14 Ŋɩɩ nɛ wɩa-nyuŋ kala chuolo kʋ hɛ dɔŋɔ a nagɛ ba sɩ chuoli bɔsɔ ŋɩɩ. Peel-na kala arɩ lee-na kala lɩɩŋ sɩ gollo chu, ba kala sii ba leree.
Ba jaŋ lɛl, ama ŋ-na jaŋ hɛ nɩmɛ, ba kala jaŋ kɔsɛ a nagɛ gɛnnɩŋ sɩɩ kɔsɛ ŋɩɩ. Ba jaŋ bɩrɩmɛ a nagɛ gɛrɩ-zɔmʋŋ sɩ lɩa, ba jaŋ jomba yuo ta.
Wɩɩpɔsʋŋ arɩ chɛnɛ arɩ chɛnwʋlaa kala jaŋ nyɩɩgɛ wɩa-nyuŋ. Wɩa-nyuŋ kala jaŋ kʋʋra kʋ hɛ dɔŋɔ lɛ a nagɛ ba sɩ kɛŋ teniŋ a chuoli. Chɛnwʋlaa ma jaŋ tuu titel a nagɛ bɩmbaaga pɩpaarɩŋ sɩ hɩla a yuyuori koo tutogo nɛnɛɛ sɩ yuoro.
Dɩ peelee nɛ jaŋ wuo jigisi, dɩ dundolluŋ churi ma, ama chono-la mɩ sɩ kɛnɛ arɩŋ na bɩ jaŋ kɔ dɩ ʋ jigise. Nii-la ma mɩ sɩ hɛ pɩŋ arɩ ŋ jaŋ kɛŋ fɩɛlɩŋ bɩ jaŋ birigi. Mɩ-na Nɩɩ-la sɩɩ fá ŋ nisusuŋ nɛ bʋla.
Goŋ-la kala la sɩɩ ŋaa dundolluŋ nyuŋ arɩ peelee nyuŋ a kpʋkpaarɛ vʋɩyaa, laa nyɩsɛ la tɩtɩa nɛ. La TƖƖNA Wɩa dʋndʋŋa nɛ jaŋ wuo laa Iziral ta.
Mɩ chɩŋ ŋ-na Babɩlɔŋ lɛ nɛ, ŋ nagɛ peeliŋ nɛ a chei nɩaa. Ŋ chei dʋnɩa kala nɛ. Mɩ jaŋ lɩɩsɛ nɩsɩŋ a liesiŋ, a bilimiŋ ta peel-la nyuŋ, a leŋ dɩ ŋ dii nyiniŋ.
Chenfilee, diibiisiŋ, bagɩlaa arɩ kɩalɩŋ kala sɩɩ vaamɛ tinteeŋ, a pɛ nuhuobiinee lɛ, ba kala jaŋ chichel mɩ sɩpaaŋ. Peelee jaŋ wuro chu dɩ bʋsʋŋ yɛrɛ dɩ jeyee ma kala tel.
Ʋ sɩpaaŋ, peelee yie jigisi nɛ, dundolluŋ ma yʋɔlɛ. Tinteeŋ yie zigili, dʋnɩa nɩaa chichel ʋ sɩpaaŋ.
Peelee naŋ nɛ, a chichel. Duonuŋ faasa nɩɩ, mʋgʋ-balaa huhuuri, lɩɩ-peliŋ sisii.
Dɩ ʋ nɛ chɩna, tinteeŋ yie zigili nɛ, dɩ ʋ nɛ beŋ tinteyee nɩaa, ba yie chichel nɛ. Peel-bɩnaa arɩ dundol-bɩnaa yie tel a yɛrɛ nɛ. Ʋ wombiee chɩna nɛ a kaa mʋ wuu.
Ama tapʋlɩɩ-la La Tɩɩna Yesu jaŋ sɩ kɔ, ʋ jaŋ nagɛ gaara sɩ kʋ dɩ nɩaa lɛ. Bʋa-la lɛ nʋʋkala jaŋ nɩɩ huuri-bal kʋbala wɩa-nyuŋ. Wɩa-nyuŋ jaŋ lɛl, ka kʋŋkala sɩ hɛ wɩa-nyuŋ ma jaŋ ŋmɩɛrɛ nyiniŋ tʋɔŋ a nyɩɩgɛ, ka dɩ tinteeŋ kʋŋkala ma dii nyiniŋ.
Ŋɩɩ nɛ tinteye-la lɩɩŋ sɩ gollo chu arɩ peelee kala lɛl.
Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.
Ŋɩɩ nɛ mɩ na Wɩa-jaŋ kʋfalɩɩ arɩ tintee-falɩɩ. Bumbuŋ Wɩa-jaŋ arɩ bumbuŋ tinteeŋ kala lɛlɛ nɛ. Mʋga kala tuo.