ bʋl,

Jɔɔŋ 11:34

Ŋɩɩ nɛ ʋ pɩɛsɛba, “Nɩɩ lɛ nɛ ma hugu?” Ba bʋla pʋ, “La Tɩɩna, kʋ na lee-la.”

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

MOSIS BƖRA WULLI WƖA WOMBIIŊ 32:36

La TƖƖNA jaŋ laa ʋ nɩaa ta, aŋ fá ʋ tɩntɩnnaa nenige, dɩ ʋ nɛ na dɩ ba doluŋ kala dɛrɛ, nɩalɩŋ sɩ ŋaa yosuŋ arɩ nɩalɩŋ sɩ tɩɩ ba tɩtɩa.

Hiburu TƖŊŊAA 3:10

Ŋɩɩ nɛ tɩɩ mɩ baanɩŋ sii nɩaa deemba kala nyuŋ, mɩ bʋl, ‘Ba tʋɔbɩɩnaa yie ŋaa ba yeŋŋi nɛ, ba bɩ mɩ wombiiŋ jɩŋ.’

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.

JOSUA 24:23

Ŋɩɩ nɛ Josua bɩra bʋl, “Ŋɩɩ-na lɛɛlɛ, má paa vʋɩya-la kala sɩ hɛ ma teeŋ a yuo ta, aŋ joŋ ma tʋɔŋ pɩ La TƖƖNA sɩ ŋaa Iziral tɩŋŋaa Wɩa.”

SƖPAALAARAA 2:18

Bʋa na-kala dɩ La TƖƖNA nɛ lɩɩsɛ sɩpaalaara pɩba, ʋ yie chɩŋ sɩpaa-laarʋ-la harɩŋ nɛ, a lɩɩsɛ Iziral tɩŋŋaa ba dʋndɔŋŋɔɔ nɩsɩŋ lɛ sɩpaa-laarʋ-la mɩɩsɩŋ kala lɛ. Bʋa na-kala dɩ ba dʋndɔŋŋɔɔ nɛ dɔgɩsɛba dɩ ba na hɛɛŋ a yele pʋ, ʋ yie fá ba nenige nɛ a laaba ta.

1 SAMƲƐL 12:10

Ba bɩra yele pɩ La TƖƖNA dɩ ʋ pɛ ba lɛ a bʋl, ‘La ŋaa wʋbɔŋ nɛ, la sɩ vɩa La TƖƖNA, aŋ mɩɩra tuto vesi-la ba sɩɩ yɩrɛ Baal arɩ Asɩtarɔf. Ama lɛɛlɛ, laala ta la dʋndɔŋŋɔɔ nɩsɩŋ lɛ. Dɩ ŋ nɛ ŋaa ŋɩɩ, la jaŋ tutoŋ.’

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”

1 SAMƲƐL 7:4

Ŋɩɩ nɛ Iziral tɩŋŋaa vɩa vesi-la ba sɩɩ yɩrɛ Baal arɩ Asɩtɔrɛf, aŋ joŋ ba tɩtɩa kala pɩ La TƖƖNA a tuto ʋ dʋndʋŋa.