Jɔɔŋ Wʋnaalaa 3:4 - WƖA TENIŊ

⁴ Arɩ ŋɩɩ kala nɩaa baŋmɛnɛ nɛ ha hɛ Saadɩs lɛ a bɩ disiniŋ kɛnɛ. Ba nɛ jaŋ laalɛ gɛrɩ-pʋllʋŋ a to mɩ harɩŋ, bɛɛ wɩaa ba magɛ ŋɩɩ nɛ.

Jɔɔŋ Wʋnaalaa 3:4 ပူးပေါင်းရင်းမြစ်များ

1 KUOROO 19:18

Mɩ jaŋ lɩɩsɛ nɩaa bʋɩ balɩpɛ sɩ hɛ Iziral lɛ a bɩ Baal kpaara koo a digu, dɩ ba kɛŋ mɩɩsɩŋ.”

ƐSƖTA 8:15

Ŋɩɩ nɛ Modikaaya lɩɩ kuoro teeŋ a laalɛ kuoru-gɛrɩŋ sɩ nagɛ diibelimbine a tagɩsɛ kʋpulluŋ, a chu kuoru nyunchuulo ba sɩ kɛŋ sɛlɩmɛ ŋaa, a ha bɩra laalɛ gɛrɩŋ dɔŋɔ ma sɩ ŋaa gɛrɩpɛ vachalɩŋ gɛrɩ-fʋfʋlʋŋ a daŋ. Ka Susa nɩaa tʋɔŋ kala tɔrɛ ba jʋjʋɔsɛ.

WƖA YƖƖLAA 68:14

Wɩɩjarɩbakɔ, ŋ fa ŋmoo kuoroo pɩsɛ ʋ nagɛ bʋrʋŋ sɩ tɔ peel-la ba sɩɩ yɩrɛ Zalɩmɔŋ nyuŋ nɛ.

TƖƖCHA 9:8

Ŋɩŋaa wɩalɩŋ sɩ tɔrɛ ŋ tʋɔŋ bʋa-kala lɛ.

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 59:6

Ma badɛrɛ chakʋʋrɩba-la ma sɩ ŋaa, ba ŋaa pɛɩ nɛ ba bɩ jaŋ wuo pilime tɔ ma wʋbɔmɔ-la. Ma wɩɩkala ŋaa nɩbɔŋ wɩɩ nɛ, ma wʋŋaalaa kala ŋaa yuosuŋ nɛ.

AZAAYA 61:10

Mɩ tʋɔŋ tɔrɛ La TƖƖNA lɛ nɛ woruŋ mɩ jʋjʋɔsɛ Wɩa sɩpaaŋ, bɛɛ wɩaa laatanɩŋ nagɛ gɛrɩŋ nɛ ʋ joŋo laalɛmɛ tʋɔpʋla ma nagɛ gɛrɩŋ ʋ joŋo kpɩɛrɛmɛ, a nagɛ ha-falɩŋ bala sɩ kpɩɛrɛ ʋ tɩtɩa ŋɩɩ a bɩra nagɛ ba sɩ kpɩɛrɛ ha-falɩŋ,

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

AZAAYA 64:6

La kala ŋaa disiŋ tɩmma nɛ. La tʋɔpʋl wʋŋaalaa kala nagɛ gɛrɩkɔsʋmɔɔ sɩ kɛŋ nyɛsɩŋ nɛ. La wʋbɔŋŋɔɔ leŋe la nagɛ pɩpaarɩŋ sɩ hɩla nɛ, peliŋ lu a paala viiri.

LEVI DOHO NƖAA 13:48

dɩ gɛrɩ-yuolii nɛ koo dɩ gɛrɩ-sʋalʋŋ nɛ koo dɩ teniŋ nɛ ba kaa ŋaa kʋ-la,

Matiu 10:11

Dɩ ma nɛ mʋ yi tabal koo tabie, má jʋʋ taŋ-la tʋɔŋ a bee chɛ nɩɩ-la sɩ jaŋ wuo laama bil a chʋchʋa dɩɩ-bala-la lɛ halɩɩ dɩ bʋa-la ma sɩ jaŋ lɩɩ taŋ-la lɛ yi.

