Jɔɔŋ Wʋnaalaa 9:5 - WƖA TENIŊ

⁵ Wɩa bɩ hɔbɔ-la wombiiŋ pa dɩ ba kpʋ nɩaa deemba, ama dɩ ba dɔgɩsɛba chɛnsɩŋ banɔŋ. Ŋɩɩ nɛ ba dɔgɩsɛba a nagɛ nʋɔmʋŋ sɩ yie dɩŋ nɩa ʋ wʋwɩɩ ŋɩɩ.

Jɔɔŋ Wʋnaalaa 9:5 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 10:11

Bʋla pɩba arɩ ŋ nyɩmma leŋe ba tɩŋ tɩntɩŋ-duoruŋ nɛ, ama ŋ jaŋ leŋ dɩ ba wasa tɩŋ tɩntɩŋ-duoruŋ a kɩɩ ŋɩɩ. Ŋ nyɩmma vɩɩrɛba arɩ kpaasa nɛ, ama ŋ-na jaŋ joŋ hɔɔnʋŋ a hɛ kpaasɩ-biee niiriŋ lɛ a kaa vɩɩrɛba.”

2 IZIRAL TƖŊŊAA NAABARƖŊ 10:14

aŋ to wɩɩ-la ʋ bapʋɔsɩa-la sɩ dagʋ a bʋl, “Mɩ nyɩmma leŋe ma tɩŋ tɩntɩŋ-duoruŋ nɛ, ama mɩ-na jaŋ leŋ dɩ ma wasa tɩŋ tɩntɩŋ-duoruŋ a kɩɩ ŋɩɩ. Mɩ nyɩmma vɩɩrɛma arɩ kpaasa nɛ, ama mɩ-na jaŋ joŋ hɔɔnʋŋ a hɛ kpaasɩ-bie-la niiriŋ lɛ a kaa vɩɩrɛma.”

JOB 2:6

Ŋɩɩ nɛ La TƖƖNA bʋla pɩ Sɩtaanɩ, “Ʋ zɔmɔ, mɩ joŋu hɛ ŋ nɩsɩŋ lɛ, ama sɩ́ ʋ mɩɩsɩŋ lɩɩsʋ.”

ƐZƖKƖƐL 2:6

Ama ŋ-na nuhuobiiŋ, sɩ́ ba fá, a sɩ́ ba wʋbʋlaa ma fá. Ʋ jaŋ nagɛ ŋ hɛ chɛyɛɛ arɩ sɔpʋllʋŋ arɩ nʋɔmaa tʋɔŋ nɛ, ama sɩ́ leŋe dɩ ŋ bɔyɛ joŋ ba wʋbʋlaa lɛ, sɩ́ ba fá. Jɩŋ arɩ ba ŋaa nɩa sɩ bɩ dagɩŋ ka sɛɩ nɛ.

DANƖƐL 7:6

Ʋ ŋɩɩ harɩŋ mɩ bɩra na baga kʋa dɔŋɔ mɩ sɩpaaŋ, ʋ ma nagɛ kpeye. Kɩŋkɛnsɩŋ banɛsɛ hɛ ʋ duguno lɛ a nagɛ diibie kɩaa. Baga kʋa deeŋ fa kɛŋ nyusuŋ banɛsɛ nɛ, ba joŋ doluŋ pʋ dɩ ʋ dii kuoruŋ.

Jɔɔŋ 19:11

Ŋɩɩ nɛ Yesu bʋla pʋ, “Dɩ Wɩa nɛ fa bɩŋ doluŋ pa, ŋ fa bɩ jaŋ kɛŋ dol kala mɩ lɛ. Ama nɩɩ-la sɩ jommi hɛ ŋ nɩsɩŋ lɛ nɛ kɛŋ cheeriŋ a kɩɩŋ, ʋ wʋbɔmʋŋ nɛ bɩ magɩa kɛnɛ.”

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 13:5

Ŋɩɩ nɛ ba pɩ baga kʋ-la wombiiŋ ʋ bʋl babiibal wɩaa a tʋʋsɛ Wɩa joŋŋoo. Ba pʋ wombiiŋ nɛ dɩ ʋ dii doluŋ chɛnsɩŋ mahɩŋ balɩa arɩ balɩa.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

Jɔɔŋ Wʋnaalaa 9:10

Ba fa kɛŋ bʋbʋɔ-dosuŋ nɛ arɩ fɩllɩŋ a nagɛ nʋɔmʋŋ kɩaa. Dol-la kala ba fa sɩ kɛnɛ dɩ ba kaa dɔgɩsɛ nɩaa chɛnsɩŋ banɔŋ-la kala fa hɛ ba bʋbʋɔ-dosu-la lɛ nɛ.

Jɔɔŋ Wʋnaalaa 9:3

Ŋɩɩ nɛ hɔbɔ to nyʋɔsʋ-la tʋɔŋ a kʋ tuu tinteeŋ. Wɩa pɩba doluŋ ba kɛŋ huoŋ a nagɛ nʋɔmaa.