Jɔɔŋ Wʋnaalaa 3:19 - WƖA TENIŊ

¹⁹ Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.

Jɔɔŋ Wʋnaalaa 3:19 ပူးပေါင်းရင်းမြစ်များ

2 SAMƲƐL 7:14

Mɩ jaŋ ŋaa ʋ nyɩmma, dɩ ʋ ma ŋaa mɩ bie. Dɩ ʋ nɛ ŋaa wɩɩ a chei, mɩ jaŋ lɛrɛ ʋ dɩgɩlɩŋ a nagɛ nuhuobiine sɩ yie lɛrɛ ʋ bie dɩgɩlɩŋ ŋɩɩ.

JOB 5:17

Nɩɩ-la kala Wɩa sɩ kaa tʋraa kɩɩ jaŋ kɛŋ tʋɔtɔrʋŋ, ŋɩɩ wɩaa, sɩ́ Wɩa doluŋ kala Tɩɩna dagɩŋ vɩa.

WƖA YƖƖLAA 39:11

Ŋ dɔgɩsɛla kɩŋkɛŋ a tɩŋ la wʋbɔŋŋɔɔ wɩaa. Ŋ nagɛ mʋgʋlʋŋ nɛ a chei kɩalɩŋ la sɩ faasa cho. Nuhuobiine kala nagɛ peliŋ nɛ.

WƖA YƖƖLAA 6:1

La Tɩɩna, sɩ́ baanɩŋ na a dɔgɩsɛmɛ, koo a dagɛmɛ arɩ baanɩŋ.

WƖA YƖƖLAA 69:9

Wɩa dɩa wɩaa ka dii mɩ nɛ woruŋ a nagɛ nyiniŋ, jomo-la ba sɩ joŋo tʋʋsɛ ŋ-na Wɩa, ba nɛ ba joŋoo tʋʋsɛ mɩ ma.

WƖA YƖƖLAA 94:10

Wɩa nɛ kɛŋ tinteyee nɩaa tʋra kɩkɩɩ, ma bɩɩna ʋ bɩ nɩaa wuo dɔgɩsɛ koo? Ʋ nɩɩ dagɛla wʋjɩmɩŋ. Ma bɩɩna ʋ tɩtɩa bɩ wʋjɩmɩŋ kɛnɛ koo?

NAMAGABA 15:10

Nɩɩ-la sɩ vɩa dɩ ʋ to wʋtɩtɩɩ wombiiŋ, ba jaŋ lɛrɛ ʋ dɩgɩlɩŋ kɩŋkɛŋ. Nɩɩ-la ma sɩ bɩ sɛyɛ ba kɛnʋ bil wombiiŋ lɛ jaŋ sʋʋ.

NAMAGABA 15:32

Nɩɩ-la sɩ bɩ chɛ dɩ ba kɛnʋ tʋra kɩɩ sɩɩŋ bɩ ʋ tɩtɩa ka su, ama nɩɩ-la sɩ sɛyɛ ba kɛnʋ bil wombiiŋ lɛ jaŋ gʋnnɛ wʋjɩmɩŋ pɛ.

NAMAGABA 22:15

Yaarɩŋ hɛ hambie kala lɛ nɛ, ama dɩ ŋ nɛ joŋ chɩba daŋ ʋ lɛ, ŋɩɩ jaŋ wuo kiri yarɩɩ-la ta ʋ lɛ.

AZAAYA 26:16

La TƖƖNA, bʋa-la lɛ ŋ sɩ dɔgɩsɛ ŋ nɩaa, ba na hɛɛŋ. Ŋ sɩ lɛrɛ ba dɩgɩlɩŋ ba kɔ ŋ teeŋ nɛ a nɛrɩgɛ munso sʋsʋlʋŋ.

JƐRƖMAAYA 10:24

La TƖƖNA, kɛmmɛ tʋra kɩɩ. Ama ŋaa ŋɩɩ arɩ sɩɩfɩɛlaa. Sɩ́ baanɩŋ lɛ to, dɩ ŋɩɩ dee, ŋ jaŋ leŋ dɩ mɩ ŋaa kʋpɛɩ.

