RUF 4:14 - WƖA TENIŊ

¹⁴ Ŋɩɩ nɛ haalaa bʋla pɩ Nawomi, “Dɛnnɛ La TƖƖNA, jɩnɩŋ ʋ pɩŋ nihiŋ nɛ dɩ ʋ beniŋ. Wɩa jaŋ leŋ dɩ bie deeŋ kɛŋ yɩrɩŋ Iziral tinteeŋ lɛ.

RUF 4:14 ပူးပေါင်းရင်းမြစ်များ

WƖAA DƖ-SUOMUŊ 12:2

Mɩ jaŋ leŋ dɩ ŋ doho nɩaa pʋŋ, a ŋaa tintee-bal. Mɩ jaŋ pɛ ŋ lɛ, a leŋ dɩ ŋ yɩrɩŋ yɩrɛ, a to ŋ lɛ a pɛ nɩaa lɛ.

WƖAA DƖ-SUOMUŊ 24:27

aŋ bʋl, “Mɩɩ dɛnnɛ mɩ Tɩɩna, mɩ nɩhɩaŋ Abɩraham Wɩa, ʋ sɩ bɩ mɩ nɩhɩaŋ vɩa ta aŋ dagɛ ʋ zile arɩ ʋ wʋtɩtɩɩ, mɩ na dɩ La TƖƖNA nɛ kɛmmɛ vɛŋ wombiiŋ a kɔ mɩ nɩhɩaŋ nɩaa teeŋ.”

WƖAA DƖ-SUOMUŊ 29:35

Ʋ bɩra kɛŋ luoruŋ a lʋl hambolibie. Bʋa deeŋ lɛ ʋ sɩ, “Mɩ jaŋ dɛnnɛ mɩ Tɩɩna.” Ŋɩɩ nɛ ʋ hɛ ʋ yɩrɩŋ Juda, aŋ leŋ biiriŋ lʋlʋŋ.

Luuk 1:58

Ʋ sɩ lʋl ŋɩɩ, ʋ pɛ-jʋʋraa arɩ ʋ naambiiriŋ nɩɩ ŋɩɩ Wɩa sɩ fá ʋ nenige. Ba tʋɔŋ kala tɔrɛ, ba jʋjʋɔsɛ.

Rom Tɩŋŋaa 12:15

Dɩ nɩaa tʋɔŋ nɛ tɔrɔ, ŋ ma leŋ dɩ ŋ tʋɔŋ tɔrɛ, dɩ nɩaa tʋɔŋ nɛ cheye, ŋ ma chɩl ba tʋɔ-cheeŋ wɩaa.

1 Kɔrɩntɩ Nɩaa 12:26

Dɩ nuhuobiine sɛmɛ dɔŋɔ nɩɩ wɩɩ, ʋ yaraa kala nɩɩ wɩɩ ŋɩɩ, dɩ ba nɛ bɩra bɛsɛ nuhuobiine sɛmɛ dɔŋɔ lɛ, ʋ nandaasɩ-la kala lɛ nɛ ba bɛsɛ ŋɩɩ.

1 Tɛsalonaaka Nɩaa 5:18

Wɩɩ na-kala lɛ, má lɔllɛ Wɩa. Ma sɩ laa Yesu Kirisito wɩaa dii ŋɩɩ, ŋ-la nɛ Wɩa cho dɩ maa ŋaa.

2 Tɛsalonaaka Nɩaa 1:3

La naambiiri, ʋ maga dɩ la lɔllɛ Wɩa nɛ bʋa na-kala a pɩma. Ŋɩɩ maga dɩ la ŋaa nɛ, bɛɛ wɩaa ŋɩɩ ma sɩ laa Wɩa dii pʋŋaa pɛ nɛ, chono-la ma ma sɩ kɛnɛ arɩ dɔŋɔ pʋŋaa pɛ.