Jɔɔŋ Wʋnaalaa 5:9 - WƖA TENIŊ

⁹ Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.

Jɔɔŋ Wʋnaalaa 5:9 ပူးပေါင်းရင်းမြစ်များ

WƖA YƖƖLAA 144:9

Mɩ Wɩa, mɩ jaŋ yɩɩ yɩɩl-falɩŋ a dɛnnɩŋ. Mɩ jaŋ du cheŋ a yɩɩ yɩɩlɩŋ hɛ a pɩŋ.

WƖA YƖƖLAA 149:1

Má dɛnnɛ La Tɩɩna. Má yɩɩ yɩɩl-falɩŋ a dɛnnɛ La Tɩɩna. Má dɛnnʋ dɩ ʋ nɩaa nɛ kʋ hilimi.

WƖA YƖƖLAA 33:3

Má yɩɩ yɩɩl-falɩŋ pʋ, a du kɩaa woruŋ a ŋaa goŋ arɩ tʋɔtɔrʋŋ.

WƖA YƖƖLAA 40:3

Ʋ dagɛmɛ yɩɩl-falɩŋ nɛ mɩ sɩ jaŋ yɩɩ a dɛnnʋ. Nɩ-daŋ jaŋ na a fá Wɩa, a laa La Tɩɩna dii.

WƖA YƖƖLAA 96:1

Má yɩɩ yɩɩl-falɩŋ a pɩ La TƖƖNA, dʋnɩa nɩaa arɩ kʋŋkala, má yɩɩ yɩɩlaa a dɛnnɛ La Tɩɩna.

WƖA YƖƖLAA 98:1

Má yɩɩ yɩɩl-falɩŋ pɩ La Tɩɩna, bɛɛ wɩaa ʋ ŋaa wʋkpuŋkperisiŋ nɛ. Ʋ naduo-la sɩ bɩ disiniŋ kɛnɛ nɛ ʋ kaa yuo dii ʋ dʋndɔŋŋɔɔ.

AZAAYA 42:10

Ma nɩalɩŋ kala sɩ hɛ tinteeŋ lɛ, má yɩɩ yɩɩl-falɩŋ a dɛnnɛ La TƖƖNA. Ma nɩalɩŋ kala sɩɩ duori lɩɩŋ arɩ kɩalɩŋ kala sɩ hɛ lɩɩŋ tʋɔŋ, arɩ tinteye-la lɩɩŋ sɩ gollo chu nɩaa, má dɛnnʋ.

DANƖƐL 3:4

Ŋɩɩ nɛ nɩɩ-la sɩɩ heelu faasa heeli a bʋl, “Nʋʋkala, tinteyee nɩaa arɩ yikoro na-kala nɩaa, wɩɩ-la ba sɩ sɩ dɩ ma ŋaa nɛ ŋ-la:

DANƖƐL 4:1

Kuoro Nebukadineza tɩŋ tɩndaarɩŋ a pɩ nɩaa kala, tinteyee nɩaa arɩ yikori doho na-kala nɩaa sɩ hɛ dʋnɩa lɛ a bʋl, “Wɩa jaŋ leŋ dɩ ma na ma wʋchɛɛlɛɛ kala.

DANƖƐL 5:19

Ʋ sɩ leŋe ʋ dɩchɩnɩŋ yuŋ ŋɩɩ, nɩaa kala, tinteyee nɩaa arɩ yikoro na-kala nɩaa fɩfáʋ. Nɩalɩŋ kuoro sɩ cho dɩ ʋ kpʋ, ʋ kpʋba nɛ. Nɩalɩŋ ma ʋ sɩ bɩ cho dɩ ʋ kpʋa, ʋ lemba nɛ. Nɩalɩŋ ʋ sɩ cho dɩ ʋ leŋ ba dɩchɩnɩŋ yuŋ, ʋ leŋe ba dɩchɩnɩŋ yʋgɛ nɛ. Nɩalɩŋ ma ʋ sɩ cho dɩ ʋ kɛmba muuri, ʋ kaa muuri nɛ.

DANƖƐL 6:25

Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la: Wɩa jaŋ leŋ dɩ ma na ma wʋchɛɛlɛɛ kala.

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Matiu 26:28

bɛɛ wɩaa mɩ chalɩŋ nɛ ŋɩɩ. Chalɩŋ deeŋ nɛ Wɩa joŋo hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

1 Kɔrɩntɩ Nɩaa 6:20

Wɩa joŋ ʋ chalɩŋ nɛ yɔɔma. Ŋɩɩ wɩaa, má kɛŋ ma yaraa tɩŋ tɩntɩmɩɩ-la sɩɩ tɔrɛ Wɩa tʋɔŋ.

1 Kɔrɩntɩ Nɩaa 7:23

Kirisito nɛ joŋ ʋ chalɩŋ yɔɔma. Ŋɩɩ wɩaa, má sɩ́ nuhuobiinee yosuŋ ŋaa.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 5:19

Dɩ ma nɛ kʋ hilimi a bʋl Wɩa wɩaa pɩpɩ dɔŋɔ, má yɩyɩɩ Wɩa yɩɩlaa a dɩdɛnnɛ Wɩa, a yɩɩ yɩɩla-la dɔnsʋŋ ma sɩɩ dagɛ Kirisito wɩaa. Má yɩɩ Wɩa yɩɩlaa a dɩdɛnnɛ La Tɩɩna Kirisito arɩ ma tʋɔŋ kala.

Koloosi Nɩaa 1:14

Ʋ nɛ Wɩa joŋo tiŋ la wʋbɔŋŋɔɔ chɩmɩŋ, a joŋ la wʋbɔŋŋɔɔ chɛla.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 11:14

Nɩaa deemba faa chɛ ba tɩtɩa tinteeŋ nɛ dɩ ba hɔŋ. Ŋɩɩ nɛ tɩɩ ba bʋl wɩaa deemba a mʋ tɩgɛ ba tɩtɩa lɛ ŋɩɩ.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

Jɔɔŋ Wʋnaalaa 10:11

Ŋɩɩ nɛ ba bʋla pɩmɛ, “Ŋ jaŋ bɩra bʋl wɩaa, Wɩa Dɩŋ-zɔmʋŋ doluŋ lɛ a tɩgɛ nɩ-daŋ, tintee daŋ yikori daŋ arɩ kuori daŋ lɛ.”

Jɔɔŋ Wʋnaalaa 11:9

Nɩaa sɩ lɩɩ doho kala, a bʋbʋl yikori doho kala a lɩɩ tintee kala jaŋ beŋ ba kʋsʋʋnʋŋ tapʋlaa batori arɩ kpaa magɛ dɔŋɔ. Ba bɩ jaŋ sɛɩ dɩ ba paaba hugi.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 14:6

Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

Jɔɔŋ Wʋnaalaa 17:15

Ŋɩɩ nɛ Wɩa tɩndaarʋ-la bɩra bʋla pɩmɛ, “Lɩɩrɩ-la ŋ fa sɩ na lee-la hachɔrʋŋ-la fa sɩ hɔnɔ ŋaa nuhuobiinee nɛ, a yʋgɛ woruŋ, a lɩɩ tintee kala aa bʋl yikoro kala.

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.