Jɔɔŋ Wʋnaalaa 9:20 - WƖA TENIŊ

²⁰ Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.

Jɔɔŋ Wʋnaalaa 9:20 ပူးပေါင်းရင်းမြစ်များ

2 KUOROO 22:17

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii tɔmɔ-la ba tɩtɩa sɩ mɛ lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

2 IZIRAL TƖŊŊAA NAABARƖŊ 28:22

Bʋa deeŋ lɛ wɩaa sɩ jʋʋ Ahas nɛ ʋ wasa vɩa La TƖƖNA niiŋ, a kɩɩ faafaa-la.

2 IZIRAL TƖŊŊAA NAABARƖŊ 34:25

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii kɩalɩŋ ba tɩtɩa sɩ ŋaa lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

WƖA YƖƖLAA 106:37

Ba fa yie kɛsɛ ba hambolibiisiŋ arɩ ba hantolibiisiŋ a kpʋ pɩpɩ jɩŋ-bɔŋŋɔɔ.

AZAAYA 2:8

Ba tinteeŋ suo nɛ arɩ vʋɩyaa, baa kpirimi kɩalɩŋ ba tɩtɩa sɩ ŋaa teeŋ, a dɛnnɛ kɩalɩŋ ba tɩtɩa sɩ mɛ.

AZAAYA 41:7

Nɩɩ-la sɩ jɩŋ daasɩŋ kaa saa kɩaa nyagɛ nɩɩ-la sɩ kɛŋ sɛlɩmɛ a ŋaa kɩaa bɔyɛ. Nɩɩ-la ma sɩ yie libi tɔŋŋɔɔ nyagɛ nɩɩ-la sɩ yie paa mɛrɛ dɔŋɔ lɛ bɔyɛ. Ba yie bʋl, “Ba mɛrɛ woruŋ nɛ.” Ʋ yie kpaasɛ tɔŋ-la bil nɛ dɩ ʋ sɩ́ tel.

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 25:6

Má sɩ́ vesiŋ to a kpʋkpaarɛba. Má sɩ́ kɩalɩŋ ma sɩ ŋaa, kaa ŋaa dɩ mɩ baanɩŋ sii. Dɩ ma nɛ vɩa wɩaa deemba, mɩ bɩ jaŋ ŋaama wʋbɔŋ kala.”

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 51:17

Nʋʋkala chʋʋla nɛ a bɩ wʋjɩmɩŋ kɛnɛ. Hɩɩsɩŋ dii nɩalɩŋ sɩ kɛŋ sɛlɩmɛ libi tɔŋŋɔɔ nɛ, bɛɛ wɩaa ba tɔmɔ-la bɩ wʋtɩtɩɩ kɛnɛ, ba bɩ wiese kɛnɛ.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 5:4

Ba faa nyʋa sɩŋ-la nɛ, aŋ dɩdɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a kaa ŋaa.

LEVI DOHO NƖAA 17:7

Ʋ bɩ maga dɩ ba bɩra kpaarɛ vʋɩ kala, kɩalɩŋ lɛ ba fa sɩ to a ŋɩŋaa wʋlɩɩlɩŋ. Wɩɩŋ deeŋ ŋaa nii nɛ a pɩ ma dɩ ma doho kala dɩ ma tuto.’

MƖKA 5:13

Mɩ jaŋ chei ma tɔmɔ-la ma sɩ kɛŋ daaŋ saa aŋ yɛrɛ vʋɩyaa tabɩa-la ma sɩ hɛ ma tʋɔŋ, dɩ ma bɩra sɩ́ kɩalɩŋ ma sɩ ŋaa sɩpaaŋ kpirimu.

Matiu 21:32

Bɛɛ wɩaa Jɔɔŋ Wɩa lɩɩ-fooru-la kɔ a dagɛma wombii-tɩtɩɩ-la nɛ ma sɩ jaŋ to, aŋ ka ma bɩ ʋ wɩaa laa dii, ama lampoo laaraa arɩ jagumuloba laa ʋ wɩaa dii nɛ. Ma paala na ba sɩ laa ʋ wɩaa dii ŋɩɩ nɛ, aŋ ka ma ha bɩ bɩrɩma dɩ ma laa ʋ wɩaa dii.”

Tɩntɩŋŋaa 17:29

La saa sɩ ŋaa ʋ biiriŋ, ʋ bɩ maga dɩ la bɩɩnɛ arɩ Wɩa nagɛ kɩalɩŋ nuhuobiine sɩ kɛŋ sɛlɩmɛ kaa mɛ nɛ, koo kʋ-la ba sɩ kɛŋ hɔɔŋ koo tabɩɩŋ kaa ŋaa nɛ. Ʋ bɩ naga kɩaa deemba nuhuobiine sɩ kɛŋ ʋ jɩma kaa ŋaa nɛ.

