SƖPAALAARAA 10:14 - WƖA TENIŊ

¹⁴ Má mʋ ŋmoo niiŋ a pɩ vesi-la ma sɩɩ to. Má leŋ dɩ ba laama ta, dɩ wɩaa nɛ jʋʋma.”

SƖPAALAARAA 10:14 ပူးပေါင်းရင်းမြစ်များ

2 KUOROO 3:13

Elaasa pɩɛsɛ kuoro Joram, “Bɛɛ kʋŋ wɩɩ nɛ ŋ chɛ mɩ teeŋ? Mʋ pɩɛsɛ ŋ nyɩmma arɩ ŋ naaŋ veŋ-vʋgʋra-la.” Joram bʋl, “Aɩ, La TƖƖNA nɛ yɩrɛ la kuoroo deemba batori kʋ lɩɩ dɩ ʋ joŋ la hɛ Mʋab tɩŋŋaa nɩsɩŋ lɛ.”

AZAAYA 10:3

Wʋbɛɛ nɛ ma jaŋ ŋaa tapʋlɩɩ-la mɩ-na ma TƖƖNA sɩ jaŋ kɛŋ wʋlɔrʋnʋŋ lɩɩ dɩ-bolii a kɔ dɩ ʋ dɔgɩsɛma? Kʋbɛɛ teeŋ nɛ ma jaŋ fá mʋ dɩ ʋ pɛ ma lɛ? Nɩɩ nɛ ma jaŋ joŋ ma dʋa-la bil?

AZAAYA 46:7

Ba yie joŋo baasɛ, a kaa mʋ bil ʋ chɩŋ, ʋ bɩ wuo vɛŋ. Dɩ nʋʋ nɛ bunso pʋ ma, ʋ yie chɩŋ nɛ, ʋ bɩ wɩɩ wuo laa bʋl. Dɩ ŋ nɛ jʋʋ wɩɩ ma, ʋ bɩŋ wuo laata.

AZAAYA 57:13

Dɩ ma nɛ ŋmoo niiŋ a chɩchɛ nʋʋ dɩ ʋ pɛ ma lɛ, má leŋ dɩ ma tɔmɔ-la laa ma ta yei! Peliŋ nɛ jaŋ paaba viiri. Ama nɩalɩŋ kala sɩ laamɛ dii, a nʋʋra jʋʋmɛ, ba nɛ jaŋ tɩɩ tinteeŋ. Ba jaŋ hɛ mɩ peel-la sɩ bɩ disiniŋ kɛnɛ nyuŋ.”

JƐRƖMAAYA 2:28

Nɩɩ nɛ vesi-la ma sɩ ŋaa pɩ ma tɩtɩa hɛ? Má leŋ dɩ ba kʋ laama ta dɩ wɩaa nɛ jʋʋma, bɛɛ wɩaa ma kɛŋ vesiŋ yʋgɛ nɛ woruŋ a nagɛ Juda tasɩŋ sɩ yʋga ŋɩɩ.

ƐZƖKƖƐL 20:39

Ma-na Iziral tɩmma, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Má-na kʋŋkala mʋ a kpʋkpaarɛ ma tɔŋŋɔɔ. Ama mɩ bʋlaa pɩma, ʋ ŋɩɩ harɩŋ ma jaŋ to mɩ niiŋ, ma bɩra bɩ jaŋ joŋ kɩaa kpʋkpaarɛ vʋɩyaa a chei mɩ yɩrɩ-zɔŋ-la.