Jɔɔŋ Wʋnaalaa 8:11 - WƖA TENIŊ

¹¹ Chɛnwʋl-la yɩrɩŋ nɛ kʋhaaŋ. Ʋ sɩ hɛyɛ ŋɩɩ, lɩɩ-la tʋɔŋ ʋ sɩ tele ma hɛɩ. Lɩɩ-la sɩ hɛyɛ ŋɩɩ, nɩ-daŋ-la sɩ nyʋa lɩɩ-haa-la, ba sʋʋ.

Jɔɔŋ Wʋnaalaa 8:11 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 15:23

Ŋɩɩ nɛ ba kʋ yi lee kʋbala baa yɩrɛ Mara. Ba bɩ lɩɩ-la sɩ hɛ lee-la wuo nyʋa, bɛɛ wɩaa lɩɩ-la hɛyɛ nɛ. (Ŋɩɩ nɛ tɩɩ ba kɛŋ lee-la yɩyɩrɛ Mara.)

NAMAGABA 5:4

Ama ʋ dɩdɛrɩŋ, ʋ hɛyɛ bagɛbagɛ a nagɛ batu luobiiŋ, aŋ didii nyamanyama a nagɛ sɩa sɩ kɛŋ niiriŋ balɩa.

JƐRƖMAAYA 23:15

Ŋɩɩ wɩaa, wɩɩ-la La TƖƖNA doluŋ kala Tɩɩna bɩra sɩ bʋla tɩgɛ ʋ wʋlaabʋlla-la lɛ nɛ ŋ-la: “Mɩ jaŋ leŋ dɩ ba dii kʋdii haarɩŋ, aŋ nyʋa lɩɩŋ ba sɩ hɛ bɩɛlɩŋ, bɛɛ wɩaa, mɩ wʋlaabʋlla-la nɛ leŋe wʋbɔŋŋɔɔ ŋaanɩŋ pʋrɩgɛ tintee-la kala lɛ.

JƐRƖMAAYA 9:15

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má bee na, mɩ jaŋ leŋ dɩ nɩaa deemba dii kʋdii haarɩŋ, a nyʋa lɩɩŋ ba sɩ hɛ bɩɛlɩŋ.

JEMBIEE 3:19

Mɩ sɩ liise yi ŋɩɩ mɩ sɩ na hɛɛŋ a gɔllɔ baarɛ lɛ, ʋ nagɛ susuŋ sɩ hɛyɛ nɛ mɩ teeŋ.

JEMBIEE 3:5

Ʋ tɔ mɩ hɛ nɛ a gollimi chu a leŋ wɩaa jʋʋmɛ woruŋ, mɩ faasa nɩna hɛɛŋ.

AMƆS 5:7

Ma yie kɛŋ wʋtɩtɩɩ bɩrɩmɛ wʋnyɩɛrɩŋ nɛ, aŋ gʋrɛ nɩalɩŋ kɩaa sɩ sɩma.

AMƆS 6:12

Janɩŋ ka fá bʋŋ nyuŋ nɛɛ? Ba kɛŋ nɛsɩŋ pɩpɛrɛ mʋgʋ-balɩŋ tʋɔŋ nɛɛ? Ama ma-na kɛŋ wʋtɩtɩɩ bɩrɩmɛ wʋnyɩɛrɩŋ nɛ, aŋ kɛŋ wʋnyɩɛrɩŋ ma bɩrɩmɛ wʋtɩtɩɩ.

ZƐKARƖYA 13:8

La TƖƖNA bɩra sɩ, “Tintee-la kala lɛ, dɩ ŋ nɛ kɛŋ nɩalɩŋ kpaa leree batori, mɩ jaŋ ŋmoo leree balɩa kala lo dɩ ba sʋʋ, ama kʋbala ha jaŋ ka.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

MOSIS BƖRA WULLI WƖA WOMBIIŊ 29:18

Má hɛ doluŋ aŋ pɔ dɩ baal koo haal koo nyɩŋ-nʋʋ koo doho nʋʋ sɩ hɛ ma tʋɔŋ jɩnɩŋ sɩ́ ʋ harɩŋ joŋo yɩa la TƖƖNA Wɩa, aŋ mʋ kpʋkpaarɛ tinteye-la kʋŋ vesiŋ. Má pɔ dɩ ma doho nʋʋkala sɩ́ wʋbɔŋ-la ŋaa sɩ jaŋ cheima.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

Jɔɔŋ Wʋnaalaa 12:4

Ʋ kɛŋ ʋ bʋbʋɔ-doho gbaa chɛnwʋlaa, dɩ ŋ nɛ kaa kpaa leree batori sɛmɛ dɔŋɔ kʋ tuu tel tinteeŋ. Aŋ ka dɩŋ-la mʋ chɩŋ haal-la fa sɩɩ walɩmɛ dɩ ʋ lʋl sɩpaaŋ a gbɛrɛ, dɩ haal-la nɛ lʋla, dɩ ʋ guu joŋ bile liŋ.

Jɔɔŋ Wʋnaalaa 8:7

Wɩa tɩndaarɩ-bumbuŋ ŋmʋʋ ʋ nyile. Ŋɩɩ nɛ duoŋ-tabɩaa arɩ nyiniŋ guoli chalɩŋ lɛ kʋ tuu tel tinteeŋ. Ŋɩɩ nɛ tinteeŋ, dɩ ŋ nɛ kaa kpaa batori, sɛmpɛɛŋ dɔŋɔ tɩɩsɩŋ arɩ yasɩŋ kala dii nyiniŋ.

Jɔɔŋ Wʋnaalaa 9:15

Ŋɩɩ nɛ ba puri Wɩa tɩndaara-la. Wɩa fa vɔbɔ a bil a gbɛrɛ tapʋlɩɩ-la arɩ chɛnɛ-la arɩ jɩna-la ʋ fa sɩɩ chɛ ʋ kpʋ dʋnɩa nɩaa, ba sɩ kaa kpaa butori sɛmɛ dɔŋɔ nɛ.

Jɔɔŋ Wʋnaalaa 9:18

Kɩaa deemba batori nɛ Wɩa leŋ ba kʋ kpʋ dʋnɩa nɩaa, dɩ ŋ nɛ kaa kpaa butori sɛmɛ dɔŋɔ: Nyiniŋ, nyʋɔsʋŋ arɩ jiribiiŋ-la sɩɩ lɩɩ janɩ-la niiriŋ lɛ.

RUF 1:20

Nawomi bʋla pɩba, “Má bɩra sɩ́ mɩ Nawomi yɩrʋ, ma yɩyɩrɛmɛ Mara, bɛɛ wɩaa La TƖƖNA doluŋ kala Tɩɩna leŋe mɩ na hɛɛŋ nɛ woruŋ.” (Nawomi bʋbʋɔŋ nɛ kʋzɔmʋŋ, Mara ma bʋbʋɔŋ nɛ kʋhaaŋ.)