Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ Wʋnaalaa 9:21 - WƖA TENIŊ

21 Nɩaa deemba fa bɩ bɩrɩma lɩɩ nɩaa kpʋnʋŋ lɛ, ba hɩl wɩaa lɛ, ba wʋlɩɩlɩŋ arɩ ba gaarɩŋ lɛ.

အခန်းကိုကြည့်ပါ။ ကော်ပီ




Jɔɔŋ Wʋnaalaa 9:21
24 ပူးပေါင်းရင်းမြစ်များ  

Ha fɩɛsɛ sɩɩ a ŋɩŋaa ŋ chichiribi wɩaa, a kɛŋ daalusuŋ nyɩsa kɩkɛsɛ nɩaa arɩ ŋɩɩ ŋ fa sɩɩ ŋaa ŋ hambiiriŋ kala lɛ. Kapo ba jaŋ pɛ ŋ lɛ a fugusi nʋʋ dɩ fawʋllʋŋ kɛnʋ.


Wɩaa deemba kala jaŋ guu ŋaa ŋ lɛ tapʋl bala. Ŋ biiriŋ jaŋ lɛl, ka dɩ ŋ pɛ nagɛ yo-haal ma, arɩ ŋ sɩ kɛŋ jɩma arɩ ŋ chichiribiŋ ma kala.


Ama ma nɩaa deemba nagɛ vʋgʋraa, arɩ nɩlɩɩlɩŋ arɩ bachɔrʋmɔɔ arɩ hachɔrʋmɔɔ nɛ!


Ba tʋɔŋ nɩalɩŋ sɩ kɛŋ wʋjɩmɩŋ jaŋ dagɛ nɩ-daŋ. Ama bʋa dɔŋ jaŋ yi dɩ ba kpʋba laalɩŋ lɛ koo a nyɩgɛba koo a yuo kɛsɛba koo a paa ba kɩaa.


La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.


Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.


Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.


aa kpaarɛ vʋɩyaa, a ŋɩŋaa hɩl wɩaa, a bɛrɛ nɩaa, a hɩhɛ yuosuŋ, a kɛŋ yarɩ-bieriŋ, a kɛŋ baanɩŋ, a chɩl ʋ dʋndʋŋa wɩaa, a kɛŋ dɔŋɔ pʋpɔrɛ, a lɩlɩɩ dɔŋɔ harɩŋ,


Baga kʋa deeŋ ŋaa wʋmagɩlaa yʋgɛ nɛ. Ʋ paala leŋ nyiniŋ lɩɩ wɩa-nyuŋ kʋ tuu tinteeŋ, nʋʋkala na.


Ba pɩ baga kʋ-lɩa-la doluŋ dɩ ʋ wuo joŋ wiese hɛ kʋ-la ba sɩ mɛ lɛ dɩ ʋ wuo wɩaa bʋbʋl, dɩ ʋ leŋ dɩ ba kpʋ nɩalɩŋ kala sɩ vɩa dɩ ba chʋɔlɛ baga kʋ-la ba sɩ mɛ.


Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.


Ka Wɩa tɩndaarɩ-lɩa-la ma tuto a bʋl, “Babɩlɔŋ tele, Babɩlɔŋ tele, tabal-la ba sɩɩ yɩrɛ Babɩlɔŋ, ʋ tele. Ʋ nɛ joŋ ʋ wʋlɩɩlɩŋ a dagɛ tintee kala nɩaa. Wʋlɩɩlɩ-la nagɛ sɩ-duoŋ.”


Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”


Dʋnɩa kuoroo arɩ dʋnɩa nɩaa kala kɛnʋ ŋaa wʋlɩɩlɩŋ a kala bugi, a nagɛ ba sɩ nyʋa sɩ-duoŋ.”


Haal-la fa laalɛ gɛrɩ-fɩaŋ arɩ gɛrɩ-vachalɩŋ, a hɛ sɛlɩmɛ kpɩɛraa arɩ tabɩɩ-tʋlaa a pɛ bʋ-sɩaa lɛ. Ʋ fa kori sɛlɩmɛ nyʋnyʋala nɛ. Wʋtɔɔnʋ arɩ wʋlɩɩlɩ-la ʋ sɩɩ ŋaa su nyʋnyʋala-la,


ka ba ŋmʋnsɛ yɩrɩ-kpuŋkpere a hɛ ʋ tile lɛ: “Babɩlɔŋ ŋaa tabal nɛ. Nɩalɩŋ kala sɩ hɛ dʋnɩa lɛ a ŋɩŋaa wʋtɔɔnʋŋ, arɩ wʋlɩɩlɩŋ naaŋ.”


Babɩlɔŋ nɩaa joŋ ba wʋlɩɩlɩŋ a dagɛ tintee kala nɩaa nɛ. Wʋlɩɩlɩ-la nagɛ sɩ-duoŋ nɛ. Dʋnɩa kuoroo ma kɛnʋ ŋaa wʋlɩɩlɩŋ. Dʋnɩa bayalaa ma to ʋ wʋlɩɩlɩ-la lɛ a dʋa kɩaa.”


Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”


Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”


Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.


Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