Jɔɔŋ Wʋnaalaa 7:9 - WƖA TENIŊ

⁹ Ʋ ŋɩɩ harɩŋ nɛ mɩ beŋ a na nɩ-dandaŋ, nʋʋ bɩ ba wuo dɩɩsɛ, sɩ lɩɩ tintee-dosunuŋ, do-yiriba arɩ nɩdosunuŋ sɩɩ bʋl yikori-wogusuŋ. Mɩ na dɩ ba chɩŋ kuoru kpasa-la arɩ Pie-bie-la sɩpaaŋ a laalɛ gɛrɩ-pʋl-duduosuŋ, a kori abɛ pɩpaarɩŋ ba nɩsaa lɛ.

Jɔɔŋ Wʋnaalaa 7:9 ပူးပေါင်းရင်းမြစ်များ

WƖAA DƖ-SUOMUŊ 13:16

Mɩ jaŋ leŋ dɩ ŋ doho nɩaa nagɛ hagɩlɩ-biee. Dɩ nʋʋ nɛ jaŋ wuo dɩɩsɛ hagɩlɩ-bie, ʋ jaŋ wuo dɩɩsɛ ŋ doho nɩaa.

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

WƖA YƖƖLAA 2:8

Pɩɛsɛmɛ, mɩ jaŋ joŋ tinteye-la kala sɩ hɛ tinteeŋ lɛ a pɩŋ dɩ ba ŋaa ŋ kɩaa.

WƖA YƖƖLAA 22:27

Nʋʋkala sɩ hɛ dʋnɩa lɛ jaŋ liisi La Tɩɩna wɩaa a mɩɩra kɔ ʋ teeŋ. Tinteye-la sɩ hɛ dʋnɩa lɛ nɩaa kala jaŋ kpirimi ʋ sɩpaaŋ a chʋɔlʋ,

WƖA YƖƖLAA 76:4

Wɩa, ŋ tʋla yʋga nɛ a chaanɛ, ŋ sɩ jɩl peel-la nyuŋ a yuo dii ŋ dʋndɔŋŋɔɔ, ŋ genne nɛ a mɩɩraa kɔ.

WƖA YƖƖLAA 77:2

Wɩaa sɩ jʋʋmɛ tapʋlɩɩ-la, mɩ sʋl La Tɩɩna nɛ. Mɩ kɛŋ mɩ nɩsaa je nɛ a sʋlʋ tɩtaŋɩŋ a bɩ lɔlɔ. Ka mɩ tʋɔŋ ha bɩ wuo pɩŋ dɩ-bala.

WƖA YƖƖLAA 98:3

Ʋ liise yi ʋ chono-la arɩ wʋtɩtɩɩ-la ʋ sɩ kɛnɛ Iziral tɩŋŋaa lɛ nɛ. Dʋnɩa nɩaa kala na ŋɩɩ la Wɩa sɩ laa nɩaa tɩta nɛ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

ƐZƖKƖƐL 47:5

Ʋ bɩra magɩsɛ naakieliŋ zɔɔ-banɔŋ, ama leriŋ deeŋ-na ŋaa fuo nɛ mɩ sɩ bɩ wuo chol, bɛɛ wɩaa lɩɩ-la fa kʋ jɩla yʋgɛ nɛ a luŋ woruŋ a magɛ puŋŋuŋ.

DANƖƐL 4:1

Kuoro Nebukadineza tɩŋ tɩndaarɩŋ a pɩ nɩaa kala, tinteyee nɩaa arɩ yikori doho na-kala nɩaa sɩ hɛ dʋnɩa lɛ a bʋl, “Wɩa jaŋ leŋ dɩ ma na ma wʋchɛɛlɛɛ kala.

DANƖƐL 6:25

Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la: Wɩa jaŋ leŋ dɩ ma na ma wʋchɛɛlɛɛ kala.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

LEVI DOHO NƖAA 23:40

Tapʋl-bumbuŋ-la má tɔrɛ ma tɩɩ-nɛŋ-zɔŋŋɔɔ, a chɔl abɛ pɩpaarɩŋ, a chɔl tɩɩ-naakelee sɩ kɛŋ pɩpaarɩŋ a jʋɔsɛ mɩ-na ma TƖƖNA Wɩa sɩpaaŋ tapʋlaa balɩpɛ.

