Jɔɔŋ Wʋnaalaa 6:8 - WƖA TENIŊ

⁸ Ŋɩɩ nɛ mɩ beŋ a na jaaba dɩ nʋʋ hɔŋ ʋ nyuŋ. Jɔɔ-la fa ŋaa kʋbʋgʋ nɛ. Nɩɩ-la sɩ hɔŋ ʋ nyuŋ yɩrɩŋ nɛ sʋʋŋ, ka lɛlɛɛ-jaŋ tuto ʋ harɩŋ. Ŋɩɩ nɛ Wɩa pɩba doluŋ dɩ ba kpʋ nuhuobiinee kala sɩ hɛ dʋnɩa sɛsɩ-la banɛsɛ dɔŋɔ. Ba jaŋ kɛŋ tokobii-la a kpʋ dɔnsʋŋ, dɩ losuŋ ma kpʋ dɔnsʋŋ, ka dɩ nyanyalaa arɩ baga kɩaa ma kpʋ dɔnsʋŋ.

Jɔɔŋ Wʋnaalaa 6:8 ပူးပေါင်းရင်းမြစ်များ

NAMAGABA 5:5

Dɩ ŋ nɛ to ʋ harɩŋ, ŋ jaŋ sʋʋ, ʋ jaŋ kɛnɩŋ mʋ lɛlɛɛ-jaŋ.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 24:10

Mɩ jaŋ joŋ laalɩŋ, losuŋ arɩ nyanyalɩɩ a hɛ ba lɛ, a cheiba ŋɩɩ halɩɩ dɩ ba dɛrɛ tintee-la mɩ sɩ joŋo pɩ ba dɩ ba naabalɩmaba lɛ.”

JƐRƖMAAYA 29:17

Wʋtɩtɩɩ, wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ joŋ laalɩŋ, losuŋ arɩ nyanyalɩɩ a hɛ nɩaa deemba lɛ, aŋ leŋ dɩ ba nagɛ tutogi-nambɩlaa sɩ cheye, a lɔrɛ a bɩ ba dii kɛnɛ.

JƐRƖMAAYA 43:11

Ʋ jaŋ kʋ yuo Ijipiti tɩŋŋaa, a leŋ dɩ nɩalɩŋ sɩ maga dɩ ba sʋʋ, sʋʋ, a leŋ dɩ nɩalɩŋ sɩ maga dɩ ba ŋaa yosi ma ŋaa yosi, a leŋ dɩ nɩalɩŋ ma sɩ maga dɩ ba sʋʋ laalɩŋ lɛ sʋʋ laalɩŋ lɛ.

ƐZƖKƖƐL 29:5

Mɩ jaŋ joŋ ŋ dɩ chenfile-la kala ta tintee-hɩlɩŋ lɛ. Ma jaŋ pɩŋ pɔkɔŋ nyuŋ, nʋʋkala bɩ jaŋ paama. Mɩ jaŋ jomma pɩ baga kɩaa arɩ zaaraa dɩ ba dii.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

HABAKU 2:5

Dʋa ka nyɩsɛ nɩaa nɛ. Tʋɔ-luŋ tɩŋŋaa ka dagɛ ba tɩtɩa nɛ, a bɩ wiese ka na. Ba nagɛ sʋʋŋ sɩɩ kpʋ nɩaa a bɩ vɔgɛ nɛ. Kʋŋkala bɩ baa vɔgɛ. Ŋɩɩ nɛ tɩɩ ba yuo dii tinteyee nɩaa kala a kɛsɛba.

ZƐKARƖYA 6:3

tori kʋa ma janɩŋ ŋaa kʋpʋlʋŋ, nɛsɛ kʋa janɩŋ ma ŋaa kʋŋmʋŋmʋnaa. Ba kala ŋaa ja-duoru nɛ.

Matiu 11:23

Ma-na Kapɛnam tɩŋŋaa, ma nɛ paala chɩchɛ dɩ ma kɛŋ ma tɩtɩa a kaa jɩl Wɩa-jaŋ. Wɩa jaŋ jomma yuo ta dɩ ma tuu jʋʋ ʋ nyiniŋ. Wʋmagɩlaa deemba kala mɩ sɩ ŋaa ma teeŋ, dɩ mɩ nɛ fa ŋaaba Sodom lɛ, ba fa ha jaŋ hɛ nɩmɛ a kaa kʋkɔ jɩnɩŋ.

Matiu 24:7

Tinteeŋ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Losuŋ ma jaŋ jʋʋ. Tinteeŋ jaŋ zigili leree yʋgɛ.

1 Kɔrɩntɩ Nɩaa 15:55

Sʋʋŋ, ŋ doluŋ hɛ nɩɩ? Sʋʋŋ, nɩɩ nɛ ŋ huoŋ hɛ dɩ ŋ wuo jʋʋ nɩaa lɛ dɩ ba na hɛɛŋ?”

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 12:4

Ʋ kɛŋ ʋ bʋbʋɔ-doho gbaa chɛnwʋlaa, dɩ ŋ nɛ kaa kpaa leree batori sɛmɛ dɔŋɔ kʋ tuu tel tinteeŋ. Aŋ ka dɩŋ-la mʋ chɩŋ haal-la fa sɩɩ walɩmɛ dɩ ʋ lʋl sɩpaaŋ a gbɛrɛ, dɩ haal-la nɛ lʋla, dɩ ʋ guu joŋ bile liŋ.

Jɔɔŋ Wʋnaalaa 9:15

Ŋɩɩ nɛ ba puri Wɩa tɩndaara-la. Wɩa fa vɔbɔ a bil a gbɛrɛ tapʋlɩɩ-la arɩ chɛnɛ-la arɩ jɩna-la ʋ fa sɩɩ chɛ ʋ kpʋ dʋnɩa nɩaa, ba sɩ kaa kpaa butori sɛmɛ dɔŋɔ nɛ.

Jɔɔŋ Wʋnaalaa 9:18

Kɩaa deemba batori nɛ Wɩa leŋ ba kʋ kpʋ dʋnɩa nɩaa, dɩ ŋ nɛ kaa kpaa butori sɛmɛ dɔŋɔ: Nyiniŋ, nyʋɔsʋŋ arɩ jiribiiŋ-la sɩɩ lɩɩ janɩ-la niiriŋ lɛ.