Jɔɔŋ Wʋnaalaa 7:17 - WƖA TENIŊ

¹⁷ Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”

Jɔɔŋ Wʋnaalaa 7:17 ပူးပေါင်းရင်းမြစ်များ

WƖA YƖƖLAA 22:26

Summoo jaŋ dii kɩaa vɔgɛ. Nɩalɩŋ ma kala sɩ kɔ La Tɩɩna teeŋ jaŋ dɛnnʋ. A leŋ dɩ ba kɛŋ mɩɩ-duduoŋ.

WƖA YƖƖLAA 23:5

Ŋ leŋe mɩ hɔŋ mɩ dʋndɔŋŋɔɔ tʋɔŋ nɛ a dii kɩaa, a leŋ mɩ nyʋnyʋala su a lɩɩ tɩta. Ŋ zilmi nɛ a nagɛ ŋ nʋhʋɔra.

WƖA YƖƖLAA 28:9

Laa ŋ nɩaa ta a pɛ ba lɛ. Ŋaa Nɩɩ-la sɩɩ beŋ ba nyuŋ, dɩ ba hɛ ŋ nɩsɩŋ lɛ a kaa mʋ wuu.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

AZAAYA 25:6

Peel-la ba sɩɩ yɩrɛ Zaayɔŋ nyuŋ nɛ La TƖƖNA doluŋ kala Tɩɩna jaŋ yɩrɛ gbiele, a ŋaa kʋdii-zɔŋŋɔɔ arɩ nammɩɩ-zɔmʋŋ arɩ sɩŋ-la sɩ chaasa sɩŋ a pɩ dʋnɩa nɩaa kala.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 30:19

Ma Zaayɔŋ nɩaa, nɩalɩŋ sɩ hɛ Jerusalɛm lɛ, ma yele jaŋ dɛrɛ. La TƖƖNA jaŋ fá ma nenige. Dɩ ma nɛ yele pʋ, ʋ jaŋ nɩɩ a guu pɛ ma lɛ.

AZAAYA 30:25

Tapʋlɩɩ-la ba sɩ jaŋ kpʋ ma dʋndɔŋŋɔɔ aŋ yigi ba dɩɩ-duoru-la kala lo, lɩɩŋ jaŋ pɩpɛllɛ peelee arɩ dundolluŋ nyuŋ kala.

AZAAYA 35:10

Nɩalɩŋ La TƖƖNA sɩ laa ta jaŋ mɩɩra kɔ, ba jaŋ yɩyɩɩ yɩɩlaa arɩ tʋɔtɔrʋŋ a jʋʋ Jerusalɛm. Tʋɔtɔrʋŋ dʋndʋŋa nɛ jaŋ ŋaa ba kʋa, tʋɔ-cheeŋ jaŋ fá lɛl ba teeŋ.

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 49:9

Ŋ jaŋ laa nɩalɩŋ ba sɩ yuo kɛsɛ arɩ nɩalɩŋ sɩ hɛ birimiŋ tʋɔŋ a ta dɩ ba na pʋlʋmʋŋ. Ba jaŋ na kʋdiilee lee-la kʋŋkala sɩ paala tuo.

AZAAYA 51:11

Nɩalɩŋ La TƖƖNA sɩ laa ta jaŋ mɩɩra kɔ ʋ teeŋ. Ba jaŋ yɩɩ yɩɩlaa arɩ tʋɔtɔrʋŋ kʋ jʋʋ Jerusalɛm. Ba jaŋ nɩɩ sɩma a kaa mʋ wuu. Tʋɔtɔrʋŋ jaŋ faasa yʋgɛ ba teeŋ, dɩ hɛɛŋ arɩ tʋɔ-cheeŋ fa lɛl.

AZAAYA 60:20

Ŋ wɩɩpɔsʋŋ bɩra bɩ jaŋ jʋʋ, ŋ chɛnɛ ma bɩ jaŋ jʋʋ birimiŋ. Ŋ TƖƖNA nɛ jaŋ ŋaa ŋ pʋlʋmʋŋ a kaa mʋ wuu. Tʋɔ-chee-la kala ŋ sɩ kɛnɛ jaŋ dɛrɛ.

AZAAYA 65:19

Mɩ tʋɔŋ jaŋ tɔrɛ Jerusalɛm lɛ, mɩ tʋɔŋ jaŋ tɔrɛ mɩ nɩaa nyuŋ. Nɩaa bɩra bɩ jaŋ nɩɩ dɩ baa ŋmoo niiŋ koo a yiyel nɩmɛ.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

ƐZƖKƖƐL 34:23

Mɩ jaŋ lɩɩsɛ kuoro pɩba dɩ ʋ nagɛ mɩ tɩntɩnna Devit a ŋaa ba pie-daara a bibemba. Ʋ nɛ jaŋ ŋaa ba pie-daara a dɩdaaba.

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

Matiu 5:4

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 10:14

Mɩ nɛ ŋaa pie-daarɩ-zɔmʋŋ. Mɩ jɩŋ mɩ piesee, mɩ piesee ma jɩmmɛ.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:11

Ŋɩɩ nɛ haal-la pɩɛsʋ, “Kʋhɩaŋ, ŋ bɩ gʋʋga kɛnɛ dɩ ŋ kaa ŋaa lɩɩŋ, ka vil-la ma luŋ. Nɩɩ lɛ nɛ saa ŋ jaŋ na lɩɩ-la sɩɩ pɩ nɩaa mɩɩsɩŋ?

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

Jɔɔŋ Wʋnaalaa 21:22

Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.

Jɔɔŋ Wʋnaalaa 21:4

Ʋ jaŋ fɩɩsɛ ba sɩlɩɩrɩŋ kala ta. Ba bɩra bɩ jaŋ sʋʋ, ba tʋɔŋ bɩra bɩ jaŋ chei. Ba bɩra bɩ jaŋ yel a bɩra bɩ jaŋ na hɛɛŋ ma, bɛɛ wɩaa wʋbɩnɩa-la kala bala nɛ.”

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.