SƖPAALAARAA 1:20 - WƖA TENIŊ

²⁰ Mosis fa sɩ hɛ niiŋ pɩ Kalɩb, arɩ ʋ jaŋ joŋ Hɛbʋrɔŋ tinteeŋ a pʋ, ŋɩɩ nɛ ba joŋo pʋ. Ʋ kiri Anakɩ doho nɩaa nɩwaayiile-la nyɩŋ-nɩaa batori.

SƖPAALAARAA 1:20 ပူးပေါင်းရင်းမြစ်များ

NAMBABA 13:22

Ba to ŋɩɩ a jɩl Nɛgɛf dɩɩrɩŋ, a joŋ ŋɩɩ mʋ Hɛbʋrɔŋ. Ahɩmaŋ, Sɛsaɩ arɩ Talɩmaɩ ŋaa Anakɩ doho nɩaa nɛ, ba nɛ fa hɛ Hɛbʋrɔŋ lɛ. (Ba saa Hɛbʋrɔŋ taŋ-la jɩsɩŋ balɩpɛ harɩŋ nɛ ka ba-na saa taŋ-la ba sɩɩ yɩrɛ Zʋaŋ sɩ hɛ Ijipiti tinteeŋ lɛ.)

NAMBABA 14:24

Ama mɩ tɩntɩnna Kalɩb mɛlɛ bɩ ba naga, ʋ kɛŋ ʋ tʋɔŋ kala nɛ aa tomi. Mɩ jaŋ kɛnʋ mʋ tintee-la ʋ sɩ laa sɩpaaŋ mʋ beŋ. Ʋ doho nɩaa jaŋ tɩɩ tintee-la.

MOSIS BƖRA WULLI WƖA WOMBIIŊ 1:36

see Jefuni nanʋala Kalɩb. Ʋ dʋndʋŋa nɛ jaŋ jʋʋ tintee-la. Ʋ dɩ ʋ doho nɩaa nɛ mɩ jaŋ joŋ tintee-la a pa, bɛɛ wɩaa ʋ to mɩ-na ma TƖƖNA arɩ tʋɔŋ kala nɛ.”

JOSUA 10:36

Ŋɩɩ nɛ Josua arɩ Iziral tɩŋŋaa laalɩyuoroo kala bɩra sii Ɛgɩlɔŋ lɛ, a mʋ yuo Hɛbʋrɔŋ.

JOSUA 11:21

Bʋa-la lɛ nɛ Josua fa bɩra mʋ a chei Anakɩ tɩmma-la sɩ hɛ tintee-la peelee sɩ yʋga lɛ, a chɩŋ Hɛbʋrɔŋ, Dɛbɩ arɩ Anab, a kɛŋ ŋɩɩ mʋ Juda tintee-la peelee sɩ yʋga, arɩ Iziral tintee-la peelee sɩ yʋga. Josua fa chei lere-la arɩ tasɩ-la kala sɩ hɛ nɩmɛ nɛ.

JOSUA 14:15

(Hɛbʋrɔŋ yɩrɩŋ nɛ fa Kɩrɩaf Aaba. Nɩwaayiile-la ba sɩɩ yɩrɛ Anakɩ baal kʋbala yɩrɩŋ nɛ ʋ fa joŋo hɛ pɩ taŋ-la, ʋ fa ŋaa nɩduo nɛ ba tʋɔŋ.) Ŋɩɩ harɩŋ lɛ nɛ tintee-la wiesi laalɩŋ lɛ.

SƖPAALAARAA 1:10

Ŋɩɩ nɛ ba mʋ Kɛnaŋ tɩmma-la fa sɩ hɛ taŋ-la ba sɩɩ yɩrɛ Hɛbʋrɔŋ lɛ (Hɛbʋrɔŋ yɩrɩŋ nɛ fa Kɩrɩaf Aba), a yuo dii doho doho deemba: Sɛsaɩ, Ahɩmaŋ arɩ Talɩmaɩ.