Jɔɔŋ Wʋnaalaa 8:12 - WƖA TENIŊ

¹² Ŋɩɩ nɛ Wɩa tɩndaarɩ-nɛsɛ-la ma ŋmʋʋ ʋ nyile. Ʋ sɩ ŋmʋʋ ŋɩɩ, wɩɩpɔsʋŋ, dɩ ŋ nɛ kaa kpaa butori, sɛmɛ dɔŋɔ biri, chɛnɛ ma dɩ ŋ nɛ kaa kpaa butori, sɛmɛ dɔŋɔ biri, chɛnwʋlaa ma, dɩ ŋ nɛ kaa kpaa butori, sɛmɛ dɔŋɔ biri. Wɩɩhɛyɛ pʋlʋmʋŋ arɩ tɩtaŋɩŋ ma kpaa butori sɛmɛ dɔŋɔ biri.

Jɔɔŋ Wʋnaalaa 8:12 ပူးပေါင်းရင်းမြစ်များ

AZAAYA 13:10

Chɛnwʋlaa sɩ hɛ wɩa-nyuŋ arɩ ba nagɩsɩŋ kala bɩ jaŋ chaanɛ. Wɩɩpɔsʋŋ ma jaŋ biri, chɛnɛ ma pʋlʋmʋŋ bɩ jaŋ chaanɛ.

AZAAYA 24:23

La TƖƖNA doluŋ kala Tɩɩna jaŋ bibeŋ peel-la ba sɩɩ yɩrɛ Zaayɔŋ nɩaa arɩ Jerusalɛm nɩaa kala. Ʋ jaŋ ŋmoo chɛnɛ pʋlʋmʋŋ arɩ wɩɩpɔsʋŋ pʋlʋmʋŋ a hɛ pɛgɛ lɛ, ka dɩ ʋ nɩhɩasɩŋ na ʋ tʋla.

JƐRƖMAAYA 4:23

Ŋɩɩ nɛ mɩ beŋ dʋnɩa, ʋ fa bɩ kʋŋkala naga, ʋ fa pɩŋ hoi nɛ. Mɩ sɩ beŋ wɩa-nyuŋ ma, ʋ pʋlʋmʋŋ kala nɛ lɛlɛ.

JOWƐL 2:10

Dɩ ba nɩɩ kɔ, tinteeŋ yie zigili nɛ, wɩa-nyuŋ ma dʋdɔŋ, wɩɩpɔsʋŋ arɩ chɛnɛ ma yie biri, chɛnwʋlaa ma bɩra bɩ chaanɛ.

JOWƐL 2:31

Wɩɩpɔsʋŋ jaŋ biri, dɩ chɛnɛ fɩɛsɛ a nagɛ chalɩŋ, ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na kɔ.

JOWƐL 3:15

Wɩɩpɔsʋŋ arɩ chɛnɛ jaŋ biri, dɩ chɛnwʋlaa ma sɩ́ chaanʋ.

AMƆS 8:9

La Tɩɩna Wɩɩjarɩbakɔ sɩ, “Tapʋlɩɩ-la, mɩ jaŋ leŋ dɩ wɩɩpɔsʋŋ jʋʋ, dɩ leriŋ kala biri lim wɩɩhɛyɛ.

Matiu 24:29

Ŋɩɩ nɛ Yesu bɩra bʋla pɩba, “Tapʋlɩa-la hɛɛŋ deeŋ sɩ jaŋ dɛrɛ, ʋ bɩra bɩ jaŋ dieni dɩ taŋ nɛ pʋla ma, leriŋ jaŋ biri, chɛnɛ ma bɩra bɩ jaŋ pɔsɛ. Chɛnwʋlaa jaŋ lɩɩ wɩa-nyuŋ kʋ tuu titel. Ba jaŋ kiri wɩa-nyuŋ kɩalɩŋ kala sɩ kɛŋ doluŋ dɩ ba lɩɩ ba leree.

Matiu 27:45

Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Maak 13:24

Ŋɩɩ nɛ Yesu bɩra bʋla pɩba, “Tapʋlɩa-la hɛɛŋ deeŋ sɩ jaŋ dɛrɛ, leriŋ jaŋ biri dɩ taŋ nɛ pʋla ma. Chɛnɛ ma bɩra bɩ jaŋ pɔsɛ.

Maak 15:33

Wɩa sɩ kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Luuk 21:25

Ŋɩɩ nɛ Yesu bɩra bʋl, “Nɩaa jaŋ na wʋmagɩlaa wɩɩpɔsʋŋ arɩ chɛnɛ arɩ chɛnwʋlaa lɛ. Dʋnɩa kala lɛ, nɩaa bɩ jaŋ jɩŋ wɩɩ-la kala lɛ ba sɩ hɛ. Dɩ mʋgʋ-balaa nɩɩ huuru, fawʋllʋŋ jaŋ kɛmba.

Tɩntɩŋŋaa 2:20

Wɩɩpɔsʋŋ jaŋ biri. Chɛnɛ ma jaŋ fɩɛsɛ a nagɛ chalɩŋ, ka dɩ La Tɩɩna tapʋl-bal-la ʋ sɩ jaŋ laa yɩrɩŋ-na yi.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Jɔɔŋ Wʋnaalaa 12:4

Ʋ kɛŋ ʋ bʋbʋɔ-doho gbaa chɛnwʋlaa, dɩ ŋ nɛ kaa kpaa leree batori sɛmɛ dɔŋɔ kʋ tuu tel tinteeŋ. Aŋ ka dɩŋ-la mʋ chɩŋ haal-la fa sɩɩ walɩmɛ dɩ ʋ lʋl sɩpaaŋ a gbɛrɛ, dɩ haal-la nɛ lʋla, dɩ ʋ guu joŋ bile liŋ.

Jɔɔŋ Wʋnaalaa 16:10

Ŋɩɩ nɛ Wɩa tɩndaarɩ-nɔŋ-la joŋ ʋ gbaŋa a bɩsa hɛ baga kʋ-la kuoru kpasa lɛ, birimiŋ tɔ lee-la kala ʋ sɩɩ beŋ, nɩalɩŋ kala sɩ hɛ nɩmɛ nɩna hɛɛŋ a dɩdɩŋ ba nandelimee.

Jɔɔŋ Wʋnaalaa 6:12

Pie-bie-la sɩ kɛŋ kelli-la ba sɩ kaa mɛrɛ teŋ-la dʋmʋŋ tɩɩna kaa lɛrɛ, mɩ bee na dɩ tinteeŋ faasa zigili. Ŋɩɩ nɛ wɩɩpɔsʋŋ kala biri lim a nagɛ chɛŋ-birimiŋ, chɛŋ-pʋla ma fɩɛsɛ a nagɛ chalɩŋ.

Jɔɔŋ Wʋnaalaa 9:15

Ŋɩɩ nɛ ba puri Wɩa tɩndaara-la. Wɩa fa vɔbɔ a bil a gbɛrɛ tapʋlɩɩ-la arɩ chɛnɛ-la arɩ jɩna-la ʋ fa sɩɩ chɛ ʋ kpʋ dʋnɩa nɩaa, ba sɩ kaa kpaa butori sɛmɛ dɔŋɔ nɛ.

Jɔɔŋ Wʋnaalaa 9:18

Kɩaa deemba batori nɛ Wɩa leŋ ba kʋ kpʋ dʋnɩa nɩaa, dɩ ŋ nɛ kaa kpaa butori sɛmɛ dɔŋɔ: Nyiniŋ, nyʋɔsʋŋ arɩ jiribiiŋ-la sɩɩ lɩɩ janɩ-la niiriŋ lɛ.