SƖPAALAARAA 1:18 - WƖA TENIŊ

¹⁸ Juda doho nɩaa yuo laa tasɩŋ deemba ma nɛ arɩ ba tinteyee: Gaza, Asɩkɛlɔŋ arɩ Ɛkʋrɔŋ.

SƖPAALAARAA 1:18 ပူးပေါင်းရင်းမြစ်များ

1 KUOROO 4:24

Solomoŋ nɛ faa beŋ kuorusu-la kala sɩ hɛ Yufireti fuo-la wɩɩjʋʋlʋŋ dɩɩrɩŋ, a chɩŋ Tɩpɩsa lɛ a kaa mʋ Gaza. Nii-magɛ dɔŋɔ fa hɛ ʋ dɩ tinteye-la kala sɩ hɔnɔ kpagɛ ba pɛgɛ nɛ.

MOSIS KƐŊ IZIRAL TƖŊŊAA LƖƖ 23:31

Mɩ jaŋ dagɛ ma tinteeŋ bʋa pɩma, a chɩŋ mʋga-la ba sɩɩ yɩrɛ Mʋgʋ-fɩaŋ a kaa mʋ mʋgʋ-bal-la ba sɩɩ yɩrɛ Mediterenia, a bɩra chɩŋ tintee-hɩlɩɩ-la lɛ a kaa mʋ Yufireti fuo-la. Mɩ jaŋ joŋ nɩalɩŋ kala sɩ hɛ tinteeŋ deeŋ lɛ a hɛ ma nɩsɩŋ lɛ, dɩ ma kiriba aŋ laa lee-la.

JƐRƖMAAYA 25:20

arɩ nɩwogusu-la kala sɩ hɛ nɩmɛ, a pɛ Us kuoroo kala lɛ, Fɩlɩsɩtɩa kuoroo kala (nɩalɩŋ sɩ hɛ Asɩkɛlɔŋ, Gaza, Ɛkʋrɔŋ arɩ nɩalɩŋ sɩ ka Asɩdɔd lɛ),

JƐRƖMAAYA 47:5

Gaza nɩaa jaŋ fʋŋ ba nyusuŋ aa dagɛ tʋɔ-cheeŋ. Asɩkɛlɔŋ nɩaa jaŋ ŋaa ba niiŋ chɩm. Fɩlɩsɩtɩa nɩkaanaa, ɛɛ nɛ maa chɛ ma yele diene magɛ?

MOSIS BƖRA WULLI WƖA WOMBIIŊ 2:23

Ava tɩmma-la sɩ hɔŋ tabiisi-la kala sɩ hɛ lee-la a kɩɛlɛ ŋɩɩ a mʋ yi Gaza, Kafɩtɔ tɩŋŋaa lɩɩ ba tinteeŋ a kʋ yuo diiba nɛ aŋ hɔŋ lee-la.)

JOSUA 11:22

Anakɩ doho nʋʋkala fa bɩra tuo tinteeŋ lɛ, see tasɩŋ deemba: Gaza, Gaf arɩ Asɩdɔd dʋndʋŋa lɛ nɛ Anakɩ nɩaa mʋa ka.

JOSUA 13:3

a chɩŋ Sɩhɔ fuoŋ sɩ hɛ Ijipiti wɩɩpɔsʋŋ a kɛŋ ŋɩɩ a mʋ yi Ɛkʋrɔŋ tinteeŋ sɩ hɛ wɩɩpɔsʋŋ nagʋa dɩɩrɩŋ, lee-la kala sɩ ŋaa Kɛnaŋ tɩŋŋaa tinteeŋ (Fɩlɩsɩtɩa tɩŋŋaa kuoroo banɔŋ sɩɩ beŋ tintee-la kala. Ba hɔŋ Gaza, Asɩdɔd, Asɩkɛlɔŋ, Gaf arɩ Ɛkʋrɔŋ a kɛŋ Ava tɩŋŋaa tinteeŋ pɛ),

JOSUA 15:11

Tintee-la bʋa bɩra to Ɛkʋrɔŋ wɩɩpɔsʋŋ nagʋa lee-la sɩ chulloo tuu nɛ, aŋ bɩra gɛbɛ to Sɩkɛrɔŋ, a joŋ ŋɩɩ a mʋ to peel-la ba sɩɩ yɩrɛ Baala a mʋ yi Jabɩnɛɛl. Tintee-la bʋa mʋ dɛrɛ Mediterenia mʋgʋ-bal-la lɛ nɛ.

SƖPAALAARAA 14:19

Ŋɩɩ nɛ La TƖƖNA Dɩma kʋ jʋʋ Samɩsɩŋ a pʋ doluŋ. Ʋ sii tuu taŋ-la ba sɩɩ yɩrɛ Asɩkɛlɔŋ, a kpʋ ba baalaa mara arɩ fii, a wuri ba kɩaa a joŋ ba gɛnnɩŋ pɩ nɩalɩŋ sɩ dagɛ namaga-la bʋbʋɔŋ. Ka ʋ baanɩŋ chaasa sii woruŋ wɩɩ-la wɩaa, ʋ mɩɩra mʋ ʋ nyɩmma dɩa.

SƖPAALAARAA 16:21

Ŋɩɩ nɛ Fɩlɩsɩtɩa tɩmma-la kɛnʋ, a kɔrɩgɔ chaarɛ ʋ sɩaa aŋ kɛnʋ mʋ tɔ dɩa taŋ-la ba sɩɩ yɩrɛ Gaza lɛ, a kɛŋ kɔlɩɩŋ chɔrʋmɔɔ vɔbʋ aŋ leŋ ʋ nʋnɔŋ munuŋ dansarɩka-la lɛ.

SƖPAALAARAA 3:3

Tinteye-la ʋ sɩ leŋe nɛ ŋ-la: Fɩlɩsɩtɩa tinteeŋ sɩpaalaaraa banɔŋ, Kɛnaŋ tɩŋŋaa kala, Sɩdɔŋ tɩŋŋaa arɩ Hivi tɩmma-la sɩ hɛ Lɛbanɔŋ peelee leriŋ, a chɩŋ peel-la ba sɩɩ yɩrɛ Baal Hɛmɔŋ a kaa mʋ Lebo Hamaf.

1 SAMƲƐL 6:17

Kɩalɩŋ banɔŋ Fɩlɩsɩtɩa tɩŋŋaa sɩ kɛŋ sɛlɩmɛ mɛ ba nagɛ mɔpʋllʋŋ ba kaa mʋ sʋl cheeriŋ Wɩɩsʋlʋŋ pɩ La TƖƖNA, ba kʋŋkala chɩŋ taŋ nyuŋ nɛ. Tasɩ-la nɛ ŋ-la: Asɩdɔd, Gaza, Asɩkɛlɔŋ, Gaf arɩ Ɛkʋrɔŋ.