Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ Wʋnaalaa 4:8 - WƖA TENIŊ

8 Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

အခန်းကိုကြည့်ပါ။ ကော်ပီ




Jɔɔŋ Wʋnaalaa 4:8
42 ပူးပေါင်းရင်းမြစ်များ  

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.


Dɩ Wɩa sɩ kɩɩ kʋŋkala nɛ chu tɔ nʋʋ, tɩɩna jaŋ na wiese Wɩa doluŋ kala Tɩɩna teeŋ.


La TƖƖNA, vesiŋ tʋɔŋ, veŋ bɛɛ nɛ hɛ nɩmɛ a magɩŋ? Kʋbɛɛ nɛ hɛ nɩmɛ a jaŋ wuo dagɛ ʋ tʋɔpʋla arɩ ʋ doluŋ a magɛ dɩ la fɩfáʋ a dɛnnʋ a tɩŋ ʋ sɩɩ ŋaa wʋkpuŋkperisiŋ?


Ŋɩɩ nɛ Wɩa bʋla pɩ Mosis, “MƖ NƐ ŊAA NƖƖ-LA MƖ SƖ ŊAA. Bʋl ŋ-la pɩ Iziral tɩŋŋaa, MƖ-NA NƖƖ-LA MƖ SƖ ŊAA nɛ tɩmmɛ ma teeŋ.”


Má yel, bɛɛ wɩaa tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ kɔ kpaga nɛ, mɩ jaŋ dii nɩaa sarɩya a chei leriŋ.


A tɩŋ Jerusalɛm wɩaa mɩ bɩ jaŋ tɔrɛ mɩ niiŋ, a tɩŋ Zaayɔŋ wɩaa mɩ bɩ jaŋ ŋaa chɩm, see mɩ sɩ na dɩ ʋ tʋɔpʋla wɩaa chaana a nagɛ taŋ sɩ pʋla, dɩ ʋ laatanɩŋ wɩaa ma lɩɩ sɩɩŋ.


Gɩrɩŋgɩrɩmba-la niipinee fa sii jeje nɛ a kɛŋ fawʋllʋŋ. Ba fa kɛŋ sɩaa nɛ a golli.


Nyiŋ-la tʋɔŋ, mɩ na kɩaa banɛsɛ sɩ weye a nagɛ nuhuobiine.


Ama kɩalɩŋ kʋŋkala kɛŋ sɩaa banɛsɛ ba sɛsɩŋ lɛ, a kɛŋ kɩŋkɛnsɩŋ ma banɛsɛ.


Ba yaraa kala, ba harɩŋ, ba nɩsaa, ba kɩŋkɛnsɩŋ arɩ gɩrɩŋgɩrɩmba-la kala fa kɛŋ sɩaa nɛ.


Tapʋlɩɩ-la kpaga nɛ. La TƖƖNA tapʋlʋŋ kpaga nɛ, doluŋ kala Tɩɩna jaŋ chei leriŋ tapʋlɩɩ-la.


Ŋɩɩ wɩaa, má beŋ ma tɩtɩa nyuŋ woruŋ. Má liliisi arɩ mɩ dagɛma nʋʋkala jɩsɩŋ batori nɛ wɩɩhɛyɛ arɩ tɩtaŋɩŋ kala, a yel sɩlɩɩrɩŋ ma woruŋ ma wɩaa.


Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.


La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.


Kɛŋ ŋ tɩtɩa a mʋ tɩgɛ ŋ mɛlɛ arɩ wɩalɩŋ ŋ sɩɩ dagɛ lɛ. Chɩŋ wɩalɩŋ lɛ woruŋ, bɛɛ wɩaa dɩ ŋ nɛ ŋaa ŋɩɩ, ŋ jaŋ laa ŋ tɩtɩa arɩ nɩalɩŋ sɩ jegilee nɩɩ ŋ teeŋ ta.


bʋl Wɩa wɩaa pɩpɩ nɩaa bʋa na-kala lɛ, dɩ wɩaa zɔmɔ koo dɩ ba lɔrɔ. Kɛmba tʋra kɩɩ, bʋl ba teeŋ, aŋ ŋaa dɩ ba nyuŋ nyaasɛ. Kɛŋ kenyiri a jɩma dɩdagɛba woruŋ.


Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.


Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ


La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”


“Laa lɔllʋŋ La Tɩɩna Wɩa doluŋ kala Tɩɩna, Nɩɩ-la fa sɩ hɛ nɩmɛ faafaa arɩ Nɩɩ-la ha sɩ hɛ nɩmɛ. Lɛɛlɛ-na ŋ kɛŋ ŋ dol-bal-la, a suomo bibeŋ dʋnɩa nɛ.


Nyiŋ-la jaŋ diiba deeŋ deeŋ, ʋ bɩ dɩsa. Nɩaa deemba bɩ jaŋ kɔ dɩ ba na wiese wɩɩhɛyɛ arɩ tɩtaŋɩŋ kala. Nɩaa deemba sɩ chʋɔlɛ baga kʋ-la arɩ ʋ nagɩsɩŋ ba sɩ mɛ bil a laa ʋ yɩrɩŋ magɩl-la, ba bɩ jaŋ na wiese.”


Nɩaa deemba chɩŋ kuoru kpasa-la arɩ nɩhɩasɩ-la, arɩ kɩalɩŋ banɛsɛ-la sɩ weye sɩpaaŋ nɛ aa yɩɩ yɩɩl-falɩɩ kʋbala. Nʋʋkala bɩ yɩɩl-la wuo gʋnnɛ, see nɩalɩŋ bʋɩ zɔlɔ arɩ mahɩŋ balɩa arɩ banɛsɛ-la dʋndʋŋa. Nɩaa deemba nɛ Wɩa tʋɔsɛ dʋnɩa lɛ a laaba ta.


a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.


Ŋɩɩ nɛ kɩalɩŋ banɛsɛ-la sɩ weye dɔŋɔ joŋ sɛlɩmɛ gbansɩŋ balɩpɛ a pɩ Wɩa tɩndaaraa balɩpɛ-la. Wɩa baanɩŋ fa su sɛlɩmɛ gbansɩ-la nɛ. Ʋ nɛ jaŋ hɛ nɩmɛ a kaa mʋ wuu.


Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.


Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”


Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.


Ŋɩɩ nɛ nɩhɩasɩŋ mara arɩ banɛsɛ-la arɩ kɩalɩŋ banɛsɛ sɩ weye tuu kpirimi a chʋɔlɛ Wɩa sɩ hɔŋ ʋ kuoru kpasa nyuŋ a bʋl, “Amɩɩ, Haleluya.”


Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.


Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.


Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.


Kuori-kpasa-la sɩpaaŋ, kʋŋ pɩŋ a nagɛ mʋgʋ-balɩŋ a tʋtʋl pal pal, a pʋlla nagɛ duoŋ-tabɩɩŋ. Ka kɩaa banɛsɛ sɩ weye golli kuoru kpasa-la chu a kɛŋ sɩɩ-kɛnɛɛ, sɩpaaŋ arɩ harɩŋ kala.


Bʋa na-kala dɩ kɩalɩŋ sɩ weye nɛ yɩɩ yɩɩlaa a dɛnnɛ Nɩɩ-la sɩ hɔŋ kuoru kpasa-la nyuŋ, Nɩɩ-la sɩ hɛ nɩmɛ a kaa mʋ wuu,


Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.


Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”


Ŋɩɩ nɛ mɩ nɩɩ yikoro sɩ nagɛ nʋʋ yikoro. Yikoro-la lɩɩ kɩalɩŋ banɛsɛ-la sɩ weye tʋɔŋ nɛ. Ŋɩɩ nɛ tɩɩna bʋl, “Ba jaŋ yallɛ folii-mɩaa gbaŋa kʋbala, a yi chɛ-bala tɩntɩnna sɩ yie laa ʋ time magɛ ŋɩɩ, ka dɩ mɩaa gbansɩŋ batori ma yi chɛ-bala tɩntɩnna time. Ama sɩ́ olif tɩɩsɩŋ arɩ girep tɩɩsɩŋ chei.”


Ka Wɩa tɩndaaraa kala chɩna golli kuoru kpasa-la arɩ nɩhɩasɩ-la arɩ kɩalɩŋ banɛsɛ-la sɩ weye. Ŋɩɩ nɛ Wɩa tɩndaara-la tuu kpirimi kuoru kpasa-la sɩpaaŋ a chʋɔlɛ Wɩa


Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