Jɔɔŋ Wʋnaalaa 4:2 - WƖA TENIŊ

² Bʋa-la lɛ Wɩa Dɩŋ-zɔmʋŋ guu kʋ jʋʋmɛ, ŋɩɩ nɛ mɩ beŋ a na kuoru kpasa dɩ ʋ chɩŋ Wɩa-jaŋ lɛ, ka nʋʋ hɔŋ ʋ nyuŋ.

Jɔɔŋ Wʋnaalaa 4:2 ပူးပေါင်းရင်းမြစ်များ

1 KUOROO 22:19

Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa kala chɩna gollu, ʋ nadiiŋ arɩ ʋ nagʋa.

WƖA YƖƖLAA 11:4

La Tɩɩna hɔŋ ʋ kuoru kpasa nyuŋ nɛ, ʋ dɩa-la sɩ zɔmɔ a bɩ disiniŋ kɛnɛ lɛ Wɩa-jaŋ. Ʋ jɩŋ wɩalɩŋ kala la sɩɩ ŋaa nɛ, bɛɛ wɩaa ʋʋ na la kala nɛ.

AZAAYA 6:1

Jɩna-la lɛ kuoro Uzia fa sɩ sʋba nɛ mɩ na La TƖƖNA a nagɛ duosoo tʋɔŋ dɩ ʋ hɔŋ ʋ kuoru kpasa nyuŋ a yʋga kɩɩ kʋŋkala, ʋ gɛrɩŋ jɛrɛ su Wɩa dɩɩ-bal-la sɩ hɛ Jerusalɛm lɛ.

JƐRƖMAAYA 17:12

Dɩ-suomuŋ kala nɛ la Wɩa kuoru kpasa kɛŋ tʋla a leŋie kɩɩ kʋŋkala. Ʋ nɛ ŋaa la Wɩa dɩɩ-balɩŋ sɩ bɩ disiniŋ kɛnɛ.

ƐZƖKƖƐL 1:26

Kʋ-la sɩ nagɛ wɩa-nyuŋ a chugili kɩalɩŋ sɩ weye nyuŋ ma nyuŋ, kʋŋ kʋbala chɩŋ a nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine a tʋtʋl a ŋaa, ka kʋŋ hɔŋ kuoru kpasa-la nyuŋ a nagɛ nuhuobiine.

ƐZƖKƖƐL 1:28

Duoŋ-sɩa sɩ yie nagɛ ŋɩɩ duoŋ-bɩlɩmbaanaa tʋɔŋ, ŋɩɩ nɛ tʋla ma fa nagɛ a golli kʋ-la. Pʋlʋŋ-la sɩ dagɛ La TƖƖNA tʋla nɛ ŋɩɩ. Mɩ fa sɩ naʋ, mɩ kɛŋ sɩaa chu tinteeŋ, aŋ nɩɩ nʋʋ sɩɩ bʋl wɩaa.

ƐZƖKƖƐL 10:1

Ŋɩɩ nɛ mɩ beŋ a na kʋŋ kʋbala sɩ nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine aŋ tʋtʋl ŋaa, dɩ ʋ chɩŋ kʋ-la sɩ nagɛ wɩa-nyuŋ a chugili kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ nyuŋ, ma nyuŋ.

DANƖƐL 7:9

Mɩ sɩ bene, mɩ na dɩ ba bil kuoru kpasɩnɩŋ. Nɩɩ-la sɩ hɛ nɩmɛ faafaa kala hɔŋ ʋ kuoru kpasa nyuŋ. Ʋ gɛnnɩŋ fa pʋlla nɛ a nagɛ kuŋkunuŋ. Ʋ nyu-pʋnaa ma pʋllɛ a nagɛ pie-pʋnaa. Ʋ kuoru kpasa-la faa chol nyiniŋ nɛ, ʋ gɩrɩŋgɩrɩmba kala ŋaa nyiŋgeliŋ.

Matiu 22:43

Ŋɩɩ nɛ Yesu bɩra pɩɛsɛba, “Bɛɛ nɛ saa tɩɩ Wɩa Dɩŋ-zɔmʋŋ fa dagɛ Devit dɩ ʋ kɛnʋ yɩrɛ ʋ Tɩɩna?

Hiburu TƖŊŊAA 8:1

Wɩɩ-la kala la sɩɩ bʋl wʋnyuŋ nɛ ŋ-la. La kɛŋ nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ nɛ. Ʋ nɛ hɛ Wɩa-jaŋ a hɔŋ Wɩɩjarɩbakɔ kuoru kpasa nadiiŋ, nɩduoŋ dɩhɔnʋŋ.

Jɔɔŋ Wʋnaalaa 1:10

La Tɩɩna Wɩa tapʋlɩɩ kʋbala nɛ Wɩa Dɩŋ-zɔmʋŋ doluŋ kʋ hɛ mɩ lɛ woruŋ. Ŋɩɩ nɛ mɩ nɩɩ nʋʋ yikori-bal mɩ harɩŋ a nagɛ ba sɩɩ ŋmʋʋ banyilliŋ ŋɩɩ.