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 31:18

Mɩ chaasa nɩɩ Efirem sɩ yele a bʋl, ‘Ŋ kɛmmɛ tʋraa kɩɩ a nagɛ nɛ-bie ba ha sɩ bɩ daga nɛ, mɩ sɛɩ ŋ kɛmmɛ tʋra kɩɩ. Kɛmmɛ mɩɩra kɔ ŋ teeŋ, dɩ mɩ hɛ ŋ leriŋ, bɛɛ wɩaa ŋ nɛ mɩ TƖƖNA Wɩa.

JƐRƖMAAYA 7:28

Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

ZEFANAAYA 3:2

Ʋ bɩ nʋʋkala niiŋ ka nɩɩ. Ʋ bɩ sɛyɛ ba dɩdagʋ. Ʋ bɩ La TƖƖNA laa dii. Ʋ bɩ sɛyɛ a mʋ kpɩkpagɛ ʋ Wɩa.

Matiu 25:7

Ŋɩɩ nɛ haala-la kala sii a kɛŋ ba chaanaa ŋmɛnɩŋ yige ta dɩ ba jɩl.

Jɔɔŋ 2:17

Ʋ harɩ-tooroo liisi wɩɩ-la ba sɩ ŋmʋnsa Wɩa teniŋ tʋɔŋ a bʋl, “Wɩa dɩa wɩaa ka diimi nɛ woruŋ a nagɛ nyiniŋ.”

Rom Tɩŋŋaa 12:11

Má sɩ́ yarɩwɩɩŋ kɛŋ, ama má faasa joŋ ma nyuŋ kala hɛ La Tɩɩna tɩntɩŋŋaa lɛ, Wɩa Dɩŋ-zɔmʋŋ doluŋ lɛ.

1 Kɔrɩntɩ Nɩaa 11:32

Ama dɩ Wɩa nɛ na dɩ la cheye, ʋ yie dɔgɩsɛla nɛ a kɛnla tʋrɛ. Ʋ yie ŋaa ŋɩɩ dɩ ʋ sɩ́ la joŋo pɛ dʋnɩa nɩaa lɛ a cheila.

2 Kɔrɩntɩ Nɩaa 6:9

Nuhuobiinee bɩ la jɩŋ, ama Wɩa-na jɩŋ-la nɛ. Nɩaa bɩɩna arɩ la sʋba nɛ, ama Wɩa teeŋ la weye nɛ. Baa dɔgɩsɛla nɛ, ama ba bɩ la kpʋa.

2 Kɔrɩntɩ Nɩaa 7:11

Má bee na wɩalɩŋ sɩ ŋaa ma lɛ a tɩŋ Wɩa sɩ leŋe ma tʋɔŋ chei. Lɛɛlɛ ma fɩɛsɛ sɩɩŋ nɛ a kɛŋ ma tɩtɩa hɛ dɔŋɔ dɩdagɛ arɩ ma bɩ wɩɩ cheye. Ma na baanɩŋ nɛ a tɩŋ wʋbɔmɔ-la ma sɩ ŋaa wɩaa. Fawʋllʋŋ kɛmma. Ma chomi nɛ a fɩɛsɛ sɩɩŋ dɩ ma namɛ. Ma kɛŋ ma tɩtɩa hɛ dɔŋɔ dɩ ma dɔgɩsɛ nɩɩ-la sɩ ŋaa wʋbɔmʋŋ nɛ ma tʋɔŋ. Ma daga arɩ ma bɩ wɩɩkala cheye wɩɩ-la lɛ.

Galiisia Nɩaa 4:18

Ʋ ŋaa wʋzɔŋ nɛ dɩ la tʋɔŋ nɩɩ wɩɩ dɔŋɔ lɛ dɩ mɩ nɛ hɛ ma teeŋ koo lee na-kala, ama ʋ maga dɩ ba ŋaa tʋɔ-wɩɩ-zɔmɔ nɛ.

MOSIS BƖRA WULLI WƖA WOMBIIŊ 8:5

Má saa maga dɩ ma jɩŋ nɛ, a nagɛ nuhuobiine sɩ yie kɛŋ ʋ bie a dagʋ wɩaa a kɛnʋ tʋra kɩkɩɩ ŋɩɩ, ŋɩɩ tɩtɩa nɛ ma TƖƖNA Wɩa ma kɛmma tʋra kɩkɩɩ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jɔɔŋ Wʋnaalaa 2:5

Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.