Jɔɔŋ Wʋnaalaa 3:18 - WƖA TENIŊ

¹⁸ Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.

Jɔɔŋ Wʋnaalaa 3:18 ပူးပေါင်းရင်းမြစ်များ

WƖA YƖƖLAA 107:11

bɛɛ wɩaa ba vɩa Wɩa sɩ kɩɩ kʋŋkala niiŋ wɩaa nɛ, a bɩ wɩalɩŋ ʋ sɩ daga ka to.

WƖA YƖƖLAA 16:7

Mɩ jaŋ dɛnnɛ La Tɩɩna, Nɩɩ-la sɩɩ dagɛmɛ. Tɩtaŋɩŋ ma paala, wɩalɩŋ ŋ sɩ dagɛmɛ ha yie hɛ mɩ nyuŋ lɛ nɛ, a liliisimi.

WƖA YƖƖLAA 32:8

Ŋ bʋla pɩmɛ, “Mɩ jaŋ chagɩlɩŋ a dagɩŋ wombii-la ŋ sɩ jaŋ to, aŋ bibeniŋ.

WƖA YƖƖLAA 73:24

Wɩalɩŋ ŋ sɩ dagɛmɛ nɛ kɛmmɛ bil wombiiŋ lɛ, ʋ dɩdɛrɩŋ kala ŋ jaŋ laamɛ arɩ zile.

NAMAGABA 1:25

Ma sɩ vɩa wɩalɩŋ mɩ sɩ dagɛma, a bɩ ŋɩɩ mɩ sɩ kpʋrɩsɛ ma dɩgɩlaa ma sɛyɛ,

NAMAGABA 1:30

a bɩ mɩ dagɩŋ ka sɛɩ, arɩ ŋɩɩ mɩ sɩɩ kpʋrɩsɛ ma dɩgɩlaa,

NAMAGABA 19:20

Jegilee nɩɩ chagɩlɩŋ, a sɛɩ dɩ ba dagɩŋ, ŋ jaŋ kʋ jɩŋ wɩaa.

NAMAGABA 23:23

Chɛ wʋtɩtɩɩ, a sɩ́ joŋo yallɛ. Chɛ wʋjɩmɩŋ a sɛɩ dɩ ba kɛnɩŋ tʋrɛ, arɩ ŋɩɩ ŋ sɩ jaŋ to jɩŋ wɩaa sɩaa.

TƖƖCHA 8:2

To kuoro wʋdagaa, a tɩŋ nii-la ŋ sɩ ta Wɩa sɩpaaŋ wɩaa.

AZAAYA 47:3

Ma jaŋ kɛŋ yarɩ-biree a dii hɩɩsɩŋ. Mɩ jaŋ joŋ mɩ baanɩŋ fɩɩsɛ ma lɛ. Mɩ bɩ jaŋ leŋ ma kʋbala ma ta.”

AZAAYA 55:1

La TƖƖNA bɩra sɩ, “Ma nɩalɩŋ kala lɩɩnyʋasʋŋ sɩ kɛnɛ, má kʋ nyʋa lɩɩŋ. Ma nɩalɩŋ ma sɩ bɩ moribiee kɛnɛ, má kʋ dii kɩaa. Má kʋ nyʋa tɩɩnɛnɛɛ sɩnɩŋ arɩ nayɩlɩŋ, ma bɩ jaŋ tiŋ kʋŋkala.

JƐRƖMAAYA 13:26

Mɩ jaŋ polli ma gɛnnɩŋ ta, ka dɩ nɩaa na ma hɩɩsɩŋ,

DANƖƐL 12:2

Nɩ-dandaŋ-la sɩ sʋba jaŋ sii, dɩ dɔnsʋŋ kɛŋ mɩɩsɩ-la sɩ bɩ dɛrɛ, ka dɩ dɔnsʋŋ ma dii hɩɩsɩŋ a na hɛɛ-la sɩ bɩ dɛrɛ.

MƖKA 1:11

Má nɩalɩŋ sɩ hɛ Safɩya lɛ, má kɛŋ hɩɩsɩŋ arɩ yarɩ-biree mʋ yoŋ-baga. Nɩalɩŋ sɩ hɛ taŋ-la ba sɩɩ yɩrɛ Zaanaŋ lɛ, má sɩ́ dɩ-jalɩŋ lɩɩ. Bɛf Ɛzɛl tɩŋŋaa ka yel nɛ, lee tuo ma sɩ jaŋ yuori.

