Jɔɔŋ Wʋnaalaa 7:11 - WƖA TENIŊ

¹¹ Ka Wɩa tɩndaaraa kala chɩna golli kuoru kpasa-la arɩ nɩhɩasɩ-la arɩ kɩalɩŋ banɛsɛ-la sɩ weye. Ŋɩɩ nɛ Wɩa tɩndaara-la tuu kpirimi kuoru kpasa-la sɩpaaŋ a chʋɔlɛ Wɩa

Jɔɔŋ Wʋnaalaa 7:11 ပူးပေါင်းရင်းမြစ်များ

WƖA YƖƖLAA 45:11

Kuoro tʋɔŋ tɔrɛ ŋ zɔmʋŋ lɛ nɛ, to ʋ niiŋ a zizilu, bɛɛ wɩaa ʋ nɛ ŋ tɩɩna.

WƖA YƖƖLAA 97:7

Hɩɩsɩŋ dii vʋɩ-kpaaraa nɛ, nɩalɩŋ sɩ kɛŋ vʋɩ-pɛɩpɛɩba-la dɩdagɛ ba tɩtɩa, vesiŋ maa kpirimi La Tɩɩna sɩpaaŋ nɛ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Hiburu TƖŊŊAA 1:6

Bʋa-la lɛ Wɩa sɩ leŋe ʋ Bii-hɩaŋ kʋ tuu dʋnɩa, ʋ sɩ, “Wɩa tɩndaaraa kala maga ba chʋɔlʋ nɛ.”

Jɔɔŋ Wʋnaalaa 11:16

Ŋɩɩ nɛ nɩhɩasɩŋ mara arɩ banɛsɛ-la sɩ hɔŋ ba kuoru kpasɩnɩŋ nyuŋ Wɩa sɩpaaŋ, ba kala tuu kpirimi a chʋɔlɛ Wɩa a bʋl,

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 22:9

Ŋɩɩ nɛ ʋ bʋla pɩmɛ, “Sɩ́ ŋɩɩ ŋaa, mɩ dɩŋ arɩ ŋ naambiiri-la kala sɩ ŋaa Wɩa wʋlaabʋllaa ŋaa Wɩa tɩntɩnnaa, arɩ nɩalɩŋ kala sɩɩ to wɩalɩŋ sɩ hɛ teniŋ deeŋ tʋɔŋ. Wɩa nɛ maga ŋ chʋɔlɛ.”

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 4:6

Kuori-kpasa-la sɩpaaŋ, kʋŋ pɩŋ a nagɛ mʋgʋ-balɩŋ a tʋtʋl pal pal, a pʋlla nagɛ duoŋ-tabɩɩŋ. Ka kɩaa banɛsɛ sɩ weye golli kuoru kpasa-la chu a kɛŋ sɩɩ-kɛnɛɛ, sɩpaaŋ arɩ harɩŋ kala.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”