Jɔɔŋ Wʋnaalaa 9:17 - WƖA TENIŊ

¹⁷ Mɩ sɩ na laalɩyuoro-la sɩ jɩl ba janɩŋ mɩ duosoo tʋɔŋ, ŋ-la nɛ ba nagɛ: Ba bɔɩ-tɔɔrɩ gɛnnɩŋ ba sɩ yie joŋo tɔ bɔɩsɩŋ a kaa yuo laalɩŋ, ba dɔnsʋŋ faasa fɩɛsɛ nɛ, dɔnsʋŋ nagɛ diibelimbine pʋnaa, dɔnsʋŋ ma nagɛ jiribiiŋ. Janɩ-la nyusuŋ nagɛ naachigee nyusuŋ, ka nyiniŋ arɩ nyʋɔsʋŋ arɩ jiribiiŋ lɩlɩɩ ba niiriŋ lɛ.

Jɔɔŋ Wʋnaalaa 9:17 ပူးပေါင်းရင်းမြစ်များ

WƖAA DƖ-SUOMUŊ 19:24

Wɩa leŋ jiribiiŋ chol nyiniŋ, a lɩɩ wɩa-nyuŋ a kʋ tuu dii Sodom arɩ Gomora kala,

1 IZIRAL TƖŊŊAA NAABARƖŊ 12:8

Gad doho nɩaa laalɩyuoroo dɔnsʋŋ ma kɔ Devit teeŋ nɛ ʋ sɩ faa dɩ-duo-la lɛ tintee-hɩlɩɩ-la lɛ. Ba fa ŋaa laalɩyuori-duoru nɛ a kɛŋ hɔɔtaalɩ-la ba sɩ kaa kɛrɛɛ laa bayuori hɛŋŋɛɛ arɩ tiŋŋee yuyuo laalɩŋ. Ba sɩaa fa kɛŋ fawʋllʋŋ a nagɛ naachigiŋ nɛ, ka ba naaŋ ma lɩŋ woruŋ arɩ wieme.

WƖA YƖƖLAA 11:6

Ʋ jaŋ leŋ dɩ nyiŋ-hal muloo arɩ jiribiiŋ chol nyiniŋ a lɩɩ wɩa-nyuŋ a kʋ tuu nɩbɔŋŋɔɔ lɛ a nagɛ duonuŋ sɩɩ nɩɩ, aŋ ka dɩ pel-lɩmɩŋ kɛmba.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

ƐZƖKƖƐL 33:22

Dɩdaaŋ-la sɩ bala ka baal-la-na kɔ mɩ teeŋ, La TƖƖNA dol-la fa hɛ mɩ lɛ nɛ. Ʋ suri mɩ niiŋ nɛ, ka baal-la-na kɔ mɩ teeŋ ŋɩɩ chʋchʋɔŋ, mɩ bɩra wuo bʋbʋl wɩaa.

DANƖƐL 8:2

Wɩalɩŋ tʋɔŋ, mɩ na mɩ tɩtɩa dɩ mɩ hɛ tabal-la ba sɩ saa kɛrɛ golli ba sɩɩ yɩrɛ Susa sɩ hɛ Ɛlam tinteeŋ lɛ. Mɩ na dɩ mɩ chɩŋ fuo-la ba sɩɩ yɩrɛ Ʋlaɩ sɛmɛ nɛ.

DANƖƐL 9:21

mɩ fa haa chʋɔlɛ Wɩa ŋɩɩ nɛ aŋ na Gebiral, baal-la mɩ fa sɩ laa sɩpaaŋ duoso na dɩ ʋ file kɔ mɩ teeŋ dɩdaanɩŋ Wɩɩsʋlʋŋ bʋa lɛ.

Jɔɔŋ Wʋnaalaa 11:5

Dɩ nʋʋkala nɩɩ chɛ dɩ ʋ ŋaaba wʋbɔŋ, nyiniŋ yie lɩɩ ba niiŋ lɛ nɛ a dii ba dʋndɔŋŋɔɔ kala. Nʋʋ na-kala sɩɩ chɛ ʋ ŋaaba wʋbɔŋ, ŋ-la nɛ ʋ yie sʋʋ.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 21:20

nɔŋ kʋa yɩrɩŋ nɛ ɔnɩs, dʋmʋŋ kʋa yɩrɩŋ nɛ kaanɛlɩaŋ, pɛɛmɩŋ kʋa yɩrɩŋ nɛ kirisola, chorimuŋ kʋa ma ŋaa bɛrɛl, nibimiŋ kʋa ma yɩrɩŋ nɛ topas, fiimiŋ kʋa yɩrɩŋ nɛ kirisopiris, fii arɩ kʋŋ kʋa yɩrɩŋ nɛ jasɩŋ, ka fii arɩ balɩamɩŋ kʋa ma yɩrɩŋ ŋaa amɛtɩs.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 9:18

Kɩaa deemba batori nɛ Wɩa leŋ ba kʋ kpʋ dʋnɩa nɩaa, dɩ ŋ nɛ kaa kpaa butori sɛmɛ dɔŋɔ: Nyiniŋ, nyʋɔsʋŋ arɩ jiribiiŋ-la sɩɩ lɩɩ janɩ-la niiriŋ lɛ.

Jɔɔŋ Wʋnaalaa 9:9

Ba yaraa horuŋ nagɛ hɔɔŋ ba sɩ yie joŋo tɔ bɔyɛ a kaa yuo laalɩŋ nɛ. Ba kɩŋkɛnsɩŋ ma ŋɩŋaa goŋ, a nagɛ janɩŋ sɩ yʋga a lɛrɛ torukoba a fá mʋmʋ laalɩŋ.