Jɔɔŋ Wʋnaalaa 8:8 - WƖA TENIŊ

⁸ Ŋɩɩ nɛ Wɩa tɩndaarɩ-lɩamɩŋ ma ŋmʋʋ ʋ nyile. Ʋ sɩ ŋaa ŋɩɩ, ba joŋ kʋŋ sɩ nagɛ peel-balɩŋ sɩɩ dii nyiniŋ a yuo hɛ mʋgʋ-balɩŋ tʋɔŋ. Mʋgʋ-bal-la, dɩ ŋ nɛ kaa kpaa batori, sɛmɛ dɔŋɔ kala bɩrɩmɛ chalɩŋ,

Jɔɔŋ Wʋnaalaa 8:8 ပူးပေါင်းရင်းမြစ်များ

JƐRƖMAAYA 51:25

Mɩ chɩŋ ŋ-na Babɩlɔŋ lɛ nɛ, ŋ nagɛ peeliŋ nɛ a chei nɩaa. Ŋ chei dʋnɩa kala nɛ. Mɩ jaŋ lɩɩsɛ nɩsɩŋ a liesiŋ, a bilimiŋ ta peel-la nyuŋ, a leŋ dɩ ŋ dii nyiniŋ.

ƐZƖKƖƐL 14:9

Dɩ nʋʋ nɛ nyɩsɛ mɩ wʋlaabʋllʋ hɛ dɩ ʋ nyɩɛ bʋl wɩaa mɩ doluŋ lɛ, mɩ-na ma TƖƖNA tɩtɩa nɛ nyɩsʋ ŋɩɩ. Ama mɩ jaŋ lɩɩsɛ mɩ nɩsɩŋ liesu a cheyu a lɩɩsʋ ta mɩ nɩaa Iziral tɩŋŋaa tʋɔŋ.

AMƆS 7:4

Wɩalɩŋ La Tɩɩna Wɩɩjarɩbakɔ bɩra sɩ joŋo dagɛmɛ a nagɛ duosoo tʋɔŋ nɛ ŋ-la: Mɩ na dɩ ʋ joŋ nyiniŋ dɩ ʋ kaa dɔgɩsɛ ʋ nɩaa. Nyiŋ-la dii mʋgʋ-balɩŋ sɩ faasa luŋ arɩ kʋŋkala sɩ hɛ tintee-la lɛ.

ZƐKARƖYA 13:8

La TƖƖNA bɩra sɩ, “Tintee-la kala lɛ, dɩ ŋ nɛ kɛŋ nɩalɩŋ kpaa leree batori, mɩ jaŋ ŋmoo leree balɩa kala lo dɩ ba sʋʋ, ama kʋbala ha jaŋ ka.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

Maak 11:23

Wʋtɩtɩɩ nɛ mɩ bʋlaa pɩma, dɩ ma nɛ laa Wɩa dii a bɩ tʋɔsaa balɩa kɛnɛ, a bʋla pɩ peeliŋ dɩ ʋ sii mʋ tel mʋga tʋɔŋ, aŋ laa dii arɩ wɩɩ-la ma sɩ bʋla jaŋ ŋaa, ŋɩɩ sɛnɛ jaŋ ŋaa.

Jɔɔŋ Wʋnaalaa 11:6

Wɩa pɩba doluŋ dɩ ba wuo kiri duonuŋ, dɩ ʋ sɩ́ nɩɩ tapʋlɩa-la ba sɩɩ chɛ dɩ ba bʋl Wɩa wɩaa lɛ. Wɩa bɩra pɩba doluŋ dɩ ba wuo ŋaa dɩ lɩɩŋ bɩrɩmɛ chalɩŋ. Ba jaŋ wuo leŋ dɩ nyanyalaa jʋʋ dʋnɩa nɩaa, bʋa na-kala lɛ ba sɩ cho.

Jɔɔŋ Wʋnaalaa 12:4

Ʋ kɛŋ ʋ bʋbʋɔ-doho gbaa chɛnwʋlaa, dɩ ŋ nɛ kaa kpaa leree batori sɛmɛ dɔŋɔ kʋ tuu tel tinteeŋ. Aŋ ka dɩŋ-la mʋ chɩŋ haal-la fa sɩɩ walɩmɛ dɩ ʋ lʋl sɩpaaŋ a gbɛrɛ, dɩ haal-la nɛ lʋla, dɩ ʋ guu joŋ bile liŋ.

Jɔɔŋ Wʋnaalaa 8:7

Wɩa tɩndaarɩ-bumbuŋ ŋmʋʋ ʋ nyile. Ŋɩɩ nɛ duoŋ-tabɩaa arɩ nyiniŋ guoli chalɩŋ lɛ kʋ tuu tel tinteeŋ. Ŋɩɩ nɛ tinteeŋ, dɩ ŋ nɛ kaa kpaa batori, sɛmpɛɛŋ dɔŋɔ tɩɩsɩŋ arɩ yasɩŋ kala dii nyiniŋ.

Jɔɔŋ Wʋnaalaa 9:15

Ŋɩɩ nɛ ba puri Wɩa tɩndaara-la. Wɩa fa vɔbɔ a bil a gbɛrɛ tapʋlɩɩ-la arɩ chɛnɛ-la arɩ jɩna-la ʋ fa sɩɩ chɛ ʋ kpʋ dʋnɩa nɩaa, ba sɩ kaa kpaa butori sɛmɛ dɔŋɔ nɛ.

Jɔɔŋ Wʋnaalaa 9:18

Kɩaa deemba batori nɛ Wɩa leŋ ba kʋ kpʋ dʋnɩa nɩaa, dɩ ŋ nɛ kaa kpaa butori sɛmɛ dɔŋɔ: Nyiniŋ, nyʋɔsʋŋ arɩ jiribiiŋ-la sɩɩ lɩɩ janɩ-la niiriŋ lɛ.