NAHUM 3:5

Ŋɩɩ nɛ La TƖƖNA doluŋ kala Tɩɩna bʋl, “Mɩ chɩŋ ŋ lɛ nɛ. Mɩ jaŋ kɛŋ ŋ gondoŋ wuro tɔ ŋ sɩaa, aŋ leŋ dɩ tinteyee nɩaa na ŋ yarɩ-biree, dɩ ŋ hɩɩsɩŋ lɩɩ.

MALAKAƖ 3:3

Tɩndaarʋ-la jaŋ kʋ chɛsɛ Levi doho nɩaa dɩ ba lɩɩ a nagɛ sɛlɩmɛ koo hɔpʋla ba sɩ joŋo hɛ nyiniŋ lɛ a lɩɩsɛ hɔɔ-bɩnɩŋ. Ŋɩɩ lɛ nɛ La TƖƖNA jaŋ kɛŋ tʋɔpʋl tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ a pʋ,

Matiu 13:44

Yesu bɩra bʋl, “Wɩa kuorii-la nagɛ ŋ-la nɛ: Baal kʋbala nɛ mʋ pɩpɛrɛ baga a na dɩ sɛlɩmɛ hɛ baga-la lɛ. Ʋ sɩ na sɛlɩmɛ-la, ʋ gbaa tɔ, ʋ tʋɔŋ kala faasa tɔrɛ kɩŋkɛŋ. Ŋɩɩ nɛ ʋ mʋ yallɛ ʋ kɩaa kala a kɛŋ moribie-la a kaa mʋ yɔɔ baga-la.”

Matiu 25:9

Ŋɩɩ nɛ wʋjɩnna-la bʋla pɩba, ‘Aɩ, ŋ bɩ pɔ nʋʋ-la bɩ jaŋ yi la kala. Má mʋ yɔɔ ma tɩtɩa nʋʋŋ.’

Luuk 12:21

Ŋɩɩ nɛ Yesu bʋla pɩ nɩaa, “Nɩɩ-la kala sɩ yie chɛ kɩaa bil ʋ tɩtɩa lɛ aŋ bɩ kuoru ŋaa Wɩa teeŋ, ʋ nagɛ baala deeŋ nɛ.”

2 Kɔrɩntɩ Nɩaa 5:3

Dɩ Wɩa nɛ fa joŋ yara-la pɩla, la fa bɩ jaŋ kɛŋ yarɩ-biree.

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

1 Timoti 6:18

Bʋla pɩ nɩalɩŋ sɩ kɛŋ kɩaa dɩ ba ŋɩŋaa wʋzɔŋŋɔɔ, dɩ ba leŋ dɩ ba wʋzɔŋŋɔɔ yʋgɛ. Bʋla pɩba dɩ ba kɛŋ zile a ŋaa kɩaa pɩpɩ nɩaa.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

Jɔɔŋ Wʋnaalaa 16:15

Má bee na, mɩ jaŋ kɔ arɩ gaara sɩ yie kɔ ŋɩɩ. Wɩa jaŋ pɛ nɩɩ-la kala sɩ bɩ doŋ pɩna aŋ pɔ lɛ, nɩɩ-la kala sɩ laalɛ ʋ gɛrɩŋ, dɩ nɩaa sɩ́ ʋ yarɩ-biree na.

Jɔɔŋ Wʋnaalaa 19:8

Ba joŋ gɛrɩpɛ tʋlʋŋ sɩ chaasa zɔŋ nɛ a pɩ haal-la dɩ ʋ laalɛ. Gɛrɩpɛ tʋlɩɩ-la nɛ ŋaa Wɩa nɩaa tʋɔpʋl wʋŋaalaa.”

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 3:17

Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 7:13

Ŋɩɩ nɛ nɩhɩasɩ-la dɔŋɔ pɩɛsɛmɛ a bʋl, “Kʋbɛɛba nɛ laalɛ gɛrɩ-pʋl-duduosuŋ ŋɩɩ, nɩɩ nɛ ba lɩɩ?”