Jɔɔŋ Wʋnaalaa 12:5

Ŋɩɩ nɛ haal-la lʋl hambolibie, nɩɩ-la sɩ jaŋ beŋ dʋnɩa nɩaa kala arɩ hɔɔŋ dantɩga. Ŋɩɩ nɛ Wɩa joŋ bile kaa mʋ ʋ teeŋ a leŋ ʋ hɔŋ ʋ kuoru kpasa nyuŋ,

Jɔɔŋ Wʋnaalaa 17:3

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaara jommi kaa jʋʋ tintee-hɩlɩŋ tʋɔŋ. Nɩmɛ nɛ mɩ na haal kʋbala dɩ ʋ hɔŋ baga kʋfɩaŋ kʋbala nyuŋ. Ba fa ŋmʋnsɛ yɩraa sɩɩ tʋʋsɛ Wɩa joŋoo nɛ a hɛ baga kʋ-la yaraa kala lɛ. Ʋ fa kɛŋ nyusuŋ balɩpɛ nɛ, ʋ nyilliŋ ma ŋaa fii.

Jɔɔŋ Wʋnaalaa 19:4

Ŋɩɩ nɛ nɩhɩasɩŋ mara arɩ banɛsɛ-la arɩ kɩalɩŋ banɛsɛ sɩ weye tuu kpirimi a chʋɔlɛ Wɩa sɩ hɔŋ ʋ kuoru kpasa nyuŋ a bʋl, “Amɩɩ, Haleluya.”

Jɔɔŋ Wʋnaalaa 20:11

Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.

Jɔɔŋ Wʋnaalaa 21:10

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaarʋ-la jommi kaa jɩl peel-bal kʋbala sɩ leŋie nyuŋ. Ŋɩɩ nɛ ʋ dagɛmɛ taŋ-la sɩ bɩ disiniŋ kɛnɛ baa yɩrɛ Jerusalɛm, dɩ ʋ lɩɩ Wɩa-jaŋ kuu tuu tinteeŋ.

Jɔɔŋ Wʋnaalaa 21:5

Ŋɩɩ nɛ Nɩɩ-la sɩ hɔŋ kuoru kpasa-la nyuŋ bʋl, “Má bee na, mɩ ŋaa kʋŋkala bɩrɩmɛ kʋfalɩɩ nɛ.” Ŋɩɩ nɛ aŋ bɩra bʋl, “Ŋmʋnsɛ wɩaa deemba mɩ sɩ bʋla, bɛɛ wɩaa ba ŋaa wʋtɩtɩɩ nɛ, a magɛ dɩ nɩaa laaba dii.”

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,

Jɔɔŋ Wʋnaalaa 4:5

Ŋɩɩ nɛ taŋ lɩlɩgɩsɛ aŋ pɛ kpɩkpɩa kuoru kpasa-la leriŋ. Ka chaanaa balɩpɛ ma chɩŋ kuoru kpasa-la sɩpaaŋ a didii. Chaanɩa-la nɛ ŋaa Wɩa Dɩnsɩŋ balɩpɛ-la.

Jɔɔŋ Wʋnaalaa 4:9

Bʋa na-kala dɩ kɩalɩŋ sɩ weye nɛ yɩɩ yɩɩlaa a dɛnnɛ Nɩɩ-la sɩ hɔŋ kuoru kpasa-la nyuŋ, Nɩɩ-la sɩ hɛ nɩmɛ a kaa mʋ wuu,

Jɔɔŋ Wʋnaalaa 5:1

Ŋɩɩ nɛ ka mɩ na dɩ Nɩɩ-la sɩ hɔŋ kuoru kpasa-la nyuŋ, dɩ ʋ kori teŋ-chuoluŋ ʋ nadiiŋ nɩsɩŋ lɛ. Ba ŋmʋnsɛ teŋ-la tʋɔŋ arɩ harɩŋ kala, aŋ kɛŋ kelliŋ balɩpɛ a mɛrɛ tɔ.

Jɔɔŋ Wʋnaalaa 5:13

Ŋɩɩ nɛ ka mɩ nɩɩ kɩalɩŋ kala sɩ hɛ Wɩa-jaŋ, arɩ kɩalɩŋ kala sɩ hɛ dʋnɩa lɛ, arɩ kɩalɩŋ sɩ hɛ lɛlɛɛ-jaŋ, arɩ kɩalɩŋ kala sɩ hɛ mʋgʋ-balɩŋ tʋɔŋ, arɩ kʋŋ na-kala sɩ hɛ nɩmɛ dɩ baa yɩɩ yɩɩlaa aa bʋl, “Nɩɩ-la sɩ hɔŋ kuoru kpasa-la nyuŋ arɩ Pie-bie-la, ba nɛ maga la dɛnnɛ, a zilba a yɩrɛ ba yɩrɩŋ. Ba nɛ kɛŋ doluŋ a kaa mʋ wuu.”

Jɔɔŋ Wʋnaalaa 6:16

Ŋɩɩ nɛ ba yɩyɩrɛ peele-la arɩ bʋsʋ-la a bʋl, “Má tele tɔla dɩ Pie-bie-la arɩ Nɩɩ-la sɩ hɔŋ kuoru kpasa-la nyuŋ sɩ́ la na, dɩ baaŋ-la Pie-bie-la sɩ na la nyuŋ sɩ́ la yi.