Jɔɔŋ Wʋnaalaa 4:5 - WƖA TENIŊ

⁵ Ŋɩɩ nɛ taŋ lɩlɩgɩsɛ aŋ pɛ kpɩkpɩa kuoru kpasa-la leriŋ. Ka chaanaa balɩpɛ ma chɩŋ kuoru kpasa-la sɩpaaŋ a didii. Chaanɩa-la nɛ ŋaa Wɩa Dɩnsɩŋ balɩpɛ-la.

Jɔɔŋ Wʋnaalaa 4:5 ပူးပေါင်းရင်းမြစ်များ

WƖAA DƖ-SUOMUŊ 15:7

Ŋɩɩ nɛ La TƖƖNA bʋla pʋ, “Mɩ nɛ kɛnɩŋ lɩɩ Uu sɩ hɛ Babɩlɔŋ tinteeŋ kɔ dɩ mɩ joŋ tinteeŋ deeŋ pɩŋ nɛ. Ʋ jaŋ ŋaa ŋ kʋŋ.”

2 IZIRAL TƖŊŊAA NAABARƖŊ 4:20

chaaŋ daasɩŋ arɩ ba chaanaa, dɩ ba hɛ Wɩa dɩɩ-bal-la lee-la zɔmʋŋ sɩ bɩ magɩa kɛnɛ a didii arɩ ba sɩ dagɛ ŋɩɩ.

WƖA YƖƖLAA 68:35

Iziral tɩŋŋaa Wɩa kɛŋ fawʋllʋŋ nɛ ʋ dɩɩ-bal-la lɛ, ʋ nɛ leŋe la kɛŋ doluŋ. Má dɛnnɛ Wɩa.

MOSIS KƐŊ IZIRAL TƖŊŊAA LƖƖ 19:16

Chɛ-tori-la chɛɛŋ chʋchʋɔŋ, taŋ lɩlɩgɩsɛ aŋ pɛ kpɩkpɩa. Duoŋ-bɩlɩmbaaŋ-bine kʋ tɔ peel-la, ka ba nɩɩ banyile sɩ faasa ŋmʋʋ. Nʋʋkala sɩ hɛ ba bugu-la-lɛ chel.

MOSIS KƐŊ IZIRAL TƖŊŊAA LƖƖ 20:18

Nɩalɩŋ sɩ na dɩ taŋ lɩgɩsa aŋ kpɩa a nɩɩ ba sɩ ŋmʋʋ nyile a na peel-la sɩ tɔ nyʋɔsʋŋ, fawʋllʋŋ kɛmba ba chichel. Ŋɩɩ nɛ ba sʋʋsa mʋ chɩŋ dɩ-bolii,

MOSIS KƐŊ IZIRAL TƖŊŊAA LƖƖ 25:37

Libi chaanaa balɩpɛ, a joŋo sagɛ kerike-la nyuŋ dɩ ba pʋlʋmʋŋ chaanɛ ʋ sɩpaaŋ.

MOSIS KƐŊ IZIRAL TƖŊŊAA LƖƖ 37:23

Ŋɩɩ nɛ ba kɛŋ sɛlɩmɛ sɩ chaasa zɔŋ a libi chaanaa balɩpɛ, a ŋaa kɩalɩŋ ba sɩ kaa dɩdɩsɛ chaanɩa-la arɩ ba tʋɔrʋŋ pɩrataba.

ƐZƖKƖƐL 1:13

Kɩalɩŋ sɩ weye fa fɩɛsa nɛ a nagɛ nyiŋ-halaa koo tʋʋ-diiri kapɩlaa nyiniŋ. Nyiniŋ faa villi kɩalɩŋ pɛgɛ nɛ, a pʋllɛ woruŋ aŋ lɩlɩgɩsɛ a nagɛ taŋ sɩɩ lɩgɩsʋ.

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

ZƐKARƖYA 4:2

Ʋ pɩɛsɛmɛ, “Bɛɛ kʋŋ nɛ ŋ na?” Mɩ bʋl, “Mɩ na ba sɩ kɛŋ sɛlɩmɛ ŋaa chaaŋ daaŋ, chaaŋ gbaŋa daŋ ʋ nyuŋ, chaanaa balɩpɛ hɛ nɩmɛ a kɛŋ chaaŋ ŋmɛnɩŋ leree ma balɩpɛ.

Matiu 25:1

Ŋɩɩ nɛ Yesu bɩra magɛ namaga. Ʋ sɩ, “Wɩa kuorii-la jaŋ nagɛ ŋ-la: Hatoloo fii nɛ fa hɛ nɩmɛ. Ba sii a paa ba chaanaa a mʋ dɩ ba cheŋ ha-falɩŋ bala, hajaarɩ gbiele lɛ.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Tɩntɩŋŋaa 2:3

Ŋɩɩ nɛ ba na kɩaa a nagɛ nyiŋ-gel-biisiŋ. Ba nagɩsɩŋ nagɛ nandelimee. Ba lɩɩ pɩsɛ. Nyiŋ-gel-bie kala togili nʋʋkala sɩ hɛ dɩa-la lɛ.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 10:3

Ŋɩɩ nɛ ʋ faasa kpɩa goŋ a nagɛ naachigiŋ sɩ huoso. Ʋ sɩ kpɩa goŋ ŋɩɩ, duonuŋ ma laa kpɩa naansɩɩŋ bʋlɩpɛ.

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 3:1

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.

Jɔɔŋ Wʋnaalaa 8:5

Ŋɩɩ nɛ Wɩa tɩndaarʋ-la joŋ sɛlɩmɛ kʋ-la a chaanɛ nyiniŋ Wɩɩsʋlʋŋ koru-la nyuŋ, a hɛ kʋ-la tʋɔŋ, a joŋo yuo ʋ kʋ tuu tinteeŋ. Ŋɩɩ nɛ duonuŋ kpɩkpɩa aŋ lɩlɩgɩsɛ, ka tinteeŋ zizigili.