Jɔɔŋ Wʋnaalaa 7:1 - WƖA TENIŊ

¹ Wɩaa deemba kala harɩŋ, mɩ na Wɩa tɩndaaraa banɛsɛ dɩ ba chɩŋ dʋnɩa laŋgorunuŋ banɛsɛ-la lɛ. Ba fa kɛŋ peliŋ nɛ dɩ ʋ sɩ́ lu hɛ tinteeŋ arɩ mʋgʋ-balɩŋ arɩ tɩɩsɩŋ kala lɛ.

Jɔɔŋ Wʋnaalaa 7:1 ပူးပေါင်းရင်းမြစ်များ

AZAAYA 11:12

Ʋ jaŋ kɛŋ tuuta-la je a dagɛ tinteyee nɩaa kala, aŋ kɛŋ Iziral tɩmma-la ba sɩ kɛsɛ mʋ yoŋ-baga kʋ hɛ dɔŋɔ. Ʋ jaŋ kɛŋ Juda nɩalɩŋ ma sɩ pɩsa, a lɩɩ dʋnɩa loŋgorunu-la banɛsɛ kala lɛ a mɩɩra kʋ hɛ dɔŋɔ.

AZAAYA 27:3

“Mɩ beŋ ʋ nyuŋ nɛ, a ŋaa lɩɩŋ hɩhɛ ʋ lɛ bʋa na-kala. Mɩ yie pɔʋ nɛ tɩtaŋɩŋ arɩ wɩɩhɛyɛ kala, dɩ nʋʋ sɩ́ wʋbɔŋ joŋo ŋaa ʋ lɛ.

AZAAYA 27:8

Dɩ La TƖƖNA nɩɩ chɛ dɩ ʋ dɔgɩsɛ ʋ nɩaa, ʋ yie kiriba hɛ tintee wogo lɛ nɛ. Ʋ yie leŋ pel-lɩmɩŋ nɛ lɩɩ wɩɩpɔsʋŋ dɩɩrɩŋ a kʋ ŋmooba a pɩsa hɛ tintee wogo lɛ.

JƐRƖMAAYA 49:36

Mɩ jaŋ kɛŋ dʋndɔŋŋɔɔ lɩɩ dʋnɩa sɛmɛ kala kʋ hɛ Ɛlam lɛ. Mɩ jaŋ kɛmba pɩsa hɛ dʋnɩa sɛmɛ kala, ba jaŋ mʋ yoŋ-baga tintee kala lɛ.

ƐZƖKƖƐL 37:9

Ŋɩɩ nɛ ʋ bʋla pɩmɛ, “Bʋl wɩaa mɩ doluŋ lɛ a pɩ wiese. Bʋla pɩ wiese arɩ mɩ-na ma TƖƖNA Wɩɩjarɩbakɔ sɩ ʋ lɩɩ dʋnɩa loŋgorunuŋ banɛsɛ a kʋ jʋʋ nɩsʋʋnʋŋ deemba a leŋ dɩ ba bɩra kɛŋ mɩɩsɩŋ.”

ƐZƖKƖƐL 7:2

“Nuhuobiiŋ, wɩɩ-la mɩ-na ma TƖƖNA Wɩɩjarɩbakɔ sɩ bʋlaa tɩgɛ Iziral tɩŋŋaa tinteeŋ lɛ nɛ ŋ-la: Ma tinteeŋ kala cheyiŋ dɩdɛrɩŋ kɔ nɛ.

DANƖƐL 11:4

Ʋ ŋɩɩ harɩŋ ʋ kuoruŋ jaŋ tel dɩ ba kaa kpaa dʋnɩa sɛsɩŋ banɛsɛ-la. Ʋ doho nʋʋ bɩra bɩ jaŋ dii kuoruŋ ʋ nyuŋ lɛ koo a kɛŋ ʋ dol-la ŋaa wɩɩ, bɛɛ wɩaa ba jaŋ laa ʋ kuoruŋ a pɩ nɩwogusuŋ.

DANƖƐL 7:2

Danɩɛl sɩ, “Mɩ duosoo tʋɔŋ tɩtaŋ-la, mɩ na pel-duoŋ sɩ lɩɩ wɩa-nyuŋ kʋ tuu dʋnɩa loŋgorunuŋ banɛsɛ kala a kɛŋ mʋgʋ-balɩŋ vuugi.

