RUF 4:10 - WƖA TENIŊ

¹⁰ A lɩɩ ŋɩɩ harɩŋ, Ruf, Mʋab tɩŋŋaa tolo-la Malɔŋ fa sɩ jaa, ma lɛɛlɛ ŋaa mɩ haala nɛ. Ŋɩɩ nɛ jaŋ leŋ dɩ nɩsʋʋ-la yɩrɩŋ sɩ́ lɛl ʋ nɩaa tʋɔŋ, dɩ ʋ dʋa ma hɛ ba nɩsɩŋ lɛ. Jɩnɩŋ ma ŋaa pɛ-naara nɛ wɩɩŋ deeŋ lɛ.”

RUF 4:10 ပူးပေါင်းရင်းမြစ်များ

WƖAA DƖ-SUOMUŊ 29:27

Leŋ dɩ hajaarɩ-gbiele deeŋ dɛrɛ yɔbɔ deeŋ lɛ, ka dɩ la joŋ kʋbie-la ma pɩŋ dɩ ŋ nɛ sɛɩ a bɩra tɩŋ jɩsɩŋ balɩpɛ pɩmɛ.”

WƖAA DƖ-SUOMUŊ 38:9

Ama Onaŋ sɩ jɩma arɩ ʋ dɩ Tama nɛ lʋl biiriŋ bɩ jaŋ ŋaa ʋ kɩaa, dɩ ʋ dɩ haal-la nɛ pɛ bɔsɔ na-kala, ʋ yie fɩɩ bafɩɩrɩŋ tɩta tinteeŋ nɛ dɩ ʋ sɩ́ biiriŋ lʋla pɩ ʋ malɩma.

WƖA YƖƖLAA 109:15

La Tɩɩna, liliisi ba wʋbɔmɔ-la wɩaa bʋa na-kala, aŋ leŋ dɩ nɩaa bɩra sɩ́ ba wɩaa liisu tinteeŋ lɛ.

WƖA YƖƖLAA 34:16

Ama Wɩa joŋ ʋ harɩŋ yɩa wʋbɔŋ ŋaaraa nɛ, ʋ jaŋ tii paa ba kala tinteeŋ lɛ dɩ ba yɩrɩŋ lɛl.

NAMAGABA 18:22

Nɩɩ-la kala sɩ na haala jaa, kʋzɔŋ nɛ ʋ na ŋɩɩ. La Tɩɩna dagɛ ʋ zile pʋ nɛ.

NAMAGABA 19:14

Bie yie dii ʋ nyɩmma dɩa arɩ ʋ dʋa nɛ, ama La Tɩɩna nɛ yie joŋ ha-tɛŋɛ pɩ nɩa.

AZAAYA 48:19

Ma doho nɩaa fa jaŋ yʋgɛ a nagɛ hagɩlɩ-biee nʋʋ sɩ bɩ jaŋ wuo dɩɩsɛ. Ba yɩrɩŋ fa bɩ jaŋ kɔ dɩ ʋ lɛlɛ mɩ teeŋ.

HOSIA 12:12

Jekɔb lɩɩ fá mʋ Siiria tinteeŋ, nɩmɛ nɛ Iziral tɩŋ tɩntɩŋŋaa ka dɩ ʋ laa haala, piesee nɛ ʋ daa aŋ laa haal-la.

HOSIA 3:2

Ŋɩɩ nɛ mɩ joŋ warɩpʋla fii arɩ banɔŋ arɩ mɩaa bɔtɔ arɩ kpaa magɛ dɔŋɔ,

ZƐKARƖYA 13:2

Tapʋlɩɩ-la, mɩ jaŋ lɩɩsɛ tɔŋŋɔɔ yɩraa ta tintee-la lɛ, dɩ nɩaa bɩra sɩ́ ba wɩaa liisu. Mɩ-na ma TƖƖNA doluŋ kala Tɩɩna nɛ bʋla. Mɩ jaŋ lɩɩsɛ ba nɩalɩŋ sɩ nyɩa wɩaa arɩ ba ŋaa mɩ wʋlaabʋllaa arɩ jɩnsɩ-la sɩ kɛmba tɩtɩŋ ta tintee-la lɛ.

MALAKAƖ 2:14

Ma yie pɩɛsɛ, “Bɛɛ nɛ tɩɩ ʋ bɩ la Wɩɩsʋlʋŋ ka laa?” Wɩɩ-la sɩ tɩɩ nɛ ŋ-la: La TƖƖNA na arɩ ma kʋŋkala bɩ tɛŋɛ joŋo tuto ŋ bapʋɔsɛ haala lɛ. Ma fa hɛ niiŋ ma TƖƖNA sɩpaaŋ arɩ ma dɩ ba nɛ jaŋ hɛ nɩmɛ, ama lɛɛlɛ ma chei nii-la nɛ.

Ɛfɛsɩs Nɩaa 5:25

Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,

MOSIS BƖRA WULLI WƖA WOMBIIŊ 25:6

Dɩ ba nɛ lʋl ba bii-bumbuŋ dɩ ʋ ŋaa hambolibie, ʋ nɛ jaŋ chɩŋ ʋ naambile sɩ sʋba nyuŋ lɛ dɩ ʋ yɩrɩŋ sɩ́ Iziral tinteeŋ lɛ lɛl.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.

JOSUA 7:9

Dɩ Kɛnaŋ tɩŋŋaa arɩ nɩaa dɔnsʋŋ nɛ nɩɩ wɩɩŋ deeŋ, ba jaŋ sii a kʋ gollila a kpʋ la kala dɩ la yɩrɩŋ lɛl tinteeŋ lɛ. Bɛɛ nɛ ŋ jaŋ ŋaa dɩ ŋ yɩrɩ-bal-la sɩ́ lɛl?”

RUF 4:9

Ŋɩɩ nɛ Bʋas bʋla pɩ nɩhɩasɩ-la arɩ nɩalɩŋ kala fa sɩ hɛ nɩmɛ, “Jɩnɩŋ ma kala pɛ na nɛ arɩ mɩ nɛ yɔɔ Ɛlɩmɛlɛk arɩ ʋ biiriŋ Kilioŋ arɩ Malɔŋ dʋa kala Nawomi teeŋ.