Jɔɔŋ Wʋnaalaa 6:12 - WƖA TENIŊ

¹² Pie-bie-la sɩ kɛŋ kelli-la ba sɩ kaa mɛrɛ teŋ-la dʋmʋŋ tɩɩna kaa lɛrɛ, mɩ bee na dɩ tinteeŋ faasa zigili. Ŋɩɩ nɛ wɩɩpɔsʋŋ kala biri lim a nagɛ chɛŋ-birimiŋ, chɛŋ-pʋla ma fɩɛsɛ a nagɛ chalɩŋ.

Jɔɔŋ Wʋnaalaa 6:12 ပူးပေါင်းရင်းမြစ်များ

AZAAYA 24:23

La TƖƖNA doluŋ kala Tɩɩna jaŋ bibeŋ peel-la ba sɩɩ yɩrɛ Zaayɔŋ nɩaa arɩ Jerusalɛm nɩaa kala. Ʋ jaŋ ŋmoo chɛnɛ pʋlʋmʋŋ arɩ wɩɩpɔsʋŋ pʋlʋmʋŋ a hɛ pɛgɛ lɛ, ka dɩ ʋ nɩhɩasɩŋ na ʋ tʋla.

AZAAYA 29:6

La TƖƖNA doluŋ kala Tɩɩna jaŋ guu kɔ, leriŋ jaŋ dʋdɔŋ, dɩ tinteeŋ zizigili, dɩ goŋ faasa ŋɩŋaa. Pel-duoŋ jaŋ lulu dɩ nyiŋgeliŋ sii a didii kɩaa.

AZAAYA 34:4

Wɩɩpɔsʋŋ arɩ chɛnɛ arɩ chɛnwʋlaa kala jaŋ nyɩɩgɛ wɩa-nyuŋ. Wɩa-nyuŋ kala jaŋ kʋʋra kʋ hɛ dɔŋɔ lɛ a nagɛ ba sɩ kɛŋ teniŋ a chuoli. Chɛnwʋlaa ma jaŋ tuu titel a nagɛ bɩmbaaga pɩpaarɩŋ sɩ hɩla a yuyuori koo tutogo nɛnɛɛ sɩ yuoro.

AZAAYA 50:3

Mɩ jaŋ wuo leŋ dɩ wɩa-nyuŋ biri a nagɛ tʋɔ-chei gɛrɩŋ ba sɩ yie laalɛ a yiyel yoho.”

JOWƐL 2:10

Dɩ ba nɩɩ kɔ, tinteeŋ yie zigili nɛ, wɩa-nyuŋ ma dʋdɔŋ, wɩɩpɔsʋŋ arɩ chɛnɛ ma yie biri, chɛnwʋlaa ma bɩra bɩ chaanɛ.

JOWƐL 3:15

Wɩɩpɔsʋŋ arɩ chɛnɛ jaŋ biri, dɩ chɛnwʋlaa ma sɩ́ chaanʋ.

AMƆS 1:1

Wɩalɩŋ Amɔs sɩ na arɩ duosoo tʋɔŋ a bʋla tɩgɛ Iziral lɛ nɛ ŋ-la. Amɔs fa ŋaa taŋ-la ba sɩɩ yɩrɛ Tɛkʋa pie-daaraa dɔŋɔ nɛ. Bʋa-la lɛ dɩ baal kʋbala baa yɩrɛ Uzia nɛ ŋaa Juda tinteeŋ kuoro, ka Jerobuam nanʋala Jehuas ma ŋaa Iziral tinteeŋ kuoro. Ʋ sɩ bʋl wɩalɩŋ, jɩsɩŋ balɩa nɛ bala ka tinteeŋ-na zigili.

AMƆS 8:9

La Tɩɩna Wɩɩjarɩbakɔ sɩ, “Tapʋlɩɩ-la, mɩ jaŋ leŋ dɩ wɩɩpɔsʋŋ jʋʋ, dɩ leriŋ kala biri lim wɩɩhɛyɛ.

