Jɔɔŋ Wʋnaalaa 7:3 - WƖA TENIŊ

³ Ŋɩɩ nɛ ʋ bʋla pɩ Wɩa tɩndaaraa banɛsɛ-la, “Má sɩ́ tinteeŋ koo mʋgʋ-balɩŋ koo tɩɩsɩŋ chei, see dɩ la magɩlɛ la Wɩa tɩntɩnnaa ba tilliŋ lɛ.”

Jɔɔŋ Wʋnaalaa 7:3 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 12:13

Chal-la ma sɩ ŋaa taa ma dɩɩsɩŋ jaŋ ŋaa magɩl, dɩ mɩ nɛ kʋ naʋ, mɩ jaŋ kiele bal, wʋbɔŋ kala bɩ jaŋ ŋaa ma lɛ dɩ mɩ nɛ kɔ dɩ mɩ yuo Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 12:23

Dɩ La TƖƖNA nɩɩ gɔllɛ Ijipiti tinteeŋ dɩ ʋ kpʋ Ijipiti tɩŋŋaa, ʋ jaŋ na chal-la sɩ taa ma boiŋ niiree a kiele bal, ʋ bɩ jaŋ leŋ dɩ wʋbɔŋ kala jʋʋma.

AZAAYA 27:8

Dɩ La TƖƖNA nɩɩ chɛ dɩ ʋ dɔgɩsɛ ʋ nɩaa, ʋ yie kiriba hɛ tintee wogo lɛ nɛ. Ʋ yie leŋ pel-lɩmɩŋ nɛ lɩɩ wɩɩpɔsʋŋ dɩɩrɩŋ a kʋ ŋmooba a pɩsa hɛ tintee wogo lɛ.

AZAAYA 54:17

Dɩ nʋʋ nɛ joŋ laalɩyuori kʋŋkala a yuoŋ ma, ʋ bɩ ŋ lɛɛ dii. Nɩalɩŋ kala sɩɩ bʋl ŋ teeŋ, ŋ jaŋ wuoba. Wɩɩ-la mɩ-na ma TƖƖNA sɩ joŋo pɩ mɩ tɩntɩnnaa nɛ ŋɩɩ, ba kaa yuo didii laalɩŋ.”

AZAAYA 6:13

Dɩ nɩaa fii tʋɔŋ, nɩbala ma nɛ paala ka tintee-la lɛ, ʋ ha jaŋ bɩra pɩŋ hoi. Nɩɩ-la jaŋ nagɛ piiŋ tɩa ba sɩ kere ta aŋ ka ʋ gentine bɩra tɔsɛ. Ŋɩɩ nɛ mɩ nɩaa ma jaŋ nagɛ tɩa-gentine tintee-la lɛ.”

AZAAYA 65:8

Wɩɩ-la La TƖƖNA sɩ bʋla nɛ ŋ-la: “A nagɛ girep nɛnɛɛ ha sɩ kɛŋ lɩɩŋ nɩaa pɔ dɩ ba sɩ́ pʋra ta ŋɩɩ, a tɩŋ ba chie sɩ jaŋ kaa ŋaa sɩnɩŋ wɩaa, ŋɩɩ tɩtɩa nɛ mɩ jaŋ ŋaa mɩ nɩaa lɛ mɩ bɩ jaŋ chei ba kala.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

ƐZƖKƖƐL 9:6

Má kpʋ banɩhɩasɩŋ, bapʋɔsaa, hatoloo, naamba arɩ hambiisiŋ. Ama má sɩ́ nʋʋkala sɩ kɛŋ magɩl-la digu. Má suomi mɩ dɩa lɛ.” Ŋɩɩ nɛ ba suomi sɩpaalaara-la sɩ hɛ Wɩa dɩɩ-bal-la sɩpaaŋ.

DANƖƐL 3:17

Kuoro, dɩ ba nɛ jonla yuo hɛ nyiŋ-balɩŋ tʋɔŋ, Wɩa-la la sɩɩ to jaŋ laala ta ʋ lɛ, a laala ta ŋ nɩsɩŋ ma lɛ.

DANƖƐL 3:26

Ŋɩɩ nɛ Nebukadineza mʋ kpagɛ nyiŋ-bal-la niiŋ aŋ kpɩa yɩrɛ, “Sadɩrak, Mɛsak arɩ Abedinego, Wɩa sɩ kɩɩ kʋŋkala tɩntɩnnaa, má kʋ lɩɩ a kɔ daha.” Ŋɩɩ nɛ Sadɩrak, Mɛsak arɩ Abedinego kʋ lɩɩ nyiŋ-la tʋɔŋ.