Maak 16:5

Ŋɩɩ nɛ ba mʋ jʋʋ bʋa-la a na bapʋɔsɩ-bie dɩ ʋ hɔŋ bʋa-la tʋɔŋ nadiiŋ a laalɛ gɛrɩ-pʋla. Fawʋllʋŋ kɛmba.

Luuk 20:35

Ama bʋa-la lɛ baala-la arɩ haala-la sɩ jaŋ sii sʋʋŋ lɛ a kɛŋ mɩɩsɩ-la sɩ bɩ dɛrɛ, ba bɩra bɩ jaŋ jaa dɔŋɔ.

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

Tɩntɩŋŋaa 1:15

Tapʋlɩɩ kʋbala ba kʋ hilimi, ba fa yi arɩ nɩaa zɔlɔ arɩ mara. Ŋɩɩ nɛ Pɩɩta sii chɩŋ dɩ ʋ bʋl wɩaa.

2 Tɛsalonaaka Nɩaa 1:5

Wɩaa deemba kala daga arɩ Wɩa kɛŋ wʋtɩtɩɩ nɛ ʋ sarɩya diiniŋ lɛ. Ŋɩɩ wɩaa ma jaŋ jʋʋ Wɩa kuorii-la tʋɔŋ a tɩŋ ma sɩɩ na hɛɛŋ ʋ wɩaa.

Juud 1:23

Nɩalɩŋ sɩɩ jʋʋ Wɩa nyiniŋ, má lorigo laaba ta. Nɩaa dɔnsʋŋ ma hɛ nɩmɛ sɩ maga dɩ ma fá Wɩa aŋ fá ba nenige, ama má kɛŋ ma tɩtɩa dɩ ba wʋbɔmɔ-la sɩ́ ma chol.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

Jɔɔŋ Wʋnaalaa 19:14

Wɩa-jaŋ laalɩyuoroo laalɛ gɛrɩ-fʋfʋlaa, a ma jɩl ja-pʋllʋŋ a tuto ʋ harɩŋ nɛ.

Jɔɔŋ Wʋnaalaa 19:8

Ba joŋ gɛrɩpɛ tʋlʋŋ sɩ chaasa zɔŋ nɛ a pɩ haal-la dɩ ʋ laalɛ. Gɛrɩpɛ tʋlɩɩ-la nɛ ŋaa Wɩa nɩaa tʋɔpʋl wʋŋaalaa.”

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.

Jɔɔŋ Wʋnaalaa 3:5

Nɩɩ-la kala sɩ wuo yuo dii Sɩtaanɩ, ʋ tɩɩna jaŋ laalɛ gɛrɩ-pʋllʋŋ. Mɩ bɩ jaŋ kpʋ ʋ yɩrɩŋ ta mɩɩsɩŋ teŋ-la tʋɔŋ. Mɩ jaŋ suri mɩ niiŋ a yɩrɛ ʋ yɩrɩŋ mɩ Nyɩmma Wɩa arɩ ʋ tɩndaaraa sɩpaaŋ.

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 6:11

Ŋɩɩ nɛ Wɩa joŋ gɛrɩ-pʋl-duduoŋ a pɩ ba kʋŋkala aŋ bʋla pɩba dɩ ba gbɛrɛ a wiesi mʋapɩlɩɩ, see dɩ ba kpʋ ba tɩntɩnnɩ dɔnsʋŋ arɩ ba naambiiri-la dɔnsʋŋ a magɛ ŋɩɩ ʋ sɩɩ chɛ.

Jɔɔŋ Wʋnaalaa 7:9

Ʋ ŋɩɩ harɩŋ nɛ mɩ beŋ a na nɩ-dandaŋ, nʋʋ bɩ ba wuo dɩɩsɛ, sɩ lɩɩ tintee-dosunuŋ, do-yiriba arɩ nɩdosunuŋ sɩɩ bʋl yikori-wogusuŋ. Mɩ na dɩ ba chɩŋ kuoru kpasa-la arɩ Pie-bie-la sɩpaaŋ a laalɛ gɛrɩ-pʋl-duduosuŋ, a kori abɛ pɩpaarɩŋ ba nɩsaa lɛ.