Jɔɔŋ Wʋnaalaa 7:15 - WƖA TENIŊ

¹⁵ Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.

Jɔɔŋ Wʋnaalaa 7:15 ပူးပေါင်းရင်းမြစ်များ

1 KUOROO 6:13

Mɩ jaŋ guoli mɩ nɩaa Iziral tɩŋŋaa tʋɔŋ, mɩ bɩ jaŋ vɩaba ta.”

1 IZIRAL TƖŊŊAA NAABARƖŊ 23:25

Ŋɩɩ nɛ Devit bʋl, “La TƖƖNA Iziral tɩŋŋaa Wɩa pɩ ʋ nɩaa wiese nɛ, ʋ tɩtɩa jaŋ hɛ Jerusalɛm lɛ a kaa mʋ wuu.

MOSIS KƐŊ IZIRAL TƖŊŊAA LƖƖ 29:45

Mɩ jaŋ hɛ Iziral tɩŋŋaa teeŋ a ŋaa ba Wɩa.

ƐZƖKƖƐL 37:27

Mɩ dɩjʋʋlʋŋ jaŋ hɛ ba tʋɔŋ, dɩ mɩ ŋaa ba Wɩa, dɩ ba ma ŋaa mɩ nɩaa.

LEVI DOHO NƖAA 26:11

Mɩ jaŋ hɛ ma tʋɔŋ, mɩ bɩ jaŋ lemma ta.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

1 Kɔrɩntɩ Nɩaa 3:16

Ma bɩ jɩŋ arɩ ma ŋaa Wɩa dɩa nɛ Wɩa Dɩŋ-zɔŋ-la jʋjʋʋ?

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Hiburu TƖŊŊAA 8:1

Wɩɩ-la kala la sɩɩ bʋl wʋnyuŋ nɛ ŋ-la. La kɛŋ nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ nɛ. Ʋ nɛ hɛ Wɩa-jaŋ a hɔŋ Wɩɩjarɩbakɔ kuoru kpasa nadiiŋ, nɩduoŋ dɩhɔnʋŋ.

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 13:6

Ŋɩɩ nɛ ʋ tʋʋsɛ Wɩa arɩ ʋ jaŋ arɩ ʋ jaŋ nɩaa kala joŋŋoo.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 21:22

Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.

Jɔɔŋ Wʋnaalaa 22:3

Kʋŋ na-kala lɛ Wɩa sɩ ŋmɩɛsa hɛ bɩ jaŋ hɛ tabal-la tʋɔŋ. Wɩa kuoru kpasa arɩ Pie-bie-la kpasa jaŋ hɛ lee-la, ka ʋ tɩntɩnnaa chʋɔlʋ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

Jɔɔŋ Wʋnaalaa 4:9

Bʋa na-kala dɩ kɩalɩŋ sɩ weye nɛ yɩɩ yɩɩlaa a dɛnnɛ Nɩɩ-la sɩ hɔŋ kuoru kpasa-la nyuŋ, Nɩɩ-la sɩ hɛ nɩmɛ a kaa mʋ wuu,

Jɔɔŋ Wʋnaalaa 7:9

Ʋ ŋɩɩ harɩŋ nɛ mɩ beŋ a na nɩ-dandaŋ, nʋʋ bɩ ba wuo dɩɩsɛ, sɩ lɩɩ tintee-dosunuŋ, do-yiriba arɩ nɩdosunuŋ sɩɩ bʋl yikori-wogusuŋ. Mɩ na dɩ ba chɩŋ kuoru kpasa-la arɩ Pie-bie-la sɩpaaŋ a laalɛ gɛrɩ-pʋl-duduosuŋ, a kori abɛ pɩpaarɩŋ ba nɩsaa lɛ.