ZƐKARƖYA 14:5

Ma jaŋ fá to lɩɩ-libe-la, bɛɛ wɩaa ʋ jaŋ kɛŋ ŋɩɩ mʋ yi lee-la ba sɩɩ yɩrɛ Azɛl. Ma jaŋ fá a nagɛ ma sɩ fá lɩɩ tinteeŋ sɩ zigile lɛ ŋɩɩ Juda kuoro Uzia kuoruŋ bʋa lɛ. Mɩ TƖƖNA Wɩa jaŋ kɔ, ʋ dɩ ʋ tɩndaaraa kala.

Matiu 11:21

“Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa, ma ma jaŋ na hɛɛŋ. Wʋmagɩla-la mɩ sɩ ŋaa ma teeŋ, dɩ mɩ nɛ fa ŋaaba Taaya arɩ Sɩdɔŋ nɩaa teeŋ, wɩa magɛ ŋ-la ba fa hɔnɔ tɛllɛ naasɩŋ a ŋaa tʋɔrʋŋ bʋgɛ ba tɩtɩa, a dɩdagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Matiu 24:29

Ŋɩɩ nɛ Yesu bɩra bʋla pɩba, “Tapʋlɩa-la hɛɛŋ deeŋ sɩ jaŋ dɛrɛ, ʋ bɩra bɩ jaŋ dieni dɩ taŋ nɛ pʋla ma, leriŋ jaŋ biri, chɛnɛ ma bɩra bɩ jaŋ pɔsɛ. Chɛnwʋlaa jaŋ lɩɩ wɩa-nyuŋ kʋ tuu titel. Ba jaŋ kiri wɩa-nyuŋ kɩalɩŋ kala sɩ kɛŋ doluŋ dɩ ba lɩɩ ba leree.

Matiu 24:7

Tinteeŋ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Losuŋ ma jaŋ jʋʋ. Tinteeŋ jaŋ zigili leree yʋgɛ.

Matiu 27:45

Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Matiu 28:2

Ba sɩ yi lee-la, leriŋ guu faasa zigili, Wɩa tɩndaara lɩɩ wɩa-nyuŋ kʋ tuu a bilimi tabɩɩ-la fa sɩ tɔ bʋa-la ta aŋ hɔŋ ʋ nyuŋ.

Maak 15:33

Wɩa sɩ kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 16:18

Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ ma faasa zigili. Dʋnɩa sɩ suomo kala, tinteeŋ ha bɩ ŋɩɩ zigile aŋ ka.

Jɔɔŋ Wʋnaalaa 16:8

Ŋɩɩ nɛ Wɩa tɩndaarɩ-nɛsɛ-la joŋ ʋ gbaŋa a bɩsa hɛ wɩɩpɔsʋŋ lɛ, a pʋ doluŋ ʋ faasa pɔsɛ a nyɩnyɩgɛ nɩaa a nagɛ nyiniŋ.

Jɔɔŋ Wʋnaalaa 8:12

Ŋɩɩ nɛ Wɩa tɩndaarɩ-nɛsɛ-la ma ŋmʋʋ ʋ nyile. Ʋ sɩ ŋmʋʋ ŋɩɩ, wɩɩpɔsʋŋ, dɩ ŋ nɛ kaa kpaa butori, sɛmɛ dɔŋɔ biri, chɛnɛ ma dɩ ŋ nɛ kaa kpaa butori, sɛmɛ dɔŋɔ biri, chɛnwʋlaa ma, dɩ ŋ nɛ kaa kpaa butori, sɛmɛ dɔŋɔ biri. Wɩɩhɛyɛ pʋlʋmʋŋ arɩ tɩtaŋɩŋ ma kpaa butori sɛmɛ dɔŋɔ biri.

Jɔɔŋ Wʋnaalaa 8:5

Ŋɩɩ nɛ Wɩa tɩndaarʋ-la joŋ sɛlɩmɛ kʋ-la a chaanɛ nyiniŋ Wɩɩsʋlʋŋ koru-la nyuŋ, a hɛ kʋ-la tʋɔŋ, a joŋo yuo ʋ kʋ tuu tinteeŋ. Ŋɩɩ nɛ duonuŋ kpɩkpɩa aŋ lɩlɩgɩsɛ, ka tinteeŋ zizigili.