Tɩntɩŋŋaa 19:26

Ma tɩtɩa nɩa nɛ a nɩna wɩalɩŋ ma Pɔɔl sɩɩ bʋl. Ʋ sɩ: Vʋɩya-la nuhuobiinee sɩɩ libu, ba bɩ wɩa ŋaa. Ʋ saa wuo kɛŋ nɩ-daŋ nyusuŋ bɩrɩmɛ ba sɛɩ wɩɩ-la. Ʋ ŋaa ŋɩɩ Ɛfɛsɩs deeŋ arɩ Esia tinteeŋ jesiŋ kala lɛ nɛ.

Tɩntɩŋŋaa 7:41

Bʋa-la lɛ nɛ ba mɛ vene ʋ nagɛ nɛ-bie a kpaarʋ. Ba gbieli a zil kʋ-la ba tɩtɩa sɩ mɛ.

2 Kɔrɩntɩ Nɩaa 12:21

Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.

MOSIS BƖRA WULLI WƖA WOMBIIŊ 31:29

Mɩ jɩma mɩ sʋʋŋ harɩŋ lɛ, ma jaŋ ŋaa wʋbɔŋŋɔɔ aŋ vɩa wombii-la mɩ sɩ dagɛma. Bʋa dɔŋ jaŋ kɔ, wʋlɔrʋnʋŋ jaŋ ŋaa ma lɛ a tɩŋ wʋbɔmɔ-la ma sɩ jaŋ ŋaa La TƖƖNA sɩɩŋ lɛ, dɩ ʋ na baanɩŋ ma nyuŋ.”

MOSIS BƖRA WULLI WƖA WOMBIIŊ 32:17

Ma vɩa Wɩa nɛ aŋ tuto jɩŋ-bɔŋŋɔɔ, a kpʋkpaarɛ veŋ-falɩa-la ma sɩ bɩ jɩŋ, Vesi-la ma naabalɩmaba sɩ bɩ fá.

MOSIS BƖRA WULLI WƖA WOMBIIŊ 4:28

Tinteye-la lɛ, ma jaŋ kpʋkpaarɛ tɔŋŋɔɔ ba sɩ mɛ, koo a kɛŋ daaŋ saa koo tabɩaa. Tɔmɔ-la bɩ jaŋ nɩna, ba bɩ nɩɩ, ba bɩ kɩaa wuo dii, ba bɩ sʋɔra maa nɩɩ.

1 Timoti 4:1

Wɩa Dɩŋ-zɔmʋŋ paala chaasa bʋl arɩ dʋnɩa dɩdɛrɩŋ deeŋ lɛ la sɩ hɛ, nɩaa dɔnsʋŋ jaŋ joŋ wɩalɩŋ ba sɩ laa dii ta. Ba jaŋ tuto jɩŋ-bɔŋŋɔɔ harɩŋ a nyɩsɛ nɩaa aa dagɛba Sɩtaanɩ wombiiŋ.

Jɔɔŋ Wʋnaalaa 15:1

Ŋɩɩ nɛ mɩ bɩra na ku-kpuŋkperi-bal ma dɔŋ wɩa-nyuŋ. Ʋ kɛmmɛ fawʋllʋŋ. Mɩ na Wɩa tɩndaaraa balɩpɛ dɩ ba kori nyanyal-bɔŋ dosunuŋ balɩpɛ sɩ ŋaa dɩdɛrɩŋ kɩaa, bɛɛ wɩaa dɩ ba nɛ kʋ ŋaa dɛrɛ, Wɩa baanɩŋ jaŋ fɩɛlɛ.

Jɔɔŋ Wʋnaalaa 16:8

Ŋɩɩ nɛ Wɩa tɩndaarɩ-nɛsɛ-la joŋ ʋ gbaŋa a bɩsa hɛ wɩɩpɔsʋŋ lɛ, a pʋ doluŋ ʋ faasa pɔsɛ a nyɩnyɩgɛ nɩaa a nagɛ nyiniŋ.

Jɔɔŋ Wʋnaalaa 9:19

Janɩ-la doluŋ kala fa hɛ ba niiriŋ arɩ ba bʋbʋɔ-dosuŋ lɛ nɛ. Ba bʋbʋɔ-dosu-la nagɛ dɩŋŋaa nɛ a kɛŋ nyusuŋ, ba kaa pɩpɩrɛ nɩaa.

Jɔɔŋ Wʋnaalaa 9:21

Nɩaa deemba fa bɩ bɩrɩma lɩɩ nɩaa kpʋnʋŋ lɛ, ba hɩl wɩaa lɛ, ba wʋlɩɩlɩŋ arɩ ba gaarɩŋ lɛ.