Jɔɔŋ Wʋnaalaa 6:9 - WƖA TENIŊ

⁹ Pie-bie-la sɩ kɛŋ kelli-la ba sɩ kaa mɛrɛ teŋ-la nɔŋ tɩɩna kaa lɛrɛ, ŋɩɩ nɛ mɩ bee na nɩalɩŋ ba sɩ kpʋa dɩnsɩŋ dɩ ba hɛ Wɩɩsʋllɩ koruŋ bʋbʋɔŋ. Nɩalɩŋ ba sɩ kpʋa faa bʋl Wɩa wɩaa nɛ a fa ŋaa La Tɩɩna Kirisito pɛ-naaraa ma, ŋɩɩ nɛ tɩɩ ba kpʋba.

Jɔɔŋ Wʋnaalaa 6:9 ပူးပေါင်းရင်းမြစ်များ

WƖAA DƖ-SUOMUŊ 4:10

Ŋɩɩ nɛ La TƖƖNA pɩɛsɛ, “Bɛɛ nɛ ŋ ŋaa ŋ-la? Jegili, ŋ ŋaana chalɩŋ nɛ pɩŋ tinteeŋ a bunsoo pɩmɛ.

MOSIS KƐŊ IZIRAL TƖŊŊAA LƖƖ 29:12

Ŋaa nɛŋ-la chalɩŋ a kɛŋ ŋ neniiŋ tagɛ a hɛ koru-la nyilliŋ lɛ aŋ joŋ kʋkaanɩŋ bɩsa ta koru-la bʋbʋɔŋ.

LEVI DOHO NƖAA 4:7

Wɩɩsʋllɩ sɩpaalaaraa kʋhɩaŋ jaŋ ŋaa nɛ-bele-la chal-la taa Wɩɩsʋlʋŋ koru-la lɛ ba sɩɩ nyɩgɛ kʋsʋɔrʋsʋŋ pɩpɩmɛ nyilliŋ. Ʋ nɛ chɩŋ lɛbɩ-la lɛ mɩ-na ma TƖƖNA sɩ yie kɔ Iziral tɩŋŋaa teeŋ tʋɔŋ ŋɩɩ, aŋ kɛŋ chal-kaaŋ-la a lɩɩ bɩsa ta Wɩɩsʋlʋŋ koru-la lɛ ba sɩ nyɩgɛ kɩaa pɩpɩmɛ bʋbʋɔŋ. Ʋ nɛ chɩŋ lɛbɩ-la lɛ mɩ sɩ yie kɔ Iziral tɩŋŋaa teeŋ boiŋ niiŋ ŋɩɩ.

Jɔɔŋ 16:2

Ba jaŋ kirima ta Wɩɩchʋɔlɛ dɩɩsɩŋ lɛ. Bʋa dɔŋ jaŋ yi dɩ nɩaa kpʋma aŋ bɩɩnɛ baa to Wɩa wombiiŋ nɛ ŋɩɩ.

2 Kɔrɩntɩ Nɩaa 5:8

La nyuŋ nyaasa nɛ, la saa cho dɩ la lɩɩ dʋnɩa deeŋ lɛ a mʋ La Tɩɩna Yesu teeŋ.

Fɩlɩpa Nɩaa 1:23

Mɩ hɛ wɩaa deemba balɩa pɛgɛ nɛ. Mɩ fa cho nɛ woruŋ dɩ mɩ lɩɩ dʋnɩa deeŋ lɛ a mʋ Kirisito teeŋ. Ʋ nɛ kpɩa mɩ sɩ jaŋ hɛ dʋnɩa deeŋ lɛ.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

2 Timoti 1:8

Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.

2 Timoti 4:6

Bʋa-la lɛ Wɩa sɩ jaŋ laa mɩ mɩɩsɩŋ yie nɛ.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 14:18

Ŋɩɩ nɛ Wɩa tɩndaara dɔŋɔ ma lɩɩ Wɩa dɩɩ-bal-la koru-la sɛmɛ a kʋ lɩɩ. Ʋ nɛ ŋaa Wɩa tɩndaarʋ-la sɩ kɛŋ nyiniŋ doluŋ. Ŋɩɩ nɛ ʋ yɩrɛ nɩɩ-la sɩ kori sɩɩkɔrɔ-la arɩ yikori-balɩŋ a bʋl, “Kɛŋ ŋ sɩɩkɔrɔ-la a kaa keri tɩa-la ba sɩɩ yɩrɛ girep jagɩsɩŋ, bɛɛ wɩaa ʋ nɛnɛɛ bɩa nɛ.”

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 8:3

Wɩa tɩndaara dɔŋɔ ma kʋ chɩŋ Wɩɩsʋlʋŋ koruŋ sɛmɛ a kori sɛlɩmɛ kʋ-la lɛ ba sɩ yie joŋ kʋsʋɔrʋsʋŋ hɛ, a nyɩga pɩ Wɩa. Ŋɩɩ nɛ ba pʋ kʋsʋɔrʋ-zɔŋŋɔɔ yʋgɛ, dɩ ʋ nyɩga pɩ Wɩa a pɛ Wɩa nɩaa Wɩɩ-chʋɔlʋŋ lɛ. Ʋ jaŋ nyɩgɛba sɛlɩmɛ koru-la nyuŋ, kʋ-la sɩ chɩŋ kuoru kpasa-la sɩpaaŋ.

Jɔɔŋ Wʋnaalaa 9:13

Ŋɩɩ nɛ Wɩa tɩndaarɩ-dʋ-la ŋmʋʋ ʋ nyile. Ʋ sɩ ŋmʋʋ ŋɩɩ, mɩ nɩɩ nʋʋ yikoro dɩ ʋ lɩɩ sɛlɩmɛ koru-la sɩ chɩŋ Wɩa sɩpaaŋ gʋnaa banɛsɛ lɛ.