Rom Tɩŋŋaa 4:3 - WƖA TENIŊ

³ Wɩa teniŋ tʋɔŋ ba bʋla arɩ Abɩraham laa Wɩa dii nɛ. Ʋ sɩ laa Wɩa dii nɛ tɩɩ Wɩa leŋ ʋ kɛŋ tʋɔpʋla ʋ sɩpaaŋ.

Rom Tɩŋŋaa 4:3 ပူးပေါင်းရင်းမြစ်များ

WƖAA DƖ-SUOMUŊ 15:6

Abɩram laa wɩalɩŋ kala La TƖƖNA sɩ bʋla pʋ dii nɛ. Ŋɩɩ nɛ tɩɩ Wɩa joŋu arɩ ʋ ŋaa tʋɔpʋl tɩɩna nɛ.

Jeems 2:23

Ʋ sɩ ŋaa ŋɩɩ nɛ, wɩalɩŋ ba fa sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ. Ba fa ŋmʋnsa arɩ Abɩraham laa Wɩa wɩaa dii nɛ, ŋɩɩ nɛ tɩɩ Wɩa leŋ ʋ wuo ŋaa tʋɔpʋl tɩɩna ʋ sɩpaaŋ. Ŋɩɩ wɩaa nɛ nɩaa paala kɛnʋ yɩyɩrɛ Wɩa nandɔŋ.

Rom Tɩŋŋaa 4:9

Tʋɔtɔrʋŋ deeŋ wɩaa saa Devit sɩ bʋla, ʋ ŋaa nɩalɩŋ sɩɩ keri ba penee dʋndʋŋa kʋŋ nɛɛ? Aɩ, nɩalɩŋ ma sɩ bɩ ba penee keri, ba ma tɩɩʋ nɛ. La laa sɩpaaŋ bʋl arɩ Abɩraham sɩ laa Wɩa dii nɛ tɩɩ ʋ ŋaa tʋɔpʋl tɩɩna Wɩa sɩpaaŋ.

Rom Tɩŋŋaa 4:5

Ama nɩɩ-la sɩ bɩ ʋ wʋŋaalaa lɛ nɩɩ beŋ, aŋ laa dii arɩ Wɩa jaŋ wuo ŋaa dɩ nɩɩ-la sɩɩ ŋaa wʋbɔŋŋɔɔ na tʋɔpʋla ʋ sɩpaaŋ, ʋ sɩ laa Wɩa dii ŋɩɩ jaŋ ŋaa dɩ ʋ kɛŋ tʋɔpʋla Wɩa sɩpaaŋ.

Rom Tɩŋŋaa 4:11

Abɩraham sɩ keri ʋ peniŋ ŋɩɩ ŋaa magɩl nɛ, aa dagɛ arɩ ʋ sɩ laa Wɩa dii nɛ tɩɩ ʋ kɛŋ tʋɔpʋla ʋ sɩpaaŋ, bʋa-la lɛ ʋ ha sɩ bɩ ʋ peniŋ kere dee. Ŋɩɩ leŋ Abɩraham kʋ ŋaa nɩalɩŋ sɩ bɩ ba penee kere aŋ laa Wɩa dii naabalɩma. Wɩa jomba ba ŋaa tʋɔpʋl tɩmma ʋ sɩpaaŋ arɩ ba sɩ bɩ ba penee kere ma kala.

WƖA YƖƖLAA 106:31

Wɩa joŋu dɩ tʋɔpʋl wɩɩ nɛ ʋ ŋaa a chɩŋ bʋa-la lɛ a kaa mʋ wuu.

Rom Tɩŋŋaa 11:2

Wɩa bɩ ʋ nɩaa vɩa, nɩalɩŋ ʋ sɩ laa sɩpaaŋ lɩɩsɛ. Ma bɩ wɩalɩŋ ba sɩ ŋmʋnsa Wɩa teniŋ tʋɔŋ ka liisii? Wɩalɩŋ ba sɩ ŋmʋnsa a tɩgɛ Ɩlaaja lɛɛ? Ba ŋmʋnsa arɩ Ɩlaaja fa bʋl Iziral tɩŋŋaa wɩaa pɩ Wɩa a tɩŋ ba wʋbɔŋŋɔɔ wɩaa.

Rom Tɩŋŋaa 10:11

Wɩa teniŋ tʋɔŋ, ŋ-la nɛ ba bʋl: “Nʋʋ na-kala sɩ laa ʋ wɩaa dii, Wɩa bɩ jaŋ hɩɩsʋ.”

Rom Tɩŋŋaa 9:17

bɛɛ wɩaa ba ŋmʋnsɛ Wɩa teniŋ tʋɔŋ a tɩgɛ Faaro lɛ arɩ Wɩa bʋla pʋ, “Wɩɩ-la sɩ tɩɩ mɩ leŋ ŋ dii kuoruŋ nɛ ŋ-la: mɩ ŋaa ŋɩɩ dɩ mɩ wuo to ŋ lɛ nɛ a dagɛ mɩ doluŋ, dɩ ba yɩrɛ mɩ yɩrɩŋ dʋnɩa kala lɛ.”

Maak 12:10

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ wɩɩŋ deeŋ karɩma Wɩa teniŋ tʋɔŋ? ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine.

Jeems 4:5

Ma bɩɩna wɩalɩŋ ba sɩ daga Wɩa teniŋ tʋɔŋ bɩ bʋbʋɔŋ kɛnɛɛ? Ba ŋmʋnsa arɩ ʋ Dɩŋ-zɔmʋŋ ʋ sɩ joŋo hɛ la lɛ chaasa kɛŋ hadɔrʋŋ nɛ woruŋ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

Matiu 20:9

Nɩalɩŋ sɩ to harɩŋ mʋ baga-la, ʋ timba warɩpʋla kʋbala.