Jɔɔŋ Wʋnaalaa 8:5 - WƖA TENIŊ

⁵ Ŋɩɩ nɛ Wɩa tɩndaarʋ-la joŋ sɛlɩmɛ kʋ-la a chaanɛ nyiniŋ Wɩɩsʋlʋŋ koru-la nyuŋ, a hɛ kʋ-la tʋɔŋ, a joŋo yuo ʋ kʋ tuu tinteeŋ. Ŋɩɩ nɛ duonuŋ kpɩkpɩa aŋ lɩlɩgɩsɛ, ka tinteeŋ zizigili.

Jɔɔŋ Wʋnaalaa 8:5 ပူးပေါင်းရင်းမြစ်များ

1 KUOROO 19:11

La TƖƖNA sɩ, “Sii a lɩɩ chɩŋ peel-la nyuŋ mɩ sɩpaaŋ, bɛɛ wɩaa mɩ jaŋ kʋ to lee-la a bal.” Ŋɩɩ nɛ pel-duo bal kʋbala kʋ lu a yɛrɛ peele-la a kɛŋ tabɩaa pɩsa bal, ama La TƖƖNA fa tuo pel-la lɛ. Pel-la sɩ bala, tinteeŋ ma bɩra zigili, ama La TƖƖNA fa tuo tinteeŋ zigiline-la ma lɛ.

WƖA YƖƖLAA 18:13

La Tɩɩna sɩ kɩɩ kʋŋkala, ŋ sɩ kpɩa goŋ wɩa-nyuŋ, leriŋ kala chɩɩma nɛ.

MOSIS KƐŊ IZIRAL TƖŊŊAA LƖƖ 19:16

Chɛ-tori-la chɛɛŋ chʋchʋɔŋ, taŋ lɩlɩgɩsɛ aŋ pɛ kpɩkpɩa. Duoŋ-bɩlɩmbaaŋ-bine kʋ tɔ peel-la, ka ba nɩɩ banyile sɩ faasa ŋmʋʋ. Nʋʋkala sɩ hɛ ba bugu-la-lɛ chel.

AZAAYA 29:6

La TƖƖNA doluŋ kala Tɩɩna jaŋ guu kɔ, leriŋ jaŋ dʋdɔŋ, dɩ tinteeŋ zizigili, dɩ goŋ faasa ŋɩŋaa. Pel-duoŋ jaŋ lulu dɩ nyiŋgeliŋ sii a didii kɩaa.

AZAAYA 30:30

La TƖƖNA jaŋ leŋ dɩ nɩaa nɩɩ ʋ baalɩŋ-yikoro, a na ʋ baaŋ-la sɩ nagɛ nyiniŋ a didii kɩaa. Duoŋ-bɩlɩmbaanɩŋ jaŋ tɔ dɩ duonuŋ nɩnɩɩ aŋ kpɩkpɩa dɩ duoŋ-tabɩaa titel.

AZAAYA 66:6

Má nɩɩ dɔmɔ-la sɩɩ dɔŋ tabalɩŋ lɛ, a nɩɩ goŋ-la sɩɩ ŋaa mɩ-na dɩɩ-balɩŋ lɛ. Mɩ-na ma TƖƖNA nɛ joŋ ʋ dʋndɔŋŋɔɔ wʋŋaalaa chɩmɩŋ titiŋ ba lɛ ŋɩɩ.

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

LEVI DOHO NƖAA 16:12

Ʋ jaŋ mʋ Wɩɩsʋlʋŋ koru-la nyuŋ La TƖƖNA sɩpaaŋ a joŋ kʋ-la lɛ ba sɩɩ hɛ nyiniŋ a chaanɛ nyiŋ-halaa su a ŋaa kʋsʋɔrʋsʋŋ sʋɔra sɩ sɩma ba sɩ nɔmɔ ba bii, nɩsɩŋ sɩɩŋ bʋlɩa, a kaa jʋʋ Wɩa dɩ-zɔŋ-la sɩpaaŋ, lee-la zɔmʋŋ sɩ bɩ magɩa kɛnɛ a hɛ patɩɩsaŋ-la harɩŋ.

ZƐKARƖYA 14:5

Ma jaŋ fá to lɩɩ-libe-la, bɛɛ wɩaa ʋ jaŋ kɛŋ ŋɩɩ mʋ yi lee-la ba sɩɩ yɩrɛ Azɛl. Ma jaŋ fá a nagɛ ma sɩ fá lɩɩ tinteeŋ sɩ zigile lɛ ŋɩɩ Juda kuoro Uzia kuoruŋ bʋa lɛ. Mɩ TƖƖNA Wɩa jaŋ kɔ, ʋ dɩ ʋ tɩndaaraa kala.

Matiu 24:7

Tinteeŋ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Losuŋ ma jaŋ jʋʋ. Tinteeŋ jaŋ zigili leree yʋgɛ.

Luuk 12:49

Ŋɩɩ nɛ Yesu bɩra bʋl, “Mɩ kɔ dɩ mɩ ŋaa dɩ dʋnɩa dii nyiniŋ nɛ. Mɩ saa fa cho dɩ ʋ suomo a didii nɛ lɛɛlɛ.

Tɩntɩŋŋaa 16:26

Ŋɩɩ nɛ tinteeŋ guu zigili a kɛŋ nɩtɔɔrɩ dɩa-la ma kala kaa zigili. Borusuŋ kala guu suri. Nʋʋkala kuruŋ ma lɩɩ tel.

Tɩntɩŋŋaa 4:31

Ba sɩ chʋɔlɛ Wɩa dɛrɛ, lee-la ba sɩ hilime zigili. Wɩa Dɩŋ-zɔmʋŋ kʋ hɛ ba kala lɛ. Ba suomo bʋbʋl Wɩa niiŋ wɩaa arɩ nyuduoŋ.

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 4:5

Ŋɩɩ nɛ taŋ lɩlɩgɩsɛ aŋ pɛ kpɩkpɩa kuoru kpasa-la leriŋ. Ka chaanaa balɩpɛ ma chɩŋ kuoru kpasa-la sɩpaaŋ a didii. Chaanɩa-la nɛ ŋaa Wɩa Dɩnsɩŋ balɩpɛ-la.

Jɔɔŋ Wʋnaalaa 6:12

Pie-bie-la sɩ kɛŋ kelli-la ba sɩ kaa mɛrɛ teŋ-la dʋmʋŋ tɩɩna kaa lɛrɛ, mɩ bee na dɩ tinteeŋ faasa zigili. Ŋɩɩ nɛ wɩɩpɔsʋŋ kala biri lim a nagɛ chɛŋ-birimiŋ, chɛŋ-pʋla ma fɩɛsɛ a nagɛ chalɩŋ.

Jɔɔŋ Wʋnaalaa 8:3

Wɩa tɩndaara dɔŋɔ ma kʋ chɩŋ Wɩɩsʋlʋŋ koruŋ sɛmɛ a kori sɛlɩmɛ kʋ-la lɛ ba sɩ yie joŋ kʋsʋɔrʋsʋŋ hɛ, a nyɩga pɩ Wɩa. Ŋɩɩ nɛ ba pʋ kʋsʋɔrʋ-zɔŋŋɔɔ yʋgɛ, dɩ ʋ nyɩga pɩ Wɩa a pɛ Wɩa nɩaa Wɩɩ-chʋɔlʋŋ lɛ. Ʋ jaŋ nyɩgɛba sɛlɩmɛ koru-la nyuŋ, kʋ-la sɩ chɩŋ kuoru kpasa-la sɩpaaŋ.