SƖPAALAARAA 1:10 - WƖA TENIŊ

¹⁰ Ŋɩɩ nɛ ba mʋ Kɛnaŋ tɩmma-la fa sɩ hɛ taŋ-la ba sɩɩ yɩrɛ Hɛbʋrɔŋ lɛ (Hɛbʋrɔŋ yɩrɩŋ nɛ fa Kɩrɩaf Aba), a yuo dii doho doho deemba: Sɛsaɩ, Ahɩmaŋ arɩ Talɩmaɩ.

SƖPAALAARAA 1:10 ပူးပေါင်းရင်းမြစ်များ

WƖAA DƖ-SUOMUŊ 23:2

aŋ sʋʋ Hɛbʋrɔŋ lɛ Kɛnaŋ tinteeŋ. Ŋɩɩ nɛ Abɩraham mʋ dɩ ʋ yel ʋ yoho. Hɛbʋrɔŋ nɛ ba haa yɩrɛ Kɩrɩaf-Aba.

WƖAA DƖ-SUOMUŊ 37:14

Ŋɩɩ nɛ ʋ bʋla pʋ, “Mʋ na ŋ naambiiriŋ arɩ pʋsʋ-la, dɩ wɩɩ nɛ jʋʋba, ŋ mɩɩra kʋ bʋla pɩmɛ.” Ŋɩɩ nɛ ʋ nyɩmma tɩmʋ ʋ lɩɩ Hɛbʋrɔŋ fuonaa-la lɛ a mʋ. Josɛf sɩ mʋ yi Sɛkɛm,

TƖƖCHA 9:11

Wɩɩ dɔŋ ma nɛ mɩ bɩra na dʋnɩa lɛ: Naachɛ-lɩmɩŋ tɩɩna dee bɩ fá didii, nɩduoŋ ma dee bɩ laalɩŋ yuo didii. Wʋjɩnna dee bɩ kʋdiilee na didii bʋa-kala, nɩɩ-la sɩ jɩŋ wɩaa sɩaa ma dee bɩ dʋa ka kɛŋ. Nɩalɩŋ sɩ kɛŋ jɩma yie bɩ lere-la sɩ maga dɩ ba jomba hɛ ka na, ama nyu-sɩmɩŋ ka puu nʋʋkala nɛ.

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

NAMBABA 13:22

Ba to ŋɩɩ a jɩl Nɛgɛf dɩɩrɩŋ, a joŋ ŋɩɩ mʋ Hɛbʋrɔŋ. Ahɩmaŋ, Sɛsaɩ arɩ Talɩmaɩ ŋaa Anakɩ doho nɩaa nɛ, ba nɛ fa hɛ Hɛbʋrɔŋ lɛ. (Ba saa Hɛbʋrɔŋ taŋ-la jɩsɩŋ balɩpɛ harɩŋ nɛ ka ba-na saa taŋ-la ba sɩɩ yɩrɛ Zʋaŋ sɩ hɛ Ijipiti tinteeŋ lɛ.)

NAMBABA 13:33

La paala na Anakɩ doho nɩaa nɩwaayiilee nɛ nɩmɛ. Anakɩ doho nɩalɩŋ nɛ ba ha yɩyɩrɛ Nefilim. La beŋ la tɩtɩa a nagɛ nyaŋgɩrɩgɛba nɛ ba sɩaa lɛ. Ŋɩɩ tɩtɩa nɛ la sɛnɛ nagɛ ba teeŋ.”

JOSUA 10:36

Ŋɩɩ nɛ Josua arɩ Iziral tɩŋŋaa laalɩyuoroo kala bɩra sii Ɛgɩlɔŋ lɛ, a mʋ yuo Hɛbʋrɔŋ.

JOSUA 14:15

(Hɛbʋrɔŋ yɩrɩŋ nɛ fa Kɩrɩaf Aaba. Nɩwaayiile-la ba sɩɩ yɩrɛ Anakɩ baal kʋbala yɩrɩŋ nɛ ʋ fa joŋo hɛ pɩ taŋ-la, ʋ fa ŋaa nɩduo nɛ ba tʋɔŋ.) Ŋɩɩ harɩŋ lɛ nɛ tintee-la wiesi laalɩŋ lɛ.

SƖPAALAARAA 1:20

Mosis fa sɩ hɛ niiŋ pɩ Kalɩb, arɩ ʋ jaŋ joŋ Hɛbʋrɔŋ tinteeŋ a pʋ, ŋɩɩ nɛ ba joŋo pʋ. Ʋ kiri Anakɩ doho nɩaa nɩwaayiile-la nyɩŋ-nɩaa batori.

SƖPAALAARAA 1:9

Ŋɩɩ harɩŋ, Juda doho nɩaa bɩra mʋ dɩ ba yuo Kɛnaŋ tɩmma-la sɩ hɛ tintee-la peelee sɩ yʋga lɛ, arɩ nɩalɩŋ sɩ hɔŋ wɩɩpɔsʋŋ nadiiŋ dɩɩrɩŋ arɩ nɩalɩŋ sɩ hɔŋ dundollu-la sɩ hɛ peelee bʋbʋɔŋ wɩɩjʋʋlʋŋ dɩɩrɩŋ.