Jɔɔŋ Wʋnaalaa 5:5 - WƖA TENIŊ

⁵ Ŋɩɩ nɛ nɩhɩasɩ-la mara arɩ banɛsɛ-la dɔŋɔ bʋla pɩmɛ, “Sɩ́ yel, bee na nɩɩ-la ba sɩɩ yɩrɛ Juda nɩaa tʋɔŋ Naachigiŋ, ʋ lɩɩ Devit doho nɩaa tʋɔŋ nɛ, ʋ yuo dii Sɩtaanɩ nɛ. Ʋ kɛŋ doluŋ ʋ sɩ jaŋ lɛrɛ kɩalɩŋ balɩpɛ-la ba sɩ kaa mɛrɛ teŋ-la aŋ suru.”

Jɔɔŋ Wʋnaalaa 5:5 ပူးပေါင်းရင်းမြစ်များ

1 KUOROO 10:20

Lusuŋ-chol sɩa-la balɩdʋ lɛ, kɩaa sɩ nagɛ naachigee fii arɩ balɩa chɩŋ ba sɛsɩŋ. Lusuŋ-chol sɩɩ kala niipiniŋ lɛ, balɩa hɛ nɩmɛ, dɔŋɔ chɩŋ nadiiŋ, dɔŋɔ ma chɩŋ nagʋa. Ba ha bɩ kuoru kpasa deeŋ doho ŋaa tintee dɔŋ kala lɛ.

2 IZIRAL TƖŊŊAA NAABARƖŊ 9:18

Kuoru kpasa-la kɛŋ lusuŋ-chol sɩaa balɩdʋ nɛ. Ba kɛŋ sɛlɩmɛ ŋaa naasɩŋ dɩdaŋɩŋ a mɛrɛ ʋ lɛ. Kpasa-la sɛsɩŋ balɩa kala lɛ, nɩsaa dɩdaŋɩŋ hɛ nɩmɛ, ka kɩaa sɩ nagɛ naachigee balɩa chɩŋ a challɛ dɔŋɔ.

JOB 41:15

Ʋ yaraa puruŋ kpalɩba nɛ, a chaasa jʋʋ dɔŋɔ woruŋ.

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

JƐRƖMAAYA 31:16

Wɩɩ-la La TƖƖNA sɩ bʋla nɛ ŋ-la: “Má leŋ yele, aŋ fɩɩsɛ ma sɩlɩɩrɩŋ ta, bɛɛ wɩaa mɩ jaŋ tiŋ ma lɔlʋŋ chɩmɩŋ. Mɩ-na ma TƖƖNA nɛ bʋla. Ba jaŋ lɩɩ ba dʋndɔŋŋɔɔ tinteeŋ a mɩɩra kɔ.

DANƖƐL 7:16

Mɩ mʋ nɩalɩŋ fa sɩ chɩŋ nɩmɛ dɔŋɔ teeŋ a pɩɛsʋ dɩ ʋ dagɛ wɩalɩŋ bʋbʋɔŋ tɩtɩa pɩmɛ.” Ŋɩɩ nɛ ʋ dagɛ wɩaa deemba bʋbʋɔŋ pɩmɛ.

NAMBABA 24:9

Iziral tɩŋŋaa nagɛ naachigi-balaa nɛ. Dɩ ba nɛ pɩna, nʋʋkala tuo sɩ jaŋ wuo chɩsɛba. Dɩ nʋʋ nɛ sʋl Wɩɩ-sʋl zɔmʋŋ a pɩba, Wɩa jaŋ pɛ tɩɩna ma lɛ. Dɩ nʋʋ nɛ kalɩba hɛ ba lɛ ma, Wɩa ma jaŋ kalɩba hɛ tɩɩna lɛ.”

Luuk 23:28

Ŋɩɩ nɛ Yesu mɩɩra daasɛba aŋ bʋla pɩba, “Jerusalɛm haalaa, má sɩ́ mɩ wɩaa yel. Má yel ma tɩtɩa arɩ ma biiriŋ wɩaa.

Luuk 7:13

Yesu sɩ na haal-la, nenige kala kɛnʋ. Ʋ bʋla pʋ dɩ ʋ sɩ́ yel.

Luuk 8:52

Ba kʋ jʋʋ dɩa-la dɩ nɩalɩŋ kala sɩ hɛ nɩmɛ sime aa yel bile yoho. Ŋɩɩ nɛ Yesu bʋla pɩba, “Má sɩ́ yel, bile bɩ sʋba, doŋ nɛ ʋ pɩŋ.”

Jɔɔŋ 20:13

Ŋɩɩ nɛ ba pɩɛsʋ, “Haal, bɛɛ nɛ tɩɩ ŋ yiyel?” Ŋɩɩ nɛ ʋ bʋl, “Ba joŋ mɩ Tɩɩna Yesu kaa lɛl nɛ. Mɩ bɩ jɩŋ ba sɩ joŋu kaa mʋ bil lee-la.”

Rom Tɩŋŋaa 1:3

Wʋzɔŋŋɔɔ deemba tɩgɛ La Tɩɩna Yesu Kirisito lɛ nɛ. Ʋ ŋaa Wɩa Bii nɛ a ŋaa nuhuobiiŋ ma. Ʋ ŋaa la naabalɩma kuoro Devit nihii nɛ.

Rom Tɩŋŋaa 15:12

Azaaya bɩra bʋl ŋ-la nɛ: “Jesi doho nɩaa dɔŋɔ jaŋ kɔ. Ʋ nɛ jaŋ sii a beŋ nɩalɩŋ sɩ bɩ Juu tɩŋŋaa ŋaa. Ba jaŋ joŋ ba yɩɛlaa hɛ ʋ lɛ.”

Hiburu TƖŊŊAA 7:14

Nʋʋkala jɩma arɩ Yesu lɩɩ Juda doho nɩaa tʋɔŋ nɛ. Ama bʋa-la lɛ Mosis fa sɩ bʋl wɩaa a tɩgɛ nɩalɩŋ sɩ jaŋ ŋaa Wɩɩsʋllɩ sɩpaalaaraa lɛ, ʋ bɩ bʋla arɩ ba lɩɩsɛ nʋʋ sɩ lɩɩ Juda doho nɩaa tʋɔŋ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 5:4

Mɩ sɩ bɩ nʋʋkala na sɩ jaŋ wuo teŋ-la beŋ, mɩ faasa yel.

Jɔɔŋ Wʋnaalaa 6:1

Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”

Jɔɔŋ Wʋnaalaa 7:13

Ŋɩɩ nɛ nɩhɩasɩ-la dɔŋɔ pɩɛsɛmɛ a bʋl, “Kʋbɛɛba nɛ laalɛ gɛrɩ-pʋl-duduosuŋ ŋɩɩ, nɩɩ nɛ ba lɩɩ?”