Jɔɔŋ Wʋnaalaa 3:7 - WƖA TENIŊ

⁷ Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.

Jɔɔŋ Wʋnaalaa 3:7 ပူးပေါင်းရင်းမြစ်များ

JOB 11:10

Dɩ Wɩa nɛ kɛnɩŋ kɔ dɩ ʋ dii ŋ sarɩya, kʋbɛɛ nɛ jaŋ wuo bʋl dɩ ʋ sɩ́ dii?

JOB 12:14

Kʋ-la ʋ sɩ yige lo, nʋʋkala bɩra bɩ jaŋ wuo saaʋ, nɩɩ-la ʋ sɩ kaa tɔ dɩa ma, nʋʋkala bɩ jaŋ wuo lɩɩsʋ ta.

WƖA YƖƖLAA 145:17

La Tɩɩna kɛŋ tʋɔpʋla nɛ a ŋɩŋaa ʋ wɩɩkala, a cho kɩalɩŋ kala ʋ sɩ ŋaa.

WƖA YƖƖLAA 16:10

Mɩ nɛ ŋaa nɩɩ-la ŋ sɩ lɩɩsa, ŋ bɩ jaŋ leŋ dɩ mɩ ka bʋa tʋɔŋ, koo a mʋ lɛlɛɛ-jaŋ.

WƖA YƖƖLAA 89:18

La Tɩɩna, ŋ nɛ lɩɩsɛ nɩɩ-la sɩ jaŋ pɔla, a pɩla. Ŋ-na Iziral tɩŋŋaa Wɩa sɩ bɩ disiniŋ kɛnɛ, ŋ nɛ lɩɩsɛ la kuoro pɩla.

AZAAYA 22:22

Mɩ jaŋ joŋ Devit dɩa boribiiŋ hɛ ʋ nɩsɩŋ lɛ. Dɩ ʋ nɛ kɛŋ dɩa-la suri, nʋʋ bɩ jaŋ wuo kaa tɔ. Dɩ ʋ nɛ bɩra kaa tɔ ma, nʋʋ bɩ jaŋ wuo kaa suri.

AZAAYA 30:11

Lɩɩ la wombiiŋ lɛ, sɩ́ la wombiiŋ kɛrʋ. Sɩ́ Iziral tɩŋŋaa Wɩa sɩ bɩ disiniŋ kɛnɛ wɩaa kaa kɛnla pugi.”

AZAAYA 41:14

La TƖƖNA, ma Laataara sɩ ŋaa Iziral tɩŋŋaa Wɩa a bɩ disiniŋ kɛnɛ sɩ, “Iziral tɩŋŋaa ma muuro nɛ a bɩ doluŋ ma kɛnɛ, ama má sɩ́ fawʋllʋŋ fá, mɩ jaŋ pɛ ma lɛ.

AZAAYA 41:16

Ma jaŋ ŋmooba villi, dɩ pel-duoŋ paaba viiri. Ma tʋɔŋ jaŋ tɔrɛ mɩ-na ma TƖƖNA sɩ ŋaa Iziral tɩŋŋaa Wɩa sɩ bɩ disiniŋ kɛnɛ nyuŋ a chʋɔlɛmɛ.

AZAAYA 41:20

Nɩaa jaŋ na a jɩŋ arɩ mɩ-na ma TƖƖNA sɩ ŋaa Iziral tɩŋŋaa Wɩa sɩ bɩ disiniŋ kɛnɛ nɛ ŋaa ŋɩɩ.”

AZAAYA 47:4

La Laataara yɩrɩŋ nɛ La TƖƖNA doluŋ kala Tɩɩna, ʋ nɛ ŋaa Iziral tɩŋŋaa Wɩa sɩ bɩ disiniŋ kɛnɛ.

AZAAYA 48:17

Wɩɩ-la La TƖƖNA sɩ bʋla nɛ ŋ-la, ma Laataara Iziral Wɩa sɩ bɩ disiniŋ kɛnɛ: “Mɩ nɛ ma TƖƖNA Wɩa, mɩ nɛ Nɩɩ-la sɩɩ dagɛma wɩalɩŋ sɩ zɔmɔ pɩma arɩ ŋɩɩ ma sɩ maga dɩ ma ŋɩŋaa wɩaa.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 6:3

Ba yɩrɛ dɔŋɔ a bʋla pɩ dɔŋɔ: “La TƖƖNA doluŋ kala Tɩɩna bɩ disiniŋ kɛnɛ, ʋ bɩ disiŋ kala kɛnɛ, ʋ bɩ disiniŋ kɛnɛ, dʋnɩa kala nɛ suo arɩ ʋ tʋla.”

Matiu 16:19

Mɩ jaŋ joŋ Wɩa kuorii-la boribiee pɩŋ. Wɩɩ-la ŋ sɩ vɩa dʋnɩa lɛ, ba jaŋ vɩaʋ Wɩa-jaŋ ma. Wɩɩ-la ma ŋ sɩ sɛyɛ dʋnɩa lɛ, ba jaŋ sɛyʋ Wɩa-jaŋ ma lɛ.”

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

Maak 1:24

“Yesu sɩ lɩɩ Nazarɛt, bɛɛ nɛ ŋ chɩchɛ ŋ ŋaa la lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ, ŋ nɛ ŋaa Wɩa tʋɔpʋl Tɩɩna.”

Luuk 1:32

Ʋ jaŋ ŋaa nɩbal. Ba jaŋ kɛnʋ yɩrɛ Wɩɩ-balɩŋ Bie. Wɩa jaŋ ŋaa dɩ ʋ dii kuoruŋ arɩ ʋ naabalɩma Devit fa sɩ dii kuoruŋ ŋɩɩ.

Luuk 4:34

a bʋl, “Yesu ŋ sɩ lɩɩ Nazarɛt, bɛɛ kʋŋ nɛ ŋ chɛ ŋ ŋaala lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ. Ŋ ŋaa Wɩa tʋɔpʋl Tɩɩna nɛ.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Tɩntɩŋŋaa 3:14

Ma vɩa tʋɔpʋl Tɩɩna sɩ bɩ disiniŋ kɛnɛ nɛ, aŋ sʋl dɩ ba joŋ nɩkpʋʋra ta,

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 21:5

Ŋɩɩ nɛ Nɩɩ-la sɩ hɔŋ kuoru kpasa-la nyuŋ bʋl, “Má bee na, mɩ ŋaa kʋŋkala bɩrɩmɛ kʋfalɩɩ nɛ.” Ŋɩɩ nɛ aŋ bɩra bʋl, “Ŋmʋnsɛ wɩaa deemba mɩ sɩ bʋla, bɛɛ wɩaa ba ŋaa wʋtɩtɩɩ nɛ, a magɛ dɩ nɩaa laaba dii.”

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”