RUF 2:4 - WƖA TENIŊ

⁴ Ʋ bɩ diene dɩ Bʋas lɩɩ Bɛtɩlɛhɛm kɔ, a chʋɔlɛ tɩntɩnna-la aŋ bʋl, “La TƖƖNA Wɩa jaŋ hɛ ma teeŋ.” Ba ma bʋl, “La TƖƖNA jaŋ pɛ ŋ lɛ.”

RUF 2:4 ပူးပေါင်းရင်းမြစ်များ

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

WƖAA DƖ-SUOMUŊ 28:3

Wɩa doluŋ kala Tɩɩna jaŋ pɛ ŋ lɛ dɩ ŋ doho nɩaa pʋŋ a yʋgɛ.

1 IZIRAL TƖŊŊAA NAABARƖŊ 2:51

Dɔŋɔ ma nɛ Salɩma, ʋ ma nɛ suomi taŋ-la ba sɩɩ yɩrɛ Bɛtɩlɛhɛm. Dɔŋɔ ma nɛ Harɛf, ʋ ma nɛ suomi taŋ-la ba sɩɩ yɩrɛ Bɛf Gada.

WƖA YƖƖLAA 118:26

Wɩa jaŋ pɛ nɩɩ-la sɩɩ kɔ La Tɩɩna yɩrɩŋ lɛ. Laa dɛnnɩŋ nɛ La Tɩɩna dɩa lɛ.

WƖA YƖƖLAA 134:3

La Tɩɩna sɩ hɛ Zaayɔŋ lɛ, a leŋ dɩ ʋ pɛ ma lɛ. Ʋ nɛ ŋaa wɩa-nyuŋ arɩ tinteeŋ.

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

NAMBABA 6:24

‘La TƖƖNA jaŋ pɛ ma lɛ a kɛmma woruŋ.

Luuk 1:28

Ŋɩɩ nɛ Wɩa tɩndaarʋ-la kɔ ʋ teeŋ a chʋɔlʋ aŋ bʋla pʋ, “Wɩa cho ŋ wɩaa nɛ a pɛ ŋ lɛ woruŋ.”

2 Tɛsalonaaka Nɩaa 3:16

Laa sʋl La Tɩɩna Kirisito, Nɩɩ-la sɩ kɛŋ fɩɛlɩŋ, dɩ ʋ pɩma fɩɛla-la bʋa na-kala lɛ. La Tɩɩna Kirisito jaŋ hɛ ma kala teeŋ.

1 Timoti 6:2

Yosu-la nɩhɩasɩŋ sɩ laa Yesu wɩaa dii, ʋ bɩ maga dɩ ba mɩmaasɛ ba tɩŋŋaa a tɩŋ ba kala sɩ laa Yesu wɩaa dii. Ʋ paala magɛ dɩ ba tɩŋ tɩntɩŋŋaa woruŋ nɛ a pɩba, bɛɛ wɩaa nɩalɩŋ ba sɩ tɩmaa pa ŋaa nɩa sɩ laa Yesu wɩaa dii nɛ, a ŋaa nɩa ba cho. Timoti, wɩaa deemba nɛ ŋ jaŋ joŋo dagɛba a chaasa leŋ dɩ ba tutoba.

2 Timoti 4:22

Wɩa jaŋ leŋ dɩ ŋ hɔnʋŋ zɔŋ. Ʋ lahɔrɩmɔ lɛ ʋ jaŋ pɛ ŋ lɛ.

JOSUA 24:15

Dɩ ma tʋɔŋ nɛ bɩ tɔrɔ ma sɩ́ jaŋ to La TƖƖNA, ŋɩɩ-na jɩnɩŋ má bagɩsa lɩɩsɛ kʋ-la ma sɩ jaŋ to: Dɩ ma naabalɩmaba fa sɩɩ kpaarɛ vesi-la Yufireti fuo-la cholo nɛɛ, koo dɩ vesi-la Amɔrɩ tɩmma-la tinteeŋ lɛ ma sɩ hɔnɔ sɩɩ kpaarʋ nɛ. Ama mɩ-na arɩ mɩ dɩa nɩaa kala jaŋ to La TƖƖNA.”

SƖPAALAARAA 6:12

La TƖƖNA tɩndaarʋ-la sɩ kɛŋ ʋ tɩtɩa kʋ dagɛ Gɩdɩɔŋ, ʋ sɩ, “Laalɩyuori-babiibal, La TƖƖNA hɛ ŋ teeŋ nɛ.”

SƖPAALAARAA 6:16

La TƖƖNA bʋla pʋ, “Mɩ jaŋ chɩŋ ŋ harɩŋ, dɩ ŋ wuo kpʋ Midiaŋ tɩŋŋaa kala hɛ dɔŋɔ.”

RUF 2:3

Ŋɩɩ nɛ Ruf sii mʋ baga, a tuto tɩntɩnnaa harɩŋ a kukuuni kɩaa. Ruf kʋ jɩŋ arɩ baga-la lɛ ʋ sɩɩ kuuni kɩaa ŋaa Bʋas baga nɛ. Bʋas fa ŋaa Ɛlɩmɛlɛk dɩa nʋʋ nɛ.

RUF 2:5

Ŋɩɩ nɛ Bʋas pɩɛsɛ ʋ tɩntɩnnɩ-hɩaŋ, “Hantolibii bɛɛ nɛ ŋ-la?”

RUF 4:11

Ŋɩɩ nɛ nɩhɩasɩ-la arɩ nɩalɩŋ kala sɩ hilimi taŋ-la boi-baalɩŋ niiŋ bʋl, “Oo, la pɛ na nɛ, La TƖƖNA jaŋ pɛ ŋ haal-la lɛ dɩ ʋ nagɛ Rakɛl arɩ Liya sɩ lʋl biiriŋ yʋgɛ ŋɩɩ a pɩ Jekɔb doho nɩaa. Wɩa jaŋ leŋ dɩ ŋ kɛŋ yɩrɩŋ Ɛfɩraf doho nɩaa tʋɔŋ a ŋaa nɩbal Bɛtɩlɛhɛm lɛ.

1 SAMƲƐL 17:37

La TƖƖNA sɩ lɩɩsɛmɛ naachigee arɩ lʋgʋmaa niiŋ lɛ, ʋ jaŋ lɩɩsɛmɛ Fɩlɩsɩtɩa tɩɩna deeŋ ma nɩsɩŋ lɛ.” Ŋɩɩ nɛ Sɔɔl bʋla pɩ Devit, “Mʋ, La TƖƖNA jaŋ chɩŋ ŋ harɩŋ.”