Jɔɔŋ Wʋnaalaa 5:13 - WƖA TENIŊ

¹³ Ŋɩɩ nɛ ka mɩ nɩɩ kɩalɩŋ kala sɩ hɛ Wɩa-jaŋ, arɩ kɩalɩŋ kala sɩ hɛ dʋnɩa lɛ, arɩ kɩalɩŋ sɩ hɛ lɛlɛɛ-jaŋ, arɩ kɩalɩŋ kala sɩ hɛ mʋgʋ-balɩŋ tʋɔŋ, arɩ kʋŋ na-kala sɩ hɛ nɩmɛ dɩ baa yɩɩ yɩɩlaa aa bʋl, “Nɩɩ-la sɩ hɔŋ kuoru kpasa-la nyuŋ arɩ Pie-bie-la, ba nɛ maga la dɛnnɛ, a zilba a yɩrɛ ba yɩrɩŋ. Ba nɛ kɛŋ doluŋ a kaa mʋ wuu.”

Jɔɔŋ Wʋnaalaa 5:13 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

AZAAYA 24:14

Nɩalɩŋ sɩ jaŋ ka jaŋ chaasa ŋaa goŋ arɩ tʋɔtɔrʋŋ. Ka nɩalɩŋ ma sɩ hɛ wɩɩjʋʋlʋŋ dɩɩrɩŋ heeli aa dagɛ La TƖƖNA ballɩŋ.

AZAAYA 42:10

Ma nɩalɩŋ kala sɩ hɛ tinteeŋ lɛ, má yɩɩ yɩɩl-falɩŋ a dɛnnɛ La TƖƖNA. Ma nɩalɩŋ kala sɩɩ duori lɩɩŋ arɩ kɩalɩŋ kala sɩ hɛ lɩɩŋ tʋɔŋ, arɩ tinteye-la lɩɩŋ sɩ gollo chu nɩaa, má dɛnnʋ.

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Rom Tɩŋŋaa 16:27

Má leŋ la to Yesu Kirisito lɛ a dɛnnɛ Wɩa wuu. Ʋ dʋndʋŋa nɛ kɛŋ wʋjɩmɩŋ. Amɩɩ.

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

Ɛfɛsɩs Nɩaa 3:21

Má leŋ dɩ la nɩalɩŋ kala sɩ laa Yesu wɩaa dii aa hilimi to Kirisito Yesu lɛ, a leŋ dɩ ʋ yɩrɩŋ yɩrɛ a lɩɩ lɛɛlɛ a kaa mʋ wuu. Amɩɩ.

Fɩlɩpa Nɩaa 2:10

Ŋɩɩ wɩaa, Yesu yɩrɩŋ lɛ, kɩalɩŋ kala sɩ hɛ Wɩa-jaŋ arɩ kɩalɩŋ sɩ hɛ tinteeŋ arɩ lɛlɛɛ-jaŋ, ba kala jaŋ tuu kpirimi ʋ sɩpaaŋ a chʋɔlʋ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

1 Timoti 4:16

Kɛŋ ŋ tɩtɩa a mʋ tɩgɛ ŋ mɛlɛ arɩ wɩalɩŋ ŋ sɩɩ dagɛ lɛ. Chɩŋ wɩalɩŋ lɛ woruŋ, bɛɛ wɩaa dɩ ŋ nɛ ŋaa ŋɩɩ, ŋ jaŋ laa ŋ tɩtɩa arɩ nɩalɩŋ sɩ jegilee nɩɩ ŋ teeŋ ta.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

1 Pɩɩta 5:11

Wɩa nɛ kɛŋ doluŋ a kaa mʋ wuu. Amɩɩ.

Juud 1:25

Ʋ dʋndʋŋa nɛ ŋaa Wɩa, ʋ nɛ to La Tɩɩna Yesu Kirisito lɛ a laala ta. Má dɛnnʋ a leŋ dɩ ʋ yɩrɩŋ yɩrɛ, ʋ nɛ kɛŋ doluŋ a tɩɩ kʋŋkala aa bemba ma, a lɩɩ dɩ-suomuŋ kʋkɔ lɛɛlɛ a kaa mʋ deeŋ deeŋ. Amɩɩ.

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 5:1

Ŋɩɩ nɛ ka mɩ na dɩ Nɩɩ-la sɩ hɔŋ kuoru kpasa-la nyuŋ, dɩ ʋ kori teŋ-chuoluŋ ʋ nadiiŋ nɩsɩŋ lɛ. Ba ŋmʋnsɛ teŋ-la tʋɔŋ arɩ harɩŋ kala, aŋ kɛŋ kelliŋ balɩpɛ a mɛrɛ tɔ.

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”

Jɔɔŋ Wʋnaalaa 5:3

Ama nʋʋkala tuo Wɩa-jaŋ lɛ koo tinteeŋ lɛ, koo lɛlɛɛ-jaŋ lɛ sɩ jaŋ wuo suri teŋ-la koo a nyilimi ʋ tʋɔŋ.

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.

Jɔɔŋ Wʋnaalaa 6:16

Ŋɩɩ nɛ ba yɩyɩrɛ peele-la arɩ bʋsʋ-la a bʋl, “Má tele tɔla dɩ Pie-bie-la arɩ Nɩɩ-la sɩ hɔŋ kuoru kpasa-la nyuŋ sɩ́ la na, dɩ baaŋ-la Pie-bie-la sɩ na la nyuŋ sɩ́ la yi.