SƖPAALAARAA 1:4 - WƖA TENIŊ

⁴ Juda doho nɩaa arɩ Simioŋ tɩŋŋaa sɩ mʋ yuo Kɛnaŋ tɩŋŋaa arɩ Pɛrɛs tɩŋŋaa, La TƖƖNA jomba hɛ ba nɩsɩŋ lɛ, ba kpʋ nɩaa bʋɩ fii taŋ-la ba sɩɩ yɩrɛ Bɛzɛk lɛ.

SƖPAALAARAA 1:4 ပူးပေါင်းရင်းမြစ်များ

1 KUOROO 22:15

Mɩkaaya sɩ kɔ, kuoro Ahab pɩɛsʋ, “La mʋ yuo taŋ-la ba sɩɩ yɩrɛ Ramɔf Gɩlɩad koo la sɩ́ mʋ?” Ʋ bʋl, “Má mʋ yuou. La TƖƖNA jaŋ joŋu hɛ ma nɩsɩŋ lɛ.”

1 KUOROO 22:6

Ŋɩɩ nɛ Ahab yɩrɛ wʋnyɩɛrɩ Wɩa wʋlaabʋllaa zɔɔ-banɛsɛ a pɩɛsɛba, “Mɩ mʋ yuo Ramɔf Gɩlɩad koo mɩ sɩ́ mʋ?” Ba bʋl, “Mʋ yuou, La TƖƖNA jaŋ joŋu hɛ ŋ nɩsɩŋ lɛ.”

WƖA YƖƖLAA 44:2

Ŋ kɛŋ ŋ naduo-la nɛ kiri tinteyee nɩaa ta aŋ leŋ la naabalɩmaba hɔŋ ba tinteeŋ lɛ. Ŋ leŋe wɩaa jʋʋ nɩalɩŋ nɛ, ka la naabalɩmaba dʋa woruŋ.

WƖA YƖƖLAA 78:55

Ʋ nɩaa sɩ kɔ, ʋ kiri tinteye-la nɩaa fa sɩ hɔŋ nɩmɛ ta, aŋ kɛŋ ba tinteeŋ kpaa a pɩ Iziral tɩŋŋaa ba doho doho. Ʋ ŋaa ba kʋŋ, ba hɔŋ nɩmɛ.

MOSIS BƖRA WULLI WƖA WOMBIIŊ 7:2

Dɩ ma TƖƖNA Wɩa nɛ jomba hɛ ma nɩsɩŋ lɛ dɩ ma yuo dii, má sɩ́ ba nenige fá, má chei ba kala. Má sɩ́ leŋe ma dɩ ba pɛ nii.

MOSIS BƖRA WULLI WƖA WOMBIIŊ 9:3

Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

SƖPAALAARAA 1:3

Ŋɩɩ nɛ Juda doho nɩaa bʋla pɩ ba naambiiriŋ Simioŋ doho nɩaa, “Má kʋ pɛ la lɛ dɩ la mʋ tintee-la ba sɩ kere pɩla a yuo Kɛnaŋ tɩmma-la. La ma jaŋ pɛ ma lɛ dɩ ma yuo laa ma tinteeŋ.” Ŋɩɩ nɛ Simioŋ doho nɩaa pɛ ba lɛ ba mʋ.

SƖPAALAARAA 1:5

Nɩmɛ nɛ ba na Bɛzɛk kuoro a yuou, a yuo dii Kɛnaŋ arɩ Pɛrɛs tɩŋŋaa.

SƖPAALAARAA 11:32

Ŋɩɩ nɛ Jɛfɩta mʋ dɩ ʋ yuo Amɔŋ tɩmma-la. La TƖƖNA jomba hɛ ʋ nɩsɩŋ lɛ.

SƖPAALAARAA 3:5

Iziral tɩŋŋaa fa hɔŋ nɩaa deemba tʋɔŋ nɛ: Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa.

1 SAMƲƐL 11:8

Sɔɔl sɩ kɛmba a hɛ dɔŋɔ Bɛzɛk lɛ a dɩɩsɛ, nɩalɩŋ sɩ lɩɩ Iziral ŋaa bʋɩ zɔɔ-batori nɛ, ka nɩalɩŋ ma sɩ lɩɩ Juda ŋaa bʋɩ mara arɩ fii.

1 SAMƲƐL 14:10

Ama dɩ ba nɛ bɩra sɩ, ‘Ma kʋ jɩl la teeŋ,’ la jaŋ jɩl, bɛɛ wɩaa ŋɩɩ daga arɩ La TƖƖNA jomba hɛ la nɩsɩŋ lɛ nɛ.”

1 SAMƲƐL 14:6

Jonataŋ bɩra bʋla pɩ ʋ bapʋɔsɩ-bie-la sɩɩ kori ʋ laalɩyuori kɩaa, “Kɔ dɩ la chol a mʋ Fɩlɩsɩtɩa tɩmma-la sɩ bɩ la Wɩa ka to leriŋ. Kapo La TƖƖNA jaŋ pɛ la lɛ. Wɩɩkala bɩ jaŋ wuo pɔ dɩ La TƖƖNA sɩ́ la laa ta, dɩ la yʋga koo dɩ la bɩ yʋgɛ.”