Jɔɔŋ Wʋnaalaa 4:11 - WƖA TENIŊ

¹¹ “La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”

Jɔɔŋ Wʋnaalaa 4:11 ပူးပေါင်းရင်းမြစ်များ

WƖAA DƖ-SUOMUŊ 1:1

Dɩ-suomuŋ Wɩa ŋaa wɩa-nyuŋ arɩ tinteeŋ nɛ.

2 SAMƲƐL 22:4

Mɩɩ dɛnnɩŋ La Tɩɩna, mɩ sʋla yɩrɩŋ nɛ, ŋ laamɛ ta mɩ dʋndɔŋŋɔɔ nɩsɩŋ lɛ.

NƐHƖMAAYA 9:5

Ŋɩɩ nɛ Levi doho nɩaa deemba: Jesua, Kadɩmɩɛl, Banɩ, Hasabineya, Sɛrɛbɩa, Hodia, Sɛkanɩa arɩ Pɛtahɩa bʋla pɩ nɩalɩŋ, “Má sii chɩŋ a dɛnnɛ ma TƖƖNA Wɩa sɩ hɛ nɩmɛ a kaa mʋ deeŋ deeŋ. Má zil ʋ yɩrɩ-balɩŋ arɩ la sɩ bɩ jaŋ wuo zilu a magɛ ŋɩɩ sɩ maga ma kala.” Aŋ bɩra chʋɔlɛ Wɩa a bʋl,

JOB 36:3

Mɩ jɩŋ wʋdaŋ daŋ nɛ, mɩ jaŋ dagɛ ŋɩɩ mɩ ŋɩŋaara sɩ kɛŋ wʋtɩtɩɩ.

WƖA YƖƖLAA 18:3

Mɩɩ dɛnnɩŋ La Tɩɩna, mɩ sʋla yɩrɩŋ nɛ, ŋ laamɛ ta mɩ dʋndɔŋŋɔɔ nɩsɩŋ lɛ.

WƖA YƖƖLAA 68:34

Má heele bʋl Wɩa doluŋ wɩaa, ʋ nɩɩ beŋ Iziral tɩŋŋaa. Ʋʋ dagɛ ʋ doluŋ wɩa-nyuŋ nɛ.

MOSIS KƐŊ IZIRAL TƖŊŊAA LƖƖ 20:11

Tapʋlaa balɩdʋ nɛ mɩ-na ma TƖƖNA joŋo ŋaa wɩa-nyuŋ arɩ tinteeŋ, mʋgʋ-balaa arɩ kɩalɩŋ kala sɩ hɛ ba lɛ, tapʋl-pɛɩ chɛɛŋ nɛ mɩ wiesi. Ŋɩɩ nɛ mɩ joŋ chɛ-wiesiŋ deeŋ a wasʋ, a leŋ ʋ ŋaa tapʋl-zɔŋ.

NAMAGABA 16:4

La Tɩɩna ŋaa wɩɩkala kɛŋ dɩdɛrɩŋ nɛ. Ʋ paala leŋ nɩbɔmʋŋ kɛŋ tapʋl-bɔŋ nɛ wɩaa sɩ jaŋ jʋʋ-ʋ.

AZAAYA 40:26

Má beŋ wɩa-nyuŋ a na, kʋbɛɛ nɛ ŋaa kɩaa deemba sɩ hɛ nɩmɛ? Ʋ nɛ nɩɩ-la sɩ ŋaa chɛnwʋlaa kʋbala kʋbala a yɩyɩrɛ ba yɩraa kʋŋ kʋŋ. Ʋ doluŋ sɩ yʋga kɩŋkɛŋ nɛ tɩɩ ba hɛ nɩmɛ, ba kʋbala ma bɩ lɛlɛ.

AZAAYA 40:28

Ma bɩ jɩŋ? Ma bɩ nɩaa? La TƖƖNA nɛ Wɩa sɩ hɛ nɩmɛ deeŋ deeŋ. Ʋ nɛ ŋaa dʋnɩa kala. Ʋ bɩ lɔl, nʋʋkala ma bɩ ʋ tʋɔbɩɩnaa wuo jɩŋ.

JƐRƖMAAYA 10:11

Má bʋl ŋ-la pɩ nɩalɩŋ: “Vʋɩyaa deemba ba sɩ to dee bɩ wɩa-nyuŋ arɩ tinteeŋ ŋaa, ba jaŋ nyɩɩgɛ tinteeŋ lɛ a lɛl dʋnɩa kala lɛ.”

JƐRƖMAAYA 32:17

“La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Tɩntɩŋŋaa 17:24

Wɩa-la sɩ ŋaa dʋnɩa arɩ kʋŋkala sɩ hɛ ʋ lɛ, a ŋaa wɩa-nyuŋ arɩ tinteeŋ kala Tɩɩna, ʋ bɩ lere-la nuhuobiine sɩ saa aa kpaarɛ vʋɩyaa ka jʋʋ.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Ɛfɛsɩs Nɩaa 3:9

a bɩra leŋ dɩ nʋʋkala jɩŋ ŋɩɩ Wɩa sɩ jaŋ to a ŋaa ʋ wɩalɩŋ kala sɩ faa. Wɩa nɛ Nɩɩ-la sɩ ta kʋŋkala, ʋ fa joŋ wɩalɩŋ faa faafaa kala nɛ.

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

Hiburu TƖŊŊAA 1:10

Wɩalɩŋ ba bɩra sɩ bʋla nɛ ŋ-la: Ba sɩ, “La Tɩɩna, dɩ-suomuŋ kala ŋ nɛ bil tinteeŋ gentine, ŋ nɛ ŋaa wɩa-nyuŋ ma.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 10:6

Ŋɩɩ nɛ ʋ ŋmɩɛsɛ Wɩa, Nɩɩ-la sɩ hɛ nɩmɛ a kaa mʋ wuu, nɩɩ-la sɩ ta wɩa-nyuŋ arɩ kɩalɩŋ kala sɩ hɛ wɩa-nyuŋ, arɩ tinteeŋ arɩ kɩalɩŋ kala sɩ hɛ nɩmɛ, arɩ mʋgʋ-balɩŋ, arɩ kɩalɩŋ kala sɩ hɛ ʋ tʋɔŋ. Ʋ sɩ, “Bʋa-la yie nɛ, la bɩra bɩ jaŋ wuo kɛŋ wɩɩkala dieni.”

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 19:1

Wɩaa deemba kala sɩ ŋaa harɩŋ, ŋɩɩ nɛ mɩ nɩɩ goŋ Wɩa-jaŋ lɛ. Goŋ-la nagɛ nɩ-daŋ yikoro nɛ aa bʋl, “Haleluya, La Tɩɩna Wɩa kɛŋ doluŋ dɩ ʋ laala ta. Ʋ nɛ kɛŋ yɩrɩŋ arɩ doluŋ.

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”

Jɔɔŋ Wʋnaalaa 5:2

Ŋɩɩ nɛ mɩ na Wɩa tɩndaarɩ-duo kʋbala dɩ ʋ faasa heeli a bʋl, “Kʋbɛɛ nɛ jaŋ wuo lɛrɛ kelli-la ba sɩ kaa mɛrɛ teŋ-la aŋ suri teŋ-la?”

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.