Jɔɔŋ Wʋnaalaa 6:4 - WƖA TENIŊ

⁴ Ŋɩɩ nɛ mɩ bee a na jaaba dɔŋɔ dɩ ʋ kʋ lɩɩ. Jɔɔ-la ŋaa ja-fɩaŋ nɛ a faasa fɩɛsɛ, ka nʋʋ hɔŋ ʋ nyuŋ. Ŋɩɩ nɛ ba pɩ tɩɩna wombiiŋ dɩ ʋ kɛŋ yuosuŋ kaa kɔ dʋnɩa, dɩ nɩaa yuyuo dɔŋɔ a kpʋkpʋ dɔŋɔ. Ba joŋ tokobii-bal nɛ a hɛ ʋ nɩsɩŋ lɛ.

Jɔɔŋ Wʋnaalaa 6:4 ပူးပေါင်းရင်းမြစ်များ

WƖA YƖƖLAA 17:13

La Tɩɩna, sii chemba, a yuo diiba. Joŋ ŋ tokobiiŋ a yuo laamɛ ta nɩbɔŋŋɔɔ deemba nɩsɩŋ lɛ.

DANƖƐL 5:19

Ʋ sɩ leŋe ʋ dɩchɩnɩŋ yuŋ ŋɩɩ, nɩaa kala, tinteyee nɩaa arɩ yikoro na-kala nɩaa fɩfáʋ. Nɩalɩŋ kuoro sɩ cho dɩ ʋ kpʋ, ʋ kpʋba nɛ. Nɩalɩŋ ma ʋ sɩ bɩ cho dɩ ʋ kpʋa, ʋ lemba nɛ. Nɩalɩŋ ʋ sɩ cho dɩ ʋ leŋ ba dɩchɩnɩŋ yuŋ, ʋ leŋe ba dɩchɩnɩŋ yʋgɛ nɛ. Nɩalɩŋ ma ʋ sɩ cho dɩ ʋ kɛmba muuri, ʋ kaa muuri nɛ.

ZƐKARƖYA 1:8

Tɩtaŋɩŋ mɩ na wɩaa a nagɛ duosoo tʋɔŋ. Mɩ na baala sɩ jɩl ja-fɩaŋ. Ʋ fa chɩŋ chɛyɛɛ tʋɔŋ nɛ fuonaa-luŋii kʋbala lɛ, ka ja-fɩaŋ, ja-bʋgʋŋ arɩ ja-pʋla hɛ ʋ harɩŋ.

ZƐKARƖYA 6:2

Laalɩŋ janɩŋ toruko bumbuŋ janɩŋ ŋaa kʋfɩɛsɩŋ nɛ, lɩa kʋa ma janɩŋ ŋaa kʋbisi,

Matiu 10:34

Ma fa bɩɩna mɩ kɔ dʋnɩa dɩ nɩaa sɩŋ nɛɛ? Aɩ, yuosuŋ nɛ mɩ kaa kɔ.

Matiu 24:6

Ma jaŋ nɩɩ arɩ laalɩŋ hɛ daha a hɛ dɩ-bolii. Dɩ ma nɛ kʋ nɩɩ ŋɩɩ, má sɩ́ leŋe dɩ ma bɔyɛ joŋ. Wɩaa deemba kala jaŋ ŋaa bal, ama dʋnɩa dɩdɛrɩŋ ha dee ŋɩɩ.

Jɔɔŋ 19:11

Ŋɩɩ nɛ Yesu bʋla pʋ, “Dɩ Wɩa nɛ fa bɩŋ doluŋ pa, ŋ fa bɩ jaŋ kɛŋ dol kala mɩ lɛ. Ama nɩɩ-la sɩ jommi hɛ ŋ nɩsɩŋ lɛ nɛ kɛŋ cheeriŋ a kɩɩŋ, ʋ wʋbɔmʋŋ nɛ bɩ magɩa kɛnɛ.”

Jɔɔŋ Wʋnaalaa 12:3

Ŋɩɩ nɛ kʋkpuŋkpere dɔŋɔ ma kʋ lɩɩ wɩa-nyuŋ. Kʋkpuŋkpere deeŋ fa nagɛ dɩmɩŋ sɩ yʋga kieli nɛ a kala fɩɛsɛ a nagɛ chalɩŋ. Dɩŋ-la fa kɛŋ nyusuŋ balɩpɛ nɛ arɩ nyilliŋ fii, a chu kuori nyunchuuluŋ balɩpɛ.

Jɔɔŋ Wʋnaalaa 13:10

Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 17:3

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaara jommi kaa jʋʋ tintee-hɩlɩŋ tʋɔŋ. Nɩmɛ nɛ mɩ na haal kʋbala dɩ ʋ hɔŋ baga kʋfɩaŋ kʋbala nyuŋ. Ba fa ŋmʋnsɛ yɩraa sɩɩ tʋʋsɛ Wɩa joŋoo nɛ a hɛ baga kʋ-la yaraa kala lɛ. Ʋ fa kɛŋ nyusuŋ balɩpɛ nɛ, ʋ nyilliŋ ma ŋaa fii.

Jɔɔŋ Wʋnaalaa 17:6

Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.