DANƖƐL 8:8

Gbuŋgbogo-la bɩrɩmɛ geriwoŋŋu, arɩ ʋ doluŋ sɩ yʋga ma kala, ama ba ha yɩ ʋ ma nyil-duo-la bori nɛ. Ka nyil-duoruŋ banɛsɛ mɩɩra nyʋ nyile-la leriŋ. Ba kʋŋkala chaasɛ dʋnɩa loŋgorunu-la banɛsɛ dɔŋɔ.

JONA 1:4

Ŋɩɩ nɛ La TƖƖNA leŋ pel-bal lu mʋgʋ-bal-la lɛ. Lɩɩ-pel-bal sii a chɩchɛ dɩ ʋ yɛrɛ lɩɩŋ daboro-la.

ZƐKARƖYA 6:1

Mɩ bɩra beŋ, a na laalɩŋ janɩŋ torukoba banɛsɛ dɩ ba lɩɩ kɔlɩɩŋ peelee balɩa pɛgɛ a kʋkɔ.

ZƐKARƖYA 6:5

Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ.

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Maak 13:27

Ŋɩɩ lɛ nɛ mɩ jaŋ tɩŋ Wɩa tɩndaaraa dɩ ba mʋ dʋnɩa sɛmɛ na-kala a kɛŋ nɩalɩŋ kala Wɩa sɩ lɩɩsa dɩ baa tou a hilimi.

Jɔɔŋ Wʋnaalaa 20:8

Ʋ jaŋ kʋ lɩɩ a nyɩsɛ dʋnɩa nɩaa sɩ hɛ tinteeŋ sɛmɛ-na kala lɛ dɩ ba kʋ hɛ dɔŋɔ a yuo laalɩŋ. Gɔg arɩ Magɔg nɩaa nɛ ŋɩɩ. Ba yʋga nɛ woruŋ a nagɛ mʋgʋ-balɩŋ niiŋ hagɩlɩ-bumbugulo.

Jɔɔŋ Wʋnaalaa 6:6

Ŋɩɩ nɛ mɩ nɩɩ yikoro sɩ nagɛ nʋʋ yikoro. Yikoro-la lɩɩ kɩalɩŋ banɛsɛ-la sɩ weye tʋɔŋ nɛ. Ŋɩɩ nɛ tɩɩna bʋl, “Ba jaŋ yallɛ folii-mɩaa gbaŋa kʋbala, a yi chɛ-bala tɩntɩnna sɩ yie laa ʋ time magɛ ŋɩɩ, ka dɩ mɩaa gbansɩŋ batori ma yi chɛ-bala tɩntɩnna time. Ama sɩ́ olif tɩɩsɩŋ arɩ girep tɩɩsɩŋ chei.”

Jɔɔŋ Wʋnaalaa 7:3

Ŋɩɩ nɛ ʋ bʋla pɩ Wɩa tɩndaaraa banɛsɛ-la, “Má sɩ́ tinteeŋ koo mʋgʋ-balɩŋ koo tɩɩsɩŋ chei, see dɩ la magɩlɛ la Wɩa tɩntɩnnaa ba tilliŋ lɛ.”

Jɔɔŋ Wʋnaalaa 8:7

Wɩa tɩndaarɩ-bumbuŋ ŋmʋʋ ʋ nyile. Ŋɩɩ nɛ duoŋ-tabɩaa arɩ nyiniŋ guoli chalɩŋ lɛ kʋ tuu tel tinteeŋ. Ŋɩɩ nɛ tinteeŋ, dɩ ŋ nɛ kaa kpaa batori, sɛmpɛɛŋ dɔŋɔ tɩɩsɩŋ arɩ yasɩŋ kala dii nyiniŋ.

Jɔɔŋ Wʋnaalaa 9:14

Ŋɩɩ nɛ yikoro-la bʋla pɩ Wɩa tɩndaarɩ-dʋ-la sɩ kori nyile-la, “Puri Wɩa tɩndaaraa banɛsɛ-la ba sɩ vɔbɔ Yufireti fuo-la lɛ a ta.”

Jɔɔŋ Wʋnaalaa 9:4

Wɩa bʋla pɩba dɩ ba sɩ́ yaŋ dii koo tɩɩsɩŋ koo kɩalɩŋ sɩ nyʋ tinteeŋ lɛ, ama dɩ ba dɔgɩsɛ nɩalɩŋ sɩ́ bɩ Wɩa magɩlɩŋ kɛnɛ ba tilliŋ lɛ.