RUF 4:11 - WƖA TENIŊ

¹¹ Ŋɩɩ nɛ nɩhɩasɩ-la arɩ nɩalɩŋ kala sɩ hilimi taŋ-la boi-baalɩŋ niiŋ bʋl, “Oo, la pɛ na nɛ, La TƖƖNA jaŋ pɛ ŋ haal-la lɛ dɩ ʋ nagɛ Rakɛl arɩ Liya sɩ lʋl biiriŋ yʋgɛ ŋɩɩ a pɩ Jekɔb doho nɩaa. Wɩa jaŋ leŋ dɩ ŋ kɛŋ yɩrɩŋ Ɛfɩraf doho nɩaa tʋɔŋ a ŋaa nɩbal Bɛtɩlɛhɛm lɛ.

RUF 4:11 ပူးပေါင်းရင်းမြစ်များ

WƖAA DƖ-SUOMUŊ 23:10

Dɩ Ɛfʋrɔŋ Hiti tɩɩna-la arɩ ʋ nɩaa kala hilime ba jaŋ boiŋ niiŋ. Ŋɩɩ nɛ ʋ bʋla pɩ Abɩraham ʋ nɩalɩŋ kala sɩ kʋ hilimi ʋ jaŋ boiŋ niiŋ, ba kala nɩɩ.

WƖAA DƖ-SUOMUŊ 24:60

Ŋɩɩ nɛ ba sʋl Wɩa pɩ Rɩbɛka a bʋl, “La dɩhaala, Wɩa jaŋ leŋ dɩ ŋ pʋŋ a yi bʋɩba bʋɩ, a leŋ dɩ ŋ doho nɩaa wuo ba dʋndɔŋŋɔɔ.”

WƖAA DƖ-SUOMUŊ 29:16

Labaŋ fa kɛŋ toloo balɩa nɛ, kʋhɩaŋ yɩrɩŋ nɛ Liya, kʋbie ma yɩrɩŋ nɛ Rakɛl.

WƖAA DƖ-SUOMUŊ 29:25

Taŋ sɩ pʋla chʋchʋɔŋ Jekɔb sie dɩ Liya nɛ. Ŋɩɩ nɛ ʋ pɩɛsɛ Labaŋ, “Bɛɛ wɩɩ nɛ ŋ ŋaa mɩ lɛ ŋ-la? Rakɛl wɩaa dee mɩ tɩma pɩŋ, bɛɛ nɛ tɩɩ ŋ nyɩsɛmɛ?”

WƖAA DƖ-SUOMUŊ 29:32

Liya kɛŋ luoruŋ a lʋl hambolibie a hɛ ʋ yɩrɩŋ Rubiŋ, bɛɛ wɩaa ʋ sɩ, “La TƖƖNA na mɩ hɛɛŋ nɛ. Lɛɛlɛ mɩ bala jaŋ chomi.”

WƖAA DƖ-SUOMUŊ 35:23

Liya hambolibiisiŋ nɛ ŋ-la: Rubiŋ nɛ Jekɔb bii-hɩaŋ, Simioŋ, Levi, Juda, Ɩsaka arɩ Zebuluŋ.

WƖAA DƖ-SUOMUŊ 35:24

Rakɛl hambolibiisiŋ nɛ ŋ-la: Josɛf arɩ Bɛnjamɩŋ.

1 KUOROO 21:8

Ŋɩɩ nɛ ʋ kɛŋ Ahab yɩrɩŋ a ŋmʋnsɛ tenniŋ, a joŋ Ahab magɩlɩŋ mɛrɛ ba lɛ, a joŋo tɩŋ ba kaa mʋ kpaa nɩhɩasɩŋ arɩ tɩntɩnnɩ-hɩasɩ-la sɩ hɛ tabal-la lɛ Nabɔf sɩ hɛ.

1 IZIRAL TƖŊŊAA NAABARƖŊ 2:51

Dɔŋɔ ma nɛ Salɩma, ʋ ma nɛ suomi taŋ-la ba sɩɩ yɩrɛ Bɛtɩlɛhɛm. Dɔŋɔ ma nɛ Harɛf, ʋ ma nɛ suomi taŋ-la ba sɩɩ yɩrɛ Bɛf Gada.

WƖA YƖƖLAA 132:6

Bʋa-la lɛ la fa sɩ hɛ taŋ-la ba sɩɩ yɩrɛ Ɛfɩrata lɛ, la nɩa dɩ Wɩa niiriŋ daga-la hɛ lee dɔŋ nɛ a kpagɛ lee-la ba sɩɩ yɩrɛ Jaa.

NAMAGABA 14:1

Ha-wʋjɩnna yie saa ʋ dɩa nɛ woruŋ, ama haal-la sɩ yaara nɛ yigi ʋ dɩa lo.

NAMAGABA 31:23

Ʋ bala yie ŋaa nɩ-jɩmɩɩ nɛ a guoli ba jaŋ nɩ-hɩasɩŋ tʋɔŋ.

JƐRƖMAAYA 32:10

Ŋɩɩ nɛ mɩ joŋ mɩ neniiŋ teŋ-la sɩ dagɛ wɩɩ-la mɩ sɩ ŋaa lɛ, aŋ kaa pilime tɔ, a leŋ nʋʋ pɛ na, aŋ joŋ warɩpʋla-la daŋ sanɩa lɛ a magɩsɛ.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

MOSIS BƖRA WULLI WƖA WOMBIIŊ 25:7

Dɩ ʋ naambile nɛ bɩ chɛ dɩ ʋ joŋ yo-haal-la jaa, haal-la maga dɩ ʋ mʋ ba taŋ boiŋ niiŋ nɩhɩasɩŋ sɩpaaŋ a bʋla pɩba, “Mɩ bala naambie ka chɛ ʋ naambile sɩ sʋba yɩrɩŋ lɛl nɛ Iziral tinteeŋ lɛ. Ʋ bɩ chɛ ʋ jommi jaa dɩ la lʋl biiriŋ dɩ ba chɩŋ ʋ naambile nyuŋ.”

MOSIS BƖRA WULLI WƖA WOMBIIŊ 25:9

yo-haal-la jaŋ mʋ ʋ bala naambile teeŋ nɩhɩasɩ-la sɩpaaŋ a kɛŋ baal-la nɛntɛbɩŋ dɔŋɔ lɩɩsɛ aŋ tʋ nantʋɔrʋŋ hɛ ʋ sɩaa lɛ aŋ bʋl, “Ŋ-la nɛ maga dɩ ba ŋaa baal-la sɩ vɩa dɩ ʋ joŋ ʋ naambie yo-haala jaa dɩ ba lʋl biiriŋ dɩ ba chɩŋ ʋ naambie nyuŋ lɛ.”

RUF 1:2

Baal-la yɩrɩŋ nɛ Ɛlɩmɛlɛk, ʋ haala ma yɩrɩŋ nɛ Nawomi. Ʋ hambolibiisi-la ma yɩraa nɛ Malɔŋ arɩ Kilioŋ. Ba kala ŋaa Ɛfɩraf tɩŋŋaa nɛ a lɩɩ Bɛtɩlɛhɛm sɩ hɛ Juda tinteeŋ. Ŋɩɩ nɛ ba mʋ hɔŋ Mʋab tinteeŋ lɛ.