Jɔɔŋ Wʋnaalaa 5:8 - WƖA TENIŊ

⁸ Ʋ sɩ laa teŋ-la, kɩalɩŋ banɛsɛ-la sɩ weye arɩ nɩhɩasɩŋ mara arɩ banɛsɛ-la, ba kala tuu kpirimi Pie-bie-la sɩpaaŋ a chʋɔlʋ. Nɩhɩasɩ-la kala kori chenniŋ arɩ sɛlɩmɛ gbansɩŋ. Gbansɩ-la su arɩ kʋsʋɔrʋsʋ-la ba sɩ nyɩga pɩ Wɩa. Wɩa nɩaa Wɩɩ-chʋɔlʋŋ nɛ ŋaa kʋsʋɔrʋsʋ-la.

Jɔɔŋ Wʋnaalaa 5:8 ပူးပေါင်းရင်းမြစ်များ

WƖA YƖƖLAA 141:2

Leŋ dɩ mɩ Wɩɩsʋlʋŋ nagɛ kʋsʋɔrʋsʋŋ sʋara sɩ sɩma, leŋ dɩ mɩ nɩsaa mɩ sɩ kaa je ŋ teeŋ aa chʋɔlʋŋ ma nagɛ ba sɩ kpʋ pʋsʋŋ a sʋl Wɩɩsʋlʋŋ pɩpɩŋ dɩdaanɩŋ.

WƖA YƖƖLAA 150:3

Má ŋmʋʋ nyilliŋ a dɛnnʋ, a du cheŋ arɩ kɔnɛba ma a dɛnnʋ.

WƖA YƖƖLAA 33:2

Má du cheŋ a dɛnnɛ La Tɩɩna. Má du kɔnɛ a yɩɩ yɩɩlaa hɛ a dɛnnʋ.

WƖA YƖƖLAA 43:4

Ŋɩɩ lɛ nɛ mɩ jaŋ mʋ ŋ-na Wɩa koru-la leriŋ a dɛnnɩŋ. Ŋ nɛ leŋe mɩ tʋɔŋ tɔrɛ mɩ jʋjʋɔsɛ. Ŋ nɛ mɩ Wɩa mɩ jaŋ du cheŋ a dɛnnɩŋ.

WƖA YƖƖLAA 81:2

Má yɩɩ yɩɩla-la a chɩgɩsɛ chɩnchɩgɩsɩŋ, a du chenni-la sɩ sɩma arɩ kɔnɛba a hɛ.

NAMBABA 7:62

a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Hiburu TƖŊŊAA 1:6

Bʋa-la lɛ Wɩa sɩ leŋe ʋ Bii-hɩaŋ kʋ tuu dʋnɩa, ʋ sɩ, “Wɩa tɩndaaraa kala maga ba chʋɔlʋ nɛ.”

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 15:2

Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 15:7

Ŋɩɩ nɛ kɩalɩŋ banɛsɛ-la sɩ weye dɔŋɔ joŋ sɛlɩmɛ gbansɩŋ balɩpɛ a pɩ Wɩa tɩndaaraa balɩpɛ-la. Wɩa baanɩŋ fa su sɛlɩmɛ gbansɩ-la nɛ. Ʋ nɛ jaŋ hɛ nɩmɛ a kaa mʋ wuu.

Jɔɔŋ Wʋnaalaa 19:4

Ŋɩɩ nɛ nɩhɩasɩŋ mara arɩ banɛsɛ-la arɩ kɩalɩŋ banɛsɛ sɩ weye tuu kpirimi a chʋɔlɛ Wɩa sɩ hɔŋ ʋ kuoru kpasa nyuŋ a bʋl, “Amɩɩ, Haleluya.”

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 4:6

Kuori-kpasa-la sɩpaaŋ, kʋŋ pɩŋ a nagɛ mʋgʋ-balɩŋ a tʋtʋl pal pal, a pʋlla nagɛ duoŋ-tabɩɩŋ. Ka kɩaa banɛsɛ sɩ weye golli kuoru kpasa-la chu a kɛŋ sɩɩ-kɛnɛɛ, sɩpaaŋ arɩ harɩŋ kala.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

Jɔɔŋ Wʋnaalaa 5:11

Ŋɩɩ nɛ mɩ beŋ a na dɩ Wɩa tɩndaaraa bʋɩ bʋɩba bʋɩ golli kuoru kpasa-la arɩ kɩalɩŋ sɩ weye arɩ nɩhɩasɩ-la. Mɩ nɩa dɩ ba faa yɩɩ yɩɩl nɛ.

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”

Jɔɔŋ Wʋnaalaa 5:14

Ŋɩɩ nɛ kɩalɩŋ banɛsɛ-la sɩ weye bʋl, “Amɩɩ.” Ŋɩɩ nɛ nɩhɩasɩ-la tuu kpirimi a chʋɔlɛ Wɩa.

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.

Jɔɔŋ Wʋnaalaa 6:1

Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”