Jɔɔŋ Wʋnaalaa 6:10 - WƖA TENIŊ

¹⁰ Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

Jɔɔŋ Wʋnaalaa 6:10 ပူးပေါင်းရင်းမြစ်များ

WƖAA DƖ-SUOMUŊ 4:10

Ŋɩɩ nɛ La TƖƖNA pɩɛsɛ, “Bɛɛ nɛ ŋ ŋaa ŋ-la? Jegili, ŋ ŋaana chalɩŋ nɛ pɩŋ tinteeŋ a bunsoo pɩmɛ.

WƖA YƖƖLAA 119:84

Ɛɛ nɛ ŋ chɛ dɩ mɩ-na ŋ tɩntɩnna gbɛrɛ a diene magɛ? Bʋa bɛɛ lɛ nɛ ŋ jaŋ dɔgɩsɛ nɩalɩŋ sɩ to naasɩŋ dʋdɔgɩsɛmɛ?

WƖA YƖƖLAA 13:1

Mɩ Tɩɩna, ɛɛ nɛ ŋ chɛ ŋ yʋ mɩ wɩaa a diene magɛ? Ɛɛ nɛ ŋ chɛ dɩ ŋ kɛŋ ŋ tɩtɩa faamɛ a diene magɛ?

WƖA YƖƖLAA 35:17

La Tɩɩna, ɛɛ nɛ ŋ jaŋ beŋ wɩɩŋ deeŋ a diene magɛ? Laamɛ ta ba nɩsɩŋ lɛ, laa mɩ mɩɩsɩŋ pɩmɛ naachigee deemba nɩsɩŋ lɛ.

WƖA YƖƖLAA 79:10

Bɛɛ nɛ tɩɩ tinteyee nɩaa jaŋ pɩɛsɛla, “Nɩɩ nɛ ma Wɩa hɛ?” Leŋ dɩ la na dɩ ŋ yuo dii tinteye-la nɩaa sɩ kpʋ nɩalɩŋ sɩ ŋaa ŋ tɩntɩnnaa.

WƖA YƖƖLAA 9:12

Nɩalɩŋ sɩ ŋaa wɩaa chei, ŋ jaŋ dɔgɩsɛba. Ŋ bɩ jaŋ yʋ, koo a vɩa dɩ ŋ jegile nɩɩ nɩalɩŋ sɩɩ na hɛɛŋ yele.

AZAAYA 61:2

Ʋ sɩ mɩ heeli arɩ jɩna-la ʋ-na La TƖƖNA sɩ jaŋ pɛ ʋ nɩaa lɛ arɩ tapʋlɩɩ-la ʋ-na Wɩa sɩ jaŋ joŋ ʋ baanɩŋ a fɩɩsɛ ʋ dʋndɔŋŋɔɔ lɛ yie nɛ, ʋ jaŋ nyagɛ nɩalɩŋ ma sɩɩ yel bɔyɛ.

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

DANƖƐL 12:6

Ba dɔŋɔ pɩɛsɛ baal-la fa sɩ laalɛ gɛrɩpɛ fʋfʋlʋŋ gɛrɩŋ a chugili fuo-la nyuŋ, “Ɛɛ nɛ ʋ jaŋ diene magɛ ka dɩ wʋkpuŋkperisiŋ deemba na ŋaa?”

DANƖƐL 8:13

Ŋɩɩ nɛ mɩ nɩɩ dɩ Wɩa tɩndaaraa ka bʋl wɩaa, dɔŋɔ pɩɛsɛ ʋ dɔŋɔ, “Ɛɛ nɛ wɩaa deemba mɩ sɩ na a nagɛ duosoo tʋɔŋ jaŋ diene magɛ aŋ na ŋaa? Ɛɛ nɛ wʋbɔŋ-la sɩ leŋe ba bɩra bɩ pʋsʋŋ kpʋ ŋaa Wɩɩsʋlʋŋ tapʋlɩɩ kala jaŋ ŋaa a diene magɛ? Ɛɛ nɛ ba jaŋ ŋaa disiniŋ hɛ Wɩa dɩɩ-balɩŋ lɛ aŋ nʋɔsɛ Wɩa nɩaa a diene magɛ?”

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

Luuk 2:29

“Mɩ Tɩɩna Wɩɩjarɩbakɔ, leŋ dɩ wɩalɩŋ ŋ sɩ bʋla pɩmɛ sɛnɛ kʋ ŋaa. Leŋ dɩ mɩ-na ŋ tɩntɩnna na wombiiŋ a sʋʋ arɩ yarɩfɩɛlaa.

Luuk 21:22

Tapʋlɩɩ-la Wɩa jaŋ dɔgɩsɛ Iziral nɩaa, a leŋ dɩ wɩalɩŋ kala ba sɩ bʋla Wɩa teniŋ tʋɔŋ sɛnɛ kʋ ŋaa.

Rom Tɩŋŋaa 12:19

Mɩ nandɔsɛ, dɩ nɩaa nɛ ŋaa wʋbɔŋŋɔɔ ma lɛ, má sɩ́ ba chɩmɩŋ tiŋ. Má leŋ dɩ Wɩa nɛ na baanɩŋ ba nyuŋ, a tiŋ ba chɩmɩŋ. Ba ŋmʋnsɛ ŋɩɩ Wɩa teniŋ tʋɔŋ arɩ Wɩa sɩ, “Mɩ jaŋ laa yuo pɩma, a tiŋ ma chɩmɩŋ.”

Hiburu TƖŊŊAA 12:24

Ma kɔ Yesu ma teeŋ nɛ. Ʋ nɛ hɛ Wɩa arɩ nuhuobiine pɛgɛ. Wɩa to ʋ lɛ nɛ a bil nii-falɩŋ ʋ dɩ nuhuobiinee pɛgɛ. Ʋ chalɩŋ jaasɛ nʋʋkala wɩaa nɛ. Ʋ chal-la-na faasa tɩŋ nɛ a pɛ la lɛ. Ʋ bɩ Ebil chalɩŋ naga. Ebil chalɩŋ-na fa joŋ cheeriŋ pɩ nɩɩ-la sɩ kpʋʋ nɛ.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 18:24

Babɩlɔŋ lɛ nɛ ba kpʋ Wɩa wʋlaabʋllaa, arɩ Wɩa nɩaa, arɩ nɩalɩŋ kala bɩ sɩ kpʋa dʋnɩa lɛ.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.

SƖPAALAARAA 16:28

Ŋɩɩ nɛ Samɩsɩŋ sʋl La TƖƖNA a bʋl, “Ou, mɩ TƖƖNA Wɩɩjarɩbakɔ, liisi mɩ wɩaa. Wɩa, mɩɩ sʋlʋŋ, bɩra pɩmɛ doluŋ bala dɩ mɩ wuo ŋmoo Fɩlɩsɩtɩa tɩŋŋaa deemba bɩra, a tiŋ mɩ sɩaa chɩmɩŋ.”

1 SAMƲƐL 24:12

La TƖƖNA nɛ jaŋ dii mɩ dɩŋ pɛgɛ sarɩya. Wʋbɔmɔ-la ŋ sɩ ŋaa mɩ lɛ, La TƖƖNA nɛ jaŋ joŋ ba chɩmɩŋ timiŋ. Ama mɩ-na bɩ jaŋ joŋ mɩ nɩsɩŋ digiŋ.