Jɔɔŋ Wʋnaalaa 3:3 - WƖA TENIŊ

³ Má liise yi wɩalɩŋ ba sɩ dagɛma arɩ wɩalɩŋ ma sɩ nɩa aŋ laa maa. Má toba, aŋ bɩrɩma lɩɩ ma wʋbɔŋŋɔɔ lɛ. Dɩ ma nɛ bɩ doŋ lɛ sie, mɩ jaŋ lʋara kɔ a nagɛ gaara. Ma bɩ jaŋ wuo jɩŋ bʋa-la mɩ sɩ jaŋ kɔ ma teeŋ.

Jɔɔŋ Wʋnaalaa 3:3 ပူးပေါင်းရင်းမြစ်များ

ƐZƖKƖƐL 20:43

Nɩmɛ nɛ ma jaŋ liisi wɩalɩŋ kala ma fa sɩ ŋaa a joŋ disiniŋ hɛ ma tɩtɩa lɛ, dɩ ma tʋɔŋ lɩɩ ma tɩtɩa a tɩŋ wʋbɔmɔ-la kala ma sɩ ŋaa wɩaa.

ƐZƖKƖƐL 36:31

Ŋɩɩ nɛ ma jaŋ liisi wʋbɔmɔ-la ma sɩ ŋaa, dɩ ma tʋɔŋ lɩɩ ma tɩtɩa a tɩŋ ma wʋbɔŋŋɔɔ arɩ wʋkɩsɩa-la ma sɩ ŋaa wɩaa.

Matiu 25:13

Ŋɩɩ wɩaa má pɔ ma tɩtɩa lɛ woruŋ. Ma bɩ jɩŋ chɛɛ-la koo bʋa-la lɛ mɩ-na Yesu sɩ jaŋ mɩɩra kɔ.”

Maak 13:33

Má kɛŋ ma tɩtɩa woruŋ a pɔ, bɛɛ wɩaa ma bɩ wɩalɩŋ sɩ jaŋ ŋaa chɛɛ-la jɩŋ.

Maak 13:36

Dɩ ʋ nɛ guu kɔ, ʋ bɩ maga dɩ ʋ kɔ dɩ ma pɩŋ doŋ.

1 Tɛsalonaaka Nɩaa 5:2

bɛɛ wɩaa ma tɩtɩa jɩma woruŋ dɩ La Tɩɩna Yesu nɩɩ kɔ tapʋlɩɩ-la, ʋ jaŋ kʋ dɩ ma lɛ, a nagɛ gaara sɩ yie guu kɔ ŋɩɩ tɩtaŋɩŋ.

1 Timoti 6:20

Tɔɔ, Timoti, pɔ tɩntɩmɩɩ-la Wɩa sɩ joŋo hɛ ŋ nɩsɩŋ lɛ woruŋ. Lɩɩsɛ ŋ tɩtɩa nɩalɩŋ sɩɩ bʋl wɩalɩŋ sɩ bɩ Wɩa wombiiŋ ka to lɛ, aŋ kɛŋ wɩalɩŋ lɩlɛrɛ. Nɩalɩŋ sɩɩ ŋaa ŋɩɩ yie nyɩɛ wɩaa aŋ bɩɩnɛ wʋjɩmɩɩ nɛ ŋɩɩ.

2 Timoti 1:13

Wɩalɩŋ kala mɩ fa sɩ dagɩŋ, ba ŋaa wʋtɩtɩɩba nɛ. Chɩŋ wɩalɩŋ lɛ a tutoba. La dɩ Kirisito Yesu sɩ ŋaa kʋbala ŋɩɩ, hɛ doluŋ aŋ chɩŋ wɩalɩŋ ŋ sɩ laa dii lɛ, a cho nɩaa ma.

Hiburu TƖŊŊAA 2:1

A tɩŋ wɩɩŋ deeŋ wɩaa, ʋ maga dɩ la kɛŋ wɩalɩŋ la sɩ nɩa woruŋ, dɩ wɩɩkala sɩ́ leŋe dɩ la mɩɩrɛ harɩŋ.

2 Pɩɩta 1:13

Mɩ ha sɩ hɛ mɩ mɩɩsɩŋ deeŋ lɛ, ʋ ŋaa wʋzɔŋ nɛ dɩ mɩ liliisima wɩaa deemba dɩ ma sɩ́ ba yʋ,

2 Pɩɩta 3:1

Mɩ nandɔŋ-kpɩanaba, mɩ teŋ-lɩamɩŋ nɛ ŋ-la mɩ sɩ ŋmʋnsa pɩpɩma. Mɩ tenni-la balɩamɩŋ tʋɔŋ, mɩ bʋl wɩaa liliisima dɩ ma wuo to Wɩa arɩ tʋɔbɩɩŋ zɔŋŋɔɔ.

2 Pɩɩta 3:10

Ama tapʋlɩɩ-la La Tɩɩna Yesu jaŋ sɩ kɔ, ʋ jaŋ nagɛ gaara sɩ kʋ dɩ nɩaa lɛ. Bʋa-la lɛ nʋʋkala jaŋ nɩɩ huuri-bal kʋbala wɩa-nyuŋ. Wɩa-nyuŋ jaŋ lɛl, ka kʋŋkala sɩ hɛ wɩa-nyuŋ ma jaŋ ŋmɩɛrɛ nyiniŋ tʋɔŋ a nyɩɩgɛ, ka dɩ tinteeŋ kʋŋkala ma dii nyiniŋ.

Jɔɔŋ Wʋnaalaa 16:15

Má bee na, mɩ jaŋ kɔ arɩ gaara sɩ yie kɔ ŋɩɩ. Wɩa jaŋ pɛ nɩɩ-la kala sɩ bɩ doŋ pɩna aŋ pɔ lɛ, nɩɩ-la kala sɩ laalɛ ʋ gɛrɩŋ, dɩ nɩaa sɩ́ ʋ yarɩ-biree na.

Jɔɔŋ Wʋnaalaa 2:25

Ama wɩɩ-la mɩ sɩ jaŋ bʋla pɩma nɛ, má kɛŋ wʋtɩtɩɩ-la ma sɩ nɩa kpaŋ kpaŋ a mʋ yi tapʋlɩɩ-la mɩ sɩ jaŋ kɔ.

Jɔɔŋ Wʋnaalaa 2:5

Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”

Jɔɔŋ Wʋnaalaa 3:11

Mɩɩ kɔ nɛ lɛɛlɛ. Má faasa kɛŋ kʋ-la ma sɩ kɛnɛ, dɩ nʋʋkala sɩ́ kuori-nyunchuul-la sɩ ŋaa ma time kaa laa ma teeŋ.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.

Jɔɔŋ Wʋnaalaa 3:2

Má sii doŋ lɛ a pɔ dɩ wʋkaana-la mʋa ma ha sɩ kɛnɛ sɩ́ chei, bɛɛ wɩaa mɩ na dɩ ma wʋŋaalaa ha bɩ sɩɩŋ suo Wɩa sɩpaaŋ.