DANƖƐL 6:16

Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”

ZEFANAAYA 2:3

Má chɛ La TƖƖNA, ma nɩalɩŋ kala sɩ kɛŋ ma tɩtɩa muuri a hɛ tintee-la lɛ, ma nɩalɩŋ sɩɩ ŋaa wɩalɩŋ ʋ sɩ daga, má kɛŋ tʋɔpʋla, a kɛŋ ma tɩtɩa muuri, ŋ bɩ pɔ ma jaŋ na leriŋ a kɛŋ ma nyusuŋ pɛllɛ tapʋlɩɩ-la La TƖƖNA sɩ jaŋ na baanɩŋ.

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

Matiu 24:22

Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta.

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Rom Tɩŋŋaa 6:22

Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ.

Jɔɔŋ Wʋnaalaa 13:16

Kʋ-la bɩra fʋgɛ nʋʋkala a magɩlɛba, ba tilliŋ lɛ koo ba nɩsaa lɛ, nɩhɩasɩŋ arɩ hambiisiŋ, kuoroo arɩ summoo, nɩalɩŋ sɩ tɩɩ ba tɩtɩa arɩ nɩalɩŋ sɩ ŋaa yosi.

Jɔɔŋ Wʋnaalaa 13:17

Nʋʋkala bɩ jaŋ wuo yɔɔ kʋŋ, koo a yallɛ kʋŋ dɩ ŋ bɩ magɩlɩŋ deeŋ kɛnɛ, kʋ-la yɩrɩŋ koo ʋ yɩrɩ-la sɩ magɛ ŋɩɩ.

Jɔɔŋ Wʋnaalaa 14:1

Ŋɩɩ nɛ mɩ beŋ a na Pie-bie-la dɩ ʋ chɩŋ peel-la ba sɩɩ yɩrɛ Zaayɔŋ nyuŋ. Ʋ dɩ nɩaa bʋɩba zɔlɔ arɩ mahɩŋ balɩa arɩ banɛsɛ nɛ fa chɩŋ peel-la nyuŋ. Ba ŋmʋnsɛ Pie-bie-la yɩrɩŋ arɩ ʋ Nyɩmma yɩrɩŋ nɛ a hɛ nɩaa deemba tilliŋ lɛ.

Jɔɔŋ Wʋnaalaa 14:9

Ŋɩɩ nɛ Wɩa tɩndaarɩ-tori ma tuto ba harɩŋ, a ma bʋl wɩaa arɩ yikori-balɩŋ. Ʋ sɩ, “Dɩ nʋʋkala nɛ chʋɔlɛ baga kʋ-la arɩ ʋ nagɩsɩŋ ba sɩ mɛ bil, a laa magɩl-la ʋ tile lɛ koo ʋ nɩsaa lɛ,

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 22:4

Ba jaŋ na ʋ sɩaa, ka ʋ yɩrɩŋ hɛ ba tilliŋ lɛ.

Jɔɔŋ Wʋnaalaa 6:6

Ŋɩɩ nɛ mɩ nɩɩ yikoro sɩ nagɛ nʋʋ yikoro. Yikoro-la lɩɩ kɩalɩŋ banɛsɛ-la sɩ weye tʋɔŋ nɛ. Ŋɩɩ nɛ tɩɩna bʋl, “Ba jaŋ yallɛ folii-mɩaa gbaŋa kʋbala, a yi chɛ-bala tɩntɩnna sɩ yie laa ʋ time magɛ ŋɩɩ, ka dɩ mɩaa gbansɩŋ batori ma yi chɛ-bala tɩntɩnna time. Ama sɩ́ olif tɩɩsɩŋ arɩ girep tɩɩsɩŋ chei.”

Jɔɔŋ Wʋnaalaa 7:1

Wɩaa deemba kala harɩŋ, mɩ na Wɩa tɩndaaraa banɛsɛ dɩ ba chɩŋ dʋnɩa laŋgorunuŋ banɛsɛ-la lɛ. Ba fa kɛŋ peliŋ nɛ dɩ ʋ sɩ́ lu hɛ tinteeŋ arɩ mʋgʋ-balɩŋ arɩ tɩɩsɩŋ kala lɛ.

Jɔɔŋ Wʋnaalaa 7:2

Ŋɩɩ nɛ ka mɩ na Wɩa tɩndaara dɔŋɔ dɩ ʋ to wɩɩpɔsʋŋ dɩɩrɩŋ aa jɩl wɩa-nyuŋ, a kori kʋ-la Wɩa sɩ weye sɩ kaa magɩlɛ ʋ nɩaa. Ŋɩɩ nɛ ʋ faasa yɩrɛ Wɩa tɩndaara-la banɛsɛ Wɩa fa sɩ pa doluŋ dɩ ba chei tinteeŋ arɩ mʋgʋ-balɩŋ.

Jɔɔŋ Wʋnaalaa 9:4

Wɩa bʋla pɩba dɩ ba sɩ́ yaŋ dii koo tɩɩsɩŋ koo kɩalɩŋ sɩ nyʋ tinteeŋ lɛ, ama dɩ ba dɔgɩsɛ nɩalɩŋ sɩ́ bɩ Wɩa magɩlɩŋ kɛnɛ ba tilliŋ lɛ.