ZƐKARƖYA 10:8

Mɩ jaŋ fʋʋla yɩrɛba a kɛmba kʋ hɛ dɔŋɔ. Wʋtɩtɩɩ, mɩ jaŋ laaba ta, ba jaŋ bɩra yʋgɛ arɩ ba fa sɩ yʋga ŋɩɩ.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

Luuk 12:1

Nɩalɩŋ fa sɩ kɔ Yesu teeŋ, ba yi nɩaa bʋɩ bʋɩ a yiyigi dɔŋɔ. Ŋɩɩ nɛ Yesu laa sɩpaaŋ a bʋla pɩ ʋ harɩ-tooroo, “Má pɔ ma tɩtɩa lɛ arɩ Farisii tɩŋŋaa. Ba ŋaa kanfugi tɩmma nɛ. Ba nagɛ sɩbʋrʋŋ nɛ.

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

Jɔɔŋ 12:13

Ŋɩɩ nɛ ba kala kaarɛ abɛ pɩpaarɩŋ a kaa mʋ dɩ ba chemu, a faasa ŋaa goŋ a bʋbʋl, “Tabarɩkala. Wɩa jaŋ pɛ nɩɩ-la sɩɩ kɔ La Tɩɩna Wɩa doluŋ lɛ. Ʋ nɛ ŋaa la Iziral tɩŋŋaa kuoro.”

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Ɛfɛsɩs Nɩaa 6:13

Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.

Hiburu TƖŊŊAA 11:12

Abɩraham fa hɩɛsa nɛ woruŋ a kieli biiriŋ lʋlʋŋ a kpagɛ sʋʋŋ aŋ lʋl bile. Ʋ doho nɩaa pʋŋa yʋgɛ woruŋ a nagɛ chɛnwʋlaa, koo hagɩla sɩ pɩŋ mʋgʋ-balɩŋ niiŋ nɛ.

Hiburu TƖŊŊAA 12:22

Ama ma nɩalɩŋ sɩ laa Yesu wɩaa dii, ma kʋ yi peel-la ba sɩɩ yɩrɛ Zaayɔŋ nɛ. Ma kʋ yi tabal-la ba sɩɩ yɩrɛ Jerusalɛm a hɛ Wɩa-jaŋ lɛ nɛ. Wɩa sɩ weye jaŋ nɛ ŋɩɩ. Ma kɔ Wɩa tɩndaaraa bʋɩ bʋɩba bʋɩ sɩ hilimi lee-la arɩ tʋɔtɔrʋŋ nɛ,

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 22:3

Kʋŋ na-kala lɛ Wɩa sɩ ŋmɩɛsa hɛ bɩ jaŋ hɛ tabal-la tʋɔŋ. Wɩa kuoru kpasa arɩ Pie-bie-la kpasa jaŋ hɛ lee-la, ka ʋ tɩntɩnnaa chʋɔlʋ.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 5:11

Ŋɩɩ nɛ mɩ beŋ a na dɩ Wɩa tɩndaaraa bʋɩ bʋɩba bʋɩ golli kuoru kpasa-la arɩ kɩalɩŋ sɩ weye arɩ nɩhɩasɩ-la. Mɩ nɩa dɩ ba faa yɩɩ yɩɩl nɛ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.

Jɔɔŋ Wʋnaalaa 6:11

Ŋɩɩ nɛ Wɩa joŋ gɛrɩ-pʋl-duduoŋ a pɩ ba kʋŋkala aŋ bʋla pɩba dɩ ba gbɛrɛ a wiesi mʋapɩlɩɩ, see dɩ ba kpʋ ba tɩntɩnnɩ dɔnsʋŋ arɩ ba naambiiri-la dɔnsʋŋ a magɛ ŋɩɩ ʋ sɩɩ chɛ.

Jɔɔŋ Wʋnaalaa 7:8

Nɩaa bʋɩ fii arɩ balɩa ma lɩɩ Zebuluŋ doho nɩaa tʋɔŋ. Nɩaa bʋɩ fii arɩ balɩa ma lɩɩ Josɛf doho nɩaa tʋɔŋ. Ʋ magɩlɛ nɩaa bʋɩ fii arɩ balɩa ma Bɛnjamɩŋ doho nɩaa tʋɔŋ.