Jɔɔŋ Wʋnaalaa 4:3 - WƖA TENIŊ

³ Nɩɩ-la fa sɩ hɔŋ kuoru kpasa-la nyuŋ tʋtʋl a nagɛ tabɩɩŋ sɩɩ tʋl a nagɛ jɩnalɩa, arɩ tabɩɩŋ sɩ fɩɛsa a nagɛ chalɩŋ. Ka duoŋ-sɩa golli kuoru kpasa-la chu. Duoŋ-sɩa-la fa nagɛ tabɩɩŋ sɩ nagɛ jɔgɩlɩɩŋ nɛ.

Jɔɔŋ Wʋnaalaa 4:3 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 24:10

Ba na Iziral tɩŋŋaa Wɩa, dɩ ʋ chɩŋ tabɩɩ-zɔmɔ kʋbalaba ba sɩ kaa ŋaa wombiiŋ. Tabɩa-la yɩrɩŋ nɛ safɩya a nagɛ diibelimbine a tʋtʋl a nagɛ wɩa-nyuŋ.

MOSIS KƐŊ IZIRAL TƖŊŊAA LƖƖ 28:18

Naaderi-lɩamɩŋ lɛ mɛrɛ tabɩaa deemba: ‘takʋa’ a ŋaa tabɩɩŋ sɩ nagɛ diibelimbine arɩ ‘safɩya,’ a ŋaa tabɩɩŋ sɩ faasa nagɛ diibelimbine arɩ ‘amɛral’ a ma ŋaa tabɩɩ-jɔgɩlɩɩŋ sɩ faasa biri.

MOSIS KƐŊ IZIRAL TƖŊŊAA LƖƖ 39:11

Naaderi-lɩa tabɩaa yɩraa nɛ ŋ-la: ‘takʋa’ a ŋaa diibelimbine, ‘safɩya’ a ma ŋaa tabɩɩŋ sɩ faasa nagɛ diibelimbine arɩ ‘amɛral’ a ma ŋaa tabɩɩ-jɔgɩlɩɩŋ sɩ faasa biri.

AZAAYA 6:1

Jɩna-la lɛ kuoro Uzia fa sɩ sʋba nɛ mɩ na La TƖƖNA a nagɛ duosoo tʋɔŋ dɩ ʋ hɔŋ ʋ kuoru kpasa nyuŋ a yʋga kɩɩ kʋŋkala, ʋ gɛrɩŋ jɛrɛ su Wɩa dɩɩ-bal-la sɩ hɛ Jerusalɛm lɛ.

ƐZƖKƖƐL 1:26

Kʋ-la sɩ nagɛ wɩa-nyuŋ a chugili kɩalɩŋ sɩ weye nyuŋ ma nyuŋ, kʋŋ kʋbala chɩŋ a nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine a tʋtʋl a ŋaa, ka kʋŋ hɔŋ kuoru kpasa-la nyuŋ a nagɛ nuhuobiine.

ƐZƖKƖƐL 1:28

Duoŋ-sɩa sɩ yie nagɛ ŋɩɩ duoŋ-bɩlɩmbaanaa tʋɔŋ, ŋɩɩ nɛ tʋla ma fa nagɛ a golli kʋ-la. Pʋlʋŋ-la sɩ dagɛ La TƖƖNA tʋla nɛ ŋɩɩ. Mɩ fa sɩ naʋ, mɩ kɛŋ sɩaa chu tinteeŋ, aŋ nɩɩ nʋʋ sɩɩ bʋl wɩaa.

ƐZƖKƖƐL 10:1

Ŋɩɩ nɛ mɩ beŋ a na kʋŋ kʋbala sɩ nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine aŋ tʋtʋl ŋaa, dɩ ʋ chɩŋ kʋ-la sɩ nagɛ wɩa-nyuŋ a chugili kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ nyuŋ, ma nyuŋ.

ƐZƖKƖƐL 28:13

Ŋ fa hɛ Ɛdɩŋ lɛ nɛ, mɩ-na Wɩa ŋmaŋkaa-la lɛ. Ŋ faa laalɛ tabɩɩ-zɔŋ dosunu-la ba sɩ kaa ŋaa yaraa kpɩɛraa nɛ. Ba yɩraa nɛ rubi, topas arɩ ɛmɛral, kirisola, ɔnɩs, jasɩpa, safɩya, takʋa arɩ bɛrɛl. Ŋ fa kɛŋ sɛlɩmɛ kpɩɛraa nɛ. Bʋa-la lɛ mɩ sɩ ŋaaŋ, kɩaa deemba kala hɛ dɔŋɔ lɛ nɛ a gbɛrɩŋ.

Jɔɔŋ Wʋnaalaa 10:1

Ŋɩɩ nɛ ka mɩ bɩra na Wɩa tɩndaarɩ-duo kʋbala dɩ ʋ lɩɩ Wɩa-jaŋ a kʋʋ tuu. Duoŋ-bɩlɩmbaanaa tɔʋ kala, ka duoŋ-sɩa chugili ʋ nyuŋ lɛ. Ʋ sɩaa tʋtʋl a nagɛ wɩɩpɔsʋŋ. Ʋ naasɩŋ ma nagɛ jebiee sɩɩ dii nyiniŋ.

Jɔɔŋ Wʋnaalaa 21:11

Wɩa tʋla chaana hɛ taŋ-la lɛ, ʋ tʋtʋl a nagɛ tabɩɩ-tʋlaa, a bɩra nagɛ tabɩɩ-la ba sɩɩ yɩrɛ jasɩpa, a tʋtʋl a nagɛ beenantɩrɛ.