Jɔɔŋ Wʋnaalaa 9:1 - WƖA TENIŊ

¹ Ŋɩɩ nɛ Wɩa tɩndaarɩ-nɔŋ-la ma ŋmʋʋ ʋ nyile. Ʋ sɩ ŋmʋʋ ŋɩɩ, mɩ na chɛnwʋlʋŋ dɩ ʋ lɩɩ wɩa-nyuŋ a kʋ tuu tel tinteeŋ. Ba joŋ buotuo luŋuŋ boribiiŋ pʋ.

Jɔɔŋ Wʋnaalaa 9:1 ပူးပေါင်းရင်းမြစ်များ

AZAAYA 14:12

Ɛɛ ma nɛ ŋ lɩɩ wɩa-nyuŋ kʋ tuu tel ŋɩɩ, ŋ fa nagɛ nanyʋɔlʋŋ sɩ pɔsɔ nɛ. Ŋ fa yie yuo dii tinteyee nɛ, ama lɛɛlɛ ba kiriŋ ta nɛ ŋ tuu tinteeŋ.

Luuk 10:18

Ŋɩɩ nɛ Yesu bʋla pɩba, “Mɩ na Sɩtaanɩ dɩ ʋ lɩɩ wɩa-nyuŋ kʋ tuu tel a nagɛ duonuŋ sɩɩ lɩgɩsɛ ŋɩɩ.”

Luuk 8:31

Ŋɩɩ nɛ jɩŋ-bɔmɔ-la sʋl Yesu dɩ ba nɛ leŋ baal-la, dɩ ʋ sɩ́ leŋe dɩ ba tuu buotuo-luŋuŋ.

Rom Tɩŋŋaa 10:7

Koo ma bɩra sɩ́ pɩɛsʋ a bʋl dɩ kʋbɛɛ nɛ jaŋ mʋ lɛlɩŋ (a kɛŋ Kirisito kaa kɔ)?”

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 1:20

Wʋkpuŋkpere-la ŋ sɩ na a mʋ tɩgɛ chɛnwʋla-la balɩpɛ ŋ sɩ na mɩ na-diiŋ lɛ arɩ chaaŋ daasɩ-la balɩpɛ bʋbʋɔŋ nɛ: Chɛnwʋlaa balɩpɛ-la nɛ ŋaa Wɩa tɩndaara-la sɩɩ beŋ nɩalɩŋ sɩ laa Yesu wɩaa dii a hihilimi a hɛ tasɩ-la balɩpɛ-la sɩ hɛ Esia tinteeŋ lɛ. Chaaŋ daasɩ-la balɩpɛ nɛ ŋaa nɩalɩŋ sɩ laa Yesu wɩaa dii a hihilimi tasɩŋ balɩpɛ-la sɩ hɛ Esia tinteeŋ lɛ.

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 20:1

Ŋɩɩ nɛ mɩ na Wɩa tɩndaara dɩ ʋ lɩɩ Wɩa-jaŋ a kʋʋ tuu tinteeŋ, a kori buotuo-luŋii-la boribiiŋ arɩ chɔrʋŋ-bal kʋbala.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 6:13

Ka chɛnwʋlaa lɩɩ wɩa-nyuŋ a kʋ tuu tinteeŋ, a nagɛ pel-duoŋ sɩ luo a ŋaa tutogi-nambil-huoruŋ yuori ŋɩɩ.

Jɔɔŋ Wʋnaalaa 8:10

Ŋɩɩ nɛ Wɩa tɩndaarɩ-tori-la ma ŋmʋʋ ʋ nyile. Ʋ sɩ ŋmʋʋ ŋɩɩ, chɛnwʋl-bal kʋbala lɩɩ wɩa-nyuŋ, a chaanɛ a nagɛ kapɩlɩŋ-nyiniŋ, a kʋ tuu tel fuonuŋ arɩ lɩɩ-bulluŋ sɩ kpaa sɛsɩŋ batori sɛmɛ dɔŋɔ lɛ.

Jɔɔŋ Wʋnaalaa 8:12

Ŋɩɩ nɛ Wɩa tɩndaarɩ-nɛsɛ-la ma ŋmʋʋ ʋ nyile. Ʋ sɩ ŋmʋʋ ŋɩɩ, wɩɩpɔsʋŋ, dɩ ŋ nɛ kaa kpaa butori, sɛmɛ dɔŋɔ biri, chɛnɛ ma dɩ ŋ nɛ kaa kpaa butori, sɛmɛ dɔŋɔ biri, chɛnwʋlaa ma, dɩ ŋ nɛ kaa kpaa butori, sɛmɛ dɔŋɔ biri. Wɩɩhɛyɛ pʋlʋmʋŋ arɩ tɩtaŋɩŋ ma kpaa butori sɛmɛ dɔŋɔ biri.

Jɔɔŋ Wʋnaalaa 8:2

Ŋɩɩ nɛ aŋ ka mɩ na Wɩa tɩndaaraa balɩpɛ-la sɩ yie chɩŋ Wɩa sɩpaaŋ. Ba pɩba nyilliŋ balɩpɛ.

Jɔɔŋ Wʋnaalaa 9:2

Ŋɩɩ nɛ ʋ suri buotuo-luŋii-la boro, nyʋɔsʋŋ lɩɩ buotuo-luŋii-la tʋɔŋ a nagɛ nyiŋ-balɩŋ nyʋɔsʋŋ, a tɔ pʋlʋmʋŋ arɩ wɩɩpɔsʋŋ kala ba biri.