Jɔɔŋ Wʋnaalaa 7:10 - WƖA TENIŊ

¹⁰ Nɩ-daŋ-la faasa ŋaa goŋ aa bʋl, “La Wɩa sɩ hɔŋ kuoru kpasa-la nyuŋ arɩ Pie-bie-la, ba nɛ kɛŋ doluŋ dɩ ba laala ta.”

Jɔɔŋ Wʋnaalaa 7:10 ပူးပေါင်းရင်းမြစ်များ

WƖA YƖƖLAA 115:1

La-na bɩ maga dɩ nʋʋ dɛnnɛla. Ŋ-na La Tɩɩna, ŋ dʋndʋŋa nɛ maga dɩ ba dɛnnɛ, a tɩŋ ŋ chono-la sɩ bɩ dɛrɛ arɩ ŋ wʋtɩtɩɩ wɩaa.

WƖA YƖƖLAA 3:8

La Tɩɩna nɛ laa nɩaa a tɩta, a leŋ dɩ ʋ pɛ ʋ nɩaa lɛ.

WƖA YƖƖLAA 37:39

La Tɩɩna nɛ ŋaa tʋɔpʋl tɩŋŋaa Laataara. Dɩ wɩaa nɛ jʋʋba, ʋ nɛ ba dɩ-duoŋ.

AZAAYA 43:11

Mɩ dʋndʋŋa nɛ ma TƖƖNA, laataarʋ kala tuo a pɛ mɩ lɛ.

AZAAYA 45:15

Iziral tɩŋŋaa Wɩa sɩ ŋaa ba Laataara, kɛŋ ʋ tɩtɩa faa nɛ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

JƐRƖMAAYA 3:23

Goŋ-la kala la sɩɩ ŋaa dundolluŋ nyuŋ arɩ peelee nyuŋ a kpʋkpaarɛ vʋɩyaa, laa nyɩsɛ la tɩtɩa nɛ. La TƖƖNA Wɩa dʋndʋŋa nɛ jaŋ wuo laa Iziral ta.

HOSIA 13:4

La TƖƖNA sɩ, “Mɩ nɛ ma TƖƖNA Wɩa, Nɩɩ-la sɩ kɛmma kʋ lɩɩ Ijipiti tinteeŋ lɛ. Ma maga ma jɩŋ arɩ mɩ dʋndʋŋa nɛ Wɩa, Laataarʋ dɔŋ tuo, see mɩ-na.

JONA 2:9

Mɩ jaŋ yɩɩ yɩɩlaa a dɛnnɩŋ, aŋ ŋaa Wɩɩsʋlʋŋ pɩŋ. Mɩ sɩ hɛ niire-la kala, mɩ jaŋ chaarɛba. La TƖƖNA nɛ ŋaa Laataara.”

ZƐKARƖYA 4:7

Peel-duo, ŋ nɛ kʋbɛɛ? Ŋ jaŋ bɩrɩmɛ tintee-taala Zerubabɛl sɩpaaŋ. Ŋɩɩ nɛ ʋ jaŋ joŋ tiebii-katɩɩ a daŋ, ka dɩ nɩaa ŋaa goŋ a bʋl, ‘Wɩa jaŋ pɛ! Wɩa jaŋ pɛ!’ ”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Luuk 3:6

Dɩ ma ŋaa ŋɩɩ, dʋnɩa nɩaa kala jaŋ na ŋɩɩ Wɩa sɩ laa nɩaa tɩta.’ ”

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 1:36

a na Yesu dɩ ʋʋ bal. Jɔɔŋ sɩ naʋ dɩ ʋʋ bal, ŋɩɩ nɛ ʋ bʋl, “Má bee na, Wɩa Pie-bie-la nɛ ŋ-la.”

Jɔɔŋ 4:22

Ma-na Samarɩa tɩŋŋaa sɛnɛ bɩ jɩŋ nɩɩ-la ma sɩɩ chʋɔlʋ. La-na Juu tɩŋŋaa jɩŋ Nɩɩ-la la sɩɩ chʋɔlʋ nɛ. Nɩɩ-la lɛ Wɩa sɩ jaŋ to a laa dʋnɩa nɩaa ta, ʋ lɩɩ Juu tɩŋŋaa tʋɔŋ nɛ.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

Jɔɔŋ Wʋnaalaa 12:10

Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.

Jɔɔŋ Wʋnaalaa 19:1

Wɩaa deemba kala sɩ ŋaa harɩŋ, ŋɩɩ nɛ mɩ nɩɩ goŋ Wɩa-jaŋ lɛ. Goŋ-la nagɛ nɩ-daŋ yikoro nɛ aa bʋl, “Haleluya, La Tɩɩna Wɩa kɛŋ doluŋ dɩ ʋ laala ta. Ʋ nɛ kɛŋ yɩrɩŋ arɩ doluŋ.

Jɔɔŋ Wʋnaalaa 21:5

Ŋɩɩ nɛ Nɩɩ-la sɩ hɔŋ kuoru kpasa-la nyuŋ bʋl, “Má bee na, mɩ ŋaa kʋŋkala bɩrɩmɛ kʋfalɩɩ nɛ.” Ŋɩɩ nɛ aŋ bɩra bʋl, “Ŋmʋnsɛ wɩaa deemba mɩ sɩ bʋla, bɛɛ wɩaa ba ŋaa wʋtɩtɩɩ nɛ, a magɛ dɩ nɩaa laaba dii.”

Jɔɔŋ Wʋnaalaa 22:3

Kʋŋ na-kala lɛ Wɩa sɩ ŋmɩɛsa hɛ bɩ jaŋ hɛ tabal-la tʋɔŋ. Wɩa kuoru kpasa arɩ Pie-bie-la kpasa jaŋ hɛ lee-la, ka ʋ tɩntɩnnaa chʋɔlʋ.

Jɔɔŋ Wʋnaalaa 4:6

Kuori-kpasa-la sɩpaaŋ, kʋŋ pɩŋ a nagɛ mʋgʋ-balɩŋ a tʋtʋl pal pal, a pʋlla nagɛ duoŋ-tabɩɩŋ. Ka kɩaa banɛsɛ sɩ weye golli kuoru kpasa-la chu a kɛŋ sɩɩ-kɛnɛɛ, sɩpaaŋ arɩ harɩŋ kala.

Jɔɔŋ Wʋnaalaa 5:7

Ŋɩɩ nɛ Pie-bie-la mʋ laa teŋ-la, nɩɩ-la sɩ hɔŋ kuoru kpasa-la nyuŋ nadiiŋ nɩsɩŋ